ኤፌሶና ጋ ቆፋ
ጋ ቆፋ
ጳዉሎሲ ኤፌሶናን ዴዒያ ኣሳስ ፃፊዳ ኪታን ኡባፌ ኣዲ ፄሊዳባይ፥ «ዎዴይ ጋኪያ ዎዴ ፆሳይ ፖላናው ቆፒዳ ቆፋይ፥ ሳሎኒኔ ሳዓን ዴዒያ ሜቴ ኡባይ ኪሪስቶሳፔ ጋርሳን ጊዳና ሜላሳ» ያጊያ ቆፋ (1፡10)። ሄሳ ቦላ ጉጂዲ ዬሱስ ኪሪስቶሳራ ዴዒያ ኢሲፌቴን፥ ኣሳ ዜሬ ኡባይ ኢሲኖ ጊዳና ሜላ ሃ ጊታ ቆፋ ኦሶን ፔሻና ሜላ ፆሳ ኣሳ ሃሳዪሴስ።
ኤፌሶና ኪታ ኮይሮ ኪፊሊያን ፃፌይ ካራ ቆፋ ጊዲዳ ኢሲፌቴባ ፃፋናው ዶሚዳይሳ ዳልጊሲዲ፥ ፆሳ ኣዋይ ባ ኣሳ ዋቲ ዶሪዳኮ፥ ኤንቲካ ኢያ ናዓ፥ ዬሱስ ኪሪስቶሳን ባንታ ናጋራፔ ማሮታ ዴሚዲ ዋኒዲ ላዓ ኬዪዳኮኔ፥ ፆሳ ጊታ ኡፋይሳ ቃላይ ጌሻ ኣያና ባጋራ ቱማ ጊዴይሲ ኤሬቲዳኮ ኦዴስ። ናምዓን ኪፊሊያን ቃሲ ፃፌይ ሃ ኪታ ናባቢያ ኣሳይ ባንታ ኢሲፌቴ ዴዑዋን ኪሪስቶሳን ኤንታው ዴዒያ ኢሲፌቴይ ቱማ ጊዳና ሜላ ኤንቲ ዋኒዲ ዳናው ቤሲያኮ ቆፊሴስ።
ኣሳይ ኪሪስቶሳን ዴዒያ ኢሲፌቴ ዋኒዲ ዳናው ቤሲያኮ ዱማ ዱማ ሌሚሶን ቆንጪስ። ዎሳ ኬ ኣሳቴ ሌሚሶ ጊዲያ ዎዴ ኪሪስቶሲ ሄ ኣሳቴስ ሁዔ። ዎሳ ኬ ጊምቤ ኬን ሌሚሴቲያ ዎዴ ኪሪስቶሲ ሄ ኬ ጎዳ ፃጱዋ ሚንያ ዋና ሹቻ። ዎሳ ኬ ማቺን ሌሚሴቲያ ዎዴ ኪሪስቶሲ ኣዚናን ሌሚሴቲስ። ፃፌይ ኪሪስቶሳ ባጋራ ቆንጪዳ ፆሳ ኣ ኬሃቴ ዳሮ ናሺዲ ኦዲሼ፥ ጊዶይ ጪሞቲያ ሃሳያ ሃሳዬስ። ኢ ኡባባ፥ ኪሪስቶሳ ሲቁዋ፥ ኢያ ያርሼቴ፥ ኢ ኢሚዳ ናጋራ ኣቶቴ፥ ኢያ ኣ ኬሃቴኔ ኢያ ጌሻቴ ባጋራ ፄሌስ።
ኤፌሶና ኪታ ኣይፌ ቆፋታ
ሳሮ 1፡1-2
ኪሪስቶሳኔ ዎሳ ኬ 1፡3-3፡21
ኪሪስቶሳን ዴዒያ ኦራ ዴዑዋ 4፡1-6፡20
ኩሻ ቆፋ 6፡21-24
Currently Selected:
ኤፌሶና ጋ ቆፋ: gofENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About ኦራ ጫቁዋ ጎፋ