Takwiin 36
36
Isuu macha sakan fi balad Adoom
1Daahu zurriiyit Isuu al-maʼruuf be Adoom. 2Isuu akhad min banaat al-Kanʼaaniyiin Aada bineeyit Iluun al-Hitti wa Uhulibaama bineeyit Anaa. Wa Anaa da, hu wileed Sibʼuun al-Hiwwi. 3Wa fi raas awiinah al-aakhariin, Isuu akhad Baasmat bineeyit Ismaaʼiil akhut Nabayuut. 4Wa Aada wildat Alifaaz le Isuu. Wa Baasmat wildat leyah Raʼuwiil. 5Wa Uhulibaama wildat leyah Yaʼuuch wa Yaʼlaam wa Khuurah. Wa dool awlaad Isuu al-wildoohum leyah fi balad Kanʼaan.
6Wa Isuu chaal awiinah wa awlaadah wa banaatah wa kulla l-naas al-fi beetah wa bahaaymah wa maalah wa kulla cheyy al-ligaah fi Kanʼaan. Wa hawwal macha balad aakhara baʼiid min akhuuh Yaakhuub. 7Achaan al-balad al-humman saakniin foogha bigat leehum dayge. Wa ma yagdaro yiʼiichu sawa achaan maalhum bigi katiir. 8Wa Isuu, al-maʼruuf be Adoom, macha sakan fi jibaal balad Saʼiir.
Zurriiyit Isuu
9Daahu zurriiyit Isuu abu al-Adoomiyiin fi jibaal balad Saʼiir.
10Awlaad Isuu humman Alifaaz wileed Aada wa Raʼuwiil wileed Baasmat.
11Wa awlaad Alifaaz humman Teemaan wa Umaar wa Saafi wa Gaʼtaam wa Khinaaz. 12Wa Alifaaz wileed Isuu indah sirriiye usumha Timnaaʼa hi jaabat leyah wileed usmah Amaalikh. Wa dool awlaad Aada marit Isuu.
13Wa awlaad Raʼuwiil humman Nahat wa Zaarah wa Chamma wa Mizza. Wa dool awlaad Baasmat marit Isuu.
14Wa Uhulibaama marit Isuu, hi bineeyit Anaa wa jiddaha Sibʼuun. Wa hi wildat leyah Yaʼuuch wa Yaʼlaam wa Khuurah.
Chuyuukh zurriiyit Isuu
15Wa daahu chuyuukh zurriiyit Isuu.
Awlaad Alifaaz bikir Isuu, humman Teemaan wa Umaar wa Saafi wa Khinaaz 16wa Khuurah wa Gaʼtaam wa Amaalikh. Wa dool chuyuukh zurriiyit Alifaaz fi balad Adoom al-marago min Aada marit Isuu.
17Wa l-chuyuukh al-maargiin min Raʼuwiil wileed Isuu, humman Nahat wa Zaarah wa Chamma wa Mizza. Wa dool chuyuukh zurriiyit Raʼuwiil al-marago min Baasmat marit Isuu wa saakniin fi balad Adoom.
18Wa l-chuyuukh al-maargiin min Uhulibaama bineeyit Anaa marit Isuu, humman Yaʼuuch wa Yaʼlaam wa Khuurah.
19Wa dool bas chuyuukh al-Adoomiyiin zurriiyit Isuu.
Awwal sukkaan balad Adoom
20Wa daahu awlaad Saʼiir al-Huuri al-awwal saakin fi balad Adoom, humman Luutaan wa Chuubaal wa Sibʼuun wa Aana 21wa Diichuun wa Isar wa Diichaan. Wa daahu chuyuukh al-Huuriyiin min zurriiyit Saʼiir al-saakniin fi balad Adoom.
22Awlaad Luutaan humman Huuri wa Heemaam. Wa akhut Luutaan usumha Timnaaʼa.
23Wa awlaad Chuubaal humman Alwaan wa Manaahat wa Ibaal wa Chafu wa Unaam.
24Wa awlaad Sibʼuun humman Ayya wa Aana. Wa Aana da bas al-ligi een almi al-haami fi l-sahara wakit gaaʼid yasrah be hamiir hana abuuh Sibʼuun.
25Wa iyaal Aana humman Diichuun wa bineeytah Uhulibaama.
26Wa awlaad Diichuun humman Hamdaan wa Achbaan wa Yitraan wa Karaan.
27Wa awlaad Isar humman Bilhaan wa Zaʼwaan wa Akhaan.
28Wa awlaad Diichaan humman Uus wa Araan.
29Wa chuyuukh al-Huuriyiin humman Luutaan wa Chuubaal wa Sibʼuun wa Aana 30wa Diichuun wa Isar wa Diichaan. Dool chuyuukh al-Huuriyiin al-saakniin fi balad Saʼiir.
Muluk balad Adoom
31Wa daahu asaame al-muluuk al-hakamo fi balad Adoom gubbaal ayyi malik ma yahkim fi Bani Israaʼiil.
32Baalaʼ wileed Baʼuur hakam fi balad Adoom wa usum hillitah Dinhaaba.
33Wa Baalaʼ maat wa Yubaab wileed Zaarah min hillit Busra hakam fi badalah.
34Wa Yubaab maat wa Huchaam min balad Teemaan hakam fi badalah.
35Wa Huchaam maat wa Haddaad wileed Badaad hakam fi badalah. Wa hu bas al-annasar fi gabiilat Midyaan fi balad Muwaab wa hillitah usumha Awiit.
36Wa Haddaad maat wa Samla min Masriikha hakam fi badalah.
37Wa Samla maat wa Chaawuul min hillit Rahubuut al-Bahar hakam fi badalah.
38Wa Chaawuul maat wa Baʼal Hanaan wileed Akbuur hakam fi badalah.
39Wa Baʼal Hanaan wileed Akbuur maat wa Hadaar hakam fi badalah wa usum hillitah Faaʼu. Wa usum martah Mahiitabiil bineeyit Matrid wa hi di bineeyit Meedahab.
40Wa daahu asaame hana chuyuukh Bani Isuu ale hasab gabaayilhum wa asaame buldaanhum. Humman
Timnaaʼ wa Alwa wa Yatiit
41wa Uhulibaama wa Iila wa Finuun
42wa Khinaaz wa Teemaan wa Mibsaar
43wa Magdiyiil wa Iraam.
Wa dool humman chuyuukh balad Adoom ale hasab maskanhum fi l-balad al-hakamooha. Wa kulluhum min zurriiyit Isuu jidd al-Adoomiyiin.
Currently Selected:
Takwiin 36: ADT19
Highlight
Share
Copy
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
