Kuluusi 4

1Ya siyaad al-abiid, sawwu daayman le abiidku al-adil wa l-musaawa. Ma tanso kadar intu kula abiid wa siidku hu al-gaaʼid fi l-sama.

Al-sala wa l-bichaara

2Ya akhwaani, ankarbu fi l-sala wa agoodu foogha waaʼiyiin wa asʼalo Allah be chukur. 3Wa asʼalo Allah leena kula. Asʼalooh achaan yaftah leena derib le l-bichaara achaan niballukhu al-naas be sirr Allah hu al-Masiih. Wa be sabab al-bichaara di, ana gaaʼid fi l-sijin. 4Asʼalo Allah leyi achaan niballikhha le l-naas be kalaam waadih misil waajib.

5Iichu be hikma fi ust al-naas al-ma muʼminiin. Ayyi fursa al-ligiituuha, achhado le l-Masiih. 6Chiilu niiye achaan tihajju daayman be kalaam taaʼim wa indah rahma. Wa misil da, taʼarfu kikkeef waajib turuddu le ayyi naadum.

Al-khabar wa l-salaam

7Wa khalaas, akhuuna Tichiikus yiʼooriiku be kulla khabari. Hu akhuuna al-nihibbuuh wa yakhdim maʼaana le Rabbina be amaan. 8Wa hu yikhabbirku be haalitna wa yichajjiʼku wa be sabab da bas rassaltah leeku. 9Wa rassalt maʼaayah Alfaayid#4:9 Alfaayid Be kalaam yuunaani usum al-naadum da Unisiimus. Wa maʼana hana l-usum da, hu al-indah faayde. wa hu akhuuna al-amiin al-niriiduuh wa hu naadum min hillitku. Al-naaseen dool yiʼooruuku be kulla cheyy al-bigi foogna hini.

10Akhuuna Aristaarkus al-gaaʼid maʼaayi fi l-sijin yisallimku wa maʼaayah Markhus akhu Barnaaba. Wa Markhus da, kan ja leeku, akurbuuh gawi misil wassooku beyah awwal. 11Wa Yachuuʼ al-maʼruuf be Yustus yisallimku. Al-talaata dool bas min al-Yahuud been al-akhwaan al-yakhdumu maʼaayi fi chaan mamlakat Allah wa humman chajjaʼooni katiir.

12Wa akhuuna Abfuraas al-hu khaddaam al-Masiih Isa min hillitku, hu kula yisallimku. Hu gaaʼid yasʼal Allah daayman leeku be chidde achaan tagoodu be sabaat kaamil wa muʼakkidiin min niiyit Allah. 13Wa ana nachhad leyah hu gaaʼid yakhdim katiir fi chaanku wa fi chaan al-akhwaan al-fi hillaal Laawdikiiya wa Hiraabulus.

14Wa akhuuna Luukha al-daktoor al-nihibbuuh wa akhuuna Diimaas, humman yisallumuuku. 15Wa sallumu al-akhwaan al-fi Laawdikiiya wa akhutna Niimfa wa jamaaʼat al-muʼminiin al-yilimmu fi beetha. 16Wa wakit garo leeku al-jawaab da khalaas, khalli yagruuh le jamaaʼat al-muʼminiin al-fi Laawdikiiya kula. Wa l-jawaab al-rassaltah le Laawdikiiya, khalli yagruuh leeku kula. 17Wa kallumu le Arkhibba wa guulu leyah : «Khutt baalak achaan titammim al-khidme al-Rabbina antaaha leek.»

18Wa khalaas, ana zaati chilt al-galam wa naktib : «Ana Buulus nisallimku.» Ma tanso kadar ana gaaʼid fi l-sijin wa mujanzar.

Wa aleekum rahmat al-Rabb.

Currently Selected:

Kuluusi 4: ADT19

Highlight

Copy