1 Yuuhanna 1
1
Kalaam al-haya
1Al-kalaam al-niballukhuuh leeku gaaʼid min al-bidaaya wa aniina simiʼnaah wa chifnaah be uyuunna lahaddi irifnaah adiil ke wa lammasnaah be iideenna wa hu kalaam al-haya. 2Al-haya baanat wa chifnaaha wa chahadna leeha. Wa niballukhu leeku al-haya al-abadiiye al-awwal gaaʼide maʼa abuuna Allah wa baanat leena. 3Wa l-cheyy al-chifnaah wa simiʼnaah aniina niballukhuuh leeku achaan nidooru intu kula tukuunu maʼaana fi l-alaakha. Wa l-alaakha al-indina di, hi alaakha maʼa abuuna Allah wa maʼa Ibnah Isa al-Masiih. 4Wa naktubu leeku al-kalaam da achaan al-farah al-aniina kullina indina yabga kaamil.
Amchu fi l-nuur
5Daahu al-khabar al-simiʼnaah minnah wa niballukhuuh leeku. Allah hu nuur wa fi Allah abadan ma fi dalaam. 6Wa kan aniina maachiin fi l-dalaam wa nuguulu indina alaakha maʼa Allah, aniina kaddaabiin wa ma maachiin fi l-hagg. 7Wa laakin kan aniina maachiin fi l-nuur misil hu zaatah fi l-nuur, niʼakkudu al-alaakha al-indina ambeenaatna wa damm Isa Ibnah yitahhirna min kulla l-zunuub.
8Wa kan naadum minnina yuguul hu ma indah zunuub, hu khachcha nafsah wa l-hagg abadan ma gaaʼid foogah. 9Wa Allah hu saadikh wa aadil wa kan niʼtarufu be zunuubna, hu yakhfir leena zunuubna wa yitahhirna min kulli khata. 10Wa kan nuguulu aniina ma aznabna, nikaddubu Allah wa kalaamah ma gaaʼid foogna.
Currently Selected:
1 Yuuhanna 1: ADT19
Highlight
Share
Copy
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.