NA SAME 12
12
A masu sa tukuni kina ko ira era sa viavialevu
Vua na Domo-ni-sere e na Seminica. A Same i Tevita.
1I Jiova, mo ni ia na veivakabulai, ni sa oti na tamata lotu dina:
Sa yali ko ira sa lomadina maivei ira na luve ni tamata.
2Era sa cavuta tiko ko ira yadua na ka wale vua na nonai tokani:
Era sa vosa vakaveicavilaki tiko ka ra dauveivakaisini.
3Ena seledrutia ko Jiova na tebenigusudra na dauveicavilaki,
Kei na yamedra na dauvosalevu.
4O ira era sa kaya, Keitou na gumatua e na yame i keitou:
Sa neitou ga na tebenigusu i keitou: ko cei sa turaga vei keitou?
5Ni ra sa vakararawataki na tamata malumalumu, ka ni ra sa vutugu tiko na tamata dravudravua,
Sa kaya ko Jiova, Au na qai tu cake; Au na vakabulai ira yadua maivei koya sa dauvakalialiai ira.
6A vosa savasava na vosa i Jiova:
Me vaka na siliva sa vakatovolei e na kuro qele,
Sa vakasavasavataki vakavitu.
7I Jiova, ko ni na maroroi ira
Kemuni na maroroi ira e nai tabatamata oqo ka sega ni mudu.
8Era sa daulako voli e na veiyasana kecega na tamata ca,
Ni ra sa vakalevulevui na tamata velavela sara.
Currently Selected:
NA SAME 12: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
