1 ቆሮንቶሳ 3
3
ፆሳ ካሊያዋንቱ ኦሱዋ
1ታናዳን ኣማኒያዋንቶ፥ ታኒ ጌሻ ኣያናይ ዴዒያ ኣሳሲ ሃሳዪያዋዳን፥ ሂንቴንቱሲ ሃሳያናው ዳንዳያቤይኬ። ሺን ሃ ኣላሚያ ኣሳሲ ሃሳዪያዋዳኒኔ ኣማኑዋን ሚኒቤና ኪሪስቶሳን ዴዒያ ጉ ናና ማላ ኣሳሲ ሃሳዪያዋዳን ሃሳያዲ። 2ሂንቴንቱ ቢሮ ሚኖ ቁማ ማናው ዳንዳይቤና ዲራው፥ ታኒ ሂንቴንታ ማ ፓካዲ፤ ሃራይ ኣቶ፥ ሃዒካ ዳንዳይቤይኪታ። 3ኣዪሲ ጎፔ፥ ሂንቴ ሃዒካ ሃ ኣላሚያ ኣሳዳን ዴዒታ። ሂንቴንቱ ሃ ኣላሚያ ኣሳ ጊዲያዋ ሂንቴ ጊዶን ዴዒያ ቃናቲኔ ፓሉማይ ኤሪሴኔ? ቃሲ ሃ ኣላሚያ ኣሳዳን ሲሜሬቲታ። 4ኣዪሲ ጎፔ፥ ሂንቴንቱፔ ኢቱ፥ «ታኒ ጳዉሎሳዋ» ጎፔ፥ ሃራይ ቃሲ፥ «ታኒ ኣጲሎሳዋ» ጎፔ፥ ሃ ኣላሚያ ኣሳ ማላ ጊዲኪቴ?
5ያቲና፥ ኣጲሎሲ ኦኔ? ጳዉሎሲ ኦኔ? ኑኒ ሂንቴንታ ኣማንዳ ፆሳ ካሊያዋንታ። ፆሳይ ኑሲ ሁጲያን ሁጲያን ኢሜዳ ኦሱዋ ኦቶ። 6ታኒ ፑቲያ ቶካዲ፤ ኣጲሎሲ ሃ ኡሼዳ፤ ሺን ፆሳይ ፑቲያ ዲቼዳ። 7ሄዋ ዲራው፥ ዲቺያ ፆሳፔ ኣቲን፥ ቶኪያዌካ ሃ ኡሺያዌካ ኣያኔ ጊዴና። 8ቶኪያዌኔ ሃ ኡሺያዌ ኢቲ ማላ፤ ሺን ፆሳይ ሁጲያን ሁጲያን ኣ ዳቡራ ኬና ኣው ዎይታና። 9ኑኒ ፆሳሲ ኢቲፔ ኦያ ኣ ኦሳንቻቱዋ ጊዲያ ዲራው፥ ሂንቴ ኣ ኦሱዋ ሳዓ።
ቃሲካ ሂንቴ ፆሳ ጎሊያ። 10ፆሳይ ታው ኢሜዳ ኣ ኬካቴን ኤራንቻ ኣናፂያዳን፥ ጎሊያ ባሱዋ ባሳዲ። ሃራ ኡራይ ኣ ቦላ ኬፄ። ሺን ኣ ቦላ ኬፂያ ኦኒኔ ዎቲ ኬፂንቶ፥ ባሬ ሁጴው ናጌቶ። 11ኣዪሲ ጎፔ፥ ፆሳይ ዬሱሲ ኪሪስቶሳ ፃላላ ባሶ ኦዴ ዎዳ። ኣፔ ሃራ ባሱዋ ባሳናው ኦኒኔ ዳንዳዬና። 12ሺን ሃ ባሱዋ ቦላ ኦኒኔ ዎርቃን ጊዲና፥ ቢራን ጊዲና፥ ኣልዖ ሹቻን ጊዲና፥ ሚን ጊዲና፥ ጋታን ዎይ ማቃን ኬፆፔ፥ 13ኣሳ ኡባ ኦሱ ቆንጪያ ኬሳናዋ። ኣዪሲ ጎፔ፥ ታማን ቆንጫና ዲራው፥ ሄ ጋላሳይ ኣሳ ኡባ ኦሱዋ ቤሳና። ኣሳይ ኡባይ ባሬ ኦሱዋ ዎቲ ኦዴንቶኔ ታማይ ፓጫና። 14ኦኒኔ ባሱዋ ቦላ ኬፄዳ ኦሱ ሚኒዴ ኣቶፔ፥ ኢ ዎይታ ኣካናዋ። 15ኦ ኦሱኔ ጉዴቶፔ፥ ሄ ኡራይ ቆሄታና። ኢ ባሬ ሁጴው ኣታና፤ ሺን ታማ ጊዶፔ ኬሲ ኣኮዋዳን ኣታና።
16ሂንቴንቱ ፆሳይ ኣቂያ ጌሻ ጎሊያ ጊዲያዋኔ ፆሳ ኣያናይ ሂንቴንቱን ዴዒያዋ ኤሪኪቴ? 17ኦኒኔ ፆሳ ጌሻ ጎሊያ ኮሎፔ፥ ፆሳይ ኣ ኮላና። ኣዪሲ ጎፔ፥ ፆሳይ ኣቂያ ጌሻ ጎሊ ጌሻ፤ ሄ ጌሻ ጎሊካ ሂንቴንታ።
18ኦኒኔ ባሬ ሁጲያ ጪሞፖ። ሂንቴንቱፔ ኦኒኔ ባሬና ሃ ኣላሚያን ኣ ኤራንቻ ያጊዴ ቆፖፔ፥ ኣ ኤራንቻ ጊዳናው፥ ኤያ ጊዶ። 19ኣዪሲ ጎፔ፥ ሃ ኣላሚያ ኣ ኤራቴይ ፆሳ ሲንን ኤያቴ። ፆሳ ማፃፋይ፥
«ፆሳይ ኣ ኤራንቻቱዋ
ኡንቱንታ ኡንቱንቱ ጌኒያን ኦይቄ»
ያጌ። #ዮብ 5፡13 20ቃሲ፥
«ኣዳ ኤራንቻቱዋ ቆፋይካ
ማዱ ባይናዋ ጊዲያዋ ጎዳይ ኤሬ»
ያጌ። #ማዝ 94፡11 21ሄዋ ዲራው፥ ኦኒኔ ኣሳን ጬቄቶፖ። ኣዪሲ ጎፔ፥ ኡባባይካ ሂንቴዋ። 22ጳዉሎሲካ፥ ኣጲሎሲካ፥ ኬፋይካ፥ #3፡22 ኬፋ፡ 1፡12 ሃ ሱንው ፃፌቴዳ ቢሌና ኢቱዋ። ሃ ኣላሚካ፥ ዴዑካ፥ ሃይቁካ፥ ሃዒ ዴዒያዌካ፥ ሲንፔ ያናዌክ፥ ኡባይካ ሂንቴዋ። 23ሂንቴንቱ ኪሪስቶሳዋንታ፤ ኪሪስቶሲካ ፆሳዋ።
Currently Selected:
1 ቆሮንቶሳ 3: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa
