Wule-ŋa Kélee Mɛi Wûle 1
1
1Ŋ̀ule-ŋai mɛi wûle lɛ́lɛɛ-ŋai ŋí, Gâloŋ Saloma ƃé wɔ́lɔ dòo.
Ŋ̀ulei maa-ŋuŋ
Ǹɛnîi
2Íla-gbɔ see ŋ́ɔ̂i mâ a wɛli-kɛ́-maa pêre, kpɛ́ni fêi,
íwɛli-kɛ-maai nɛ̃ɛ̂i é tɛ́ɛ ŋwã̂ai ma.
3Íkɔlɔ-kûŋ nɛ̃ɛ̂i yɛ̂ɛ wúru ya kúŋ nɛ̃ɛ.
Ílaa nɛ̃ɛ̂i nûa wôlii yɛ̂ɛ da wúru-ya kpoo lá ƃò.
M̀ɛnii ŋí ƃé ǹɛnî-kpela-ŋai dí íwɛlini la.
4Óo Gâloŋ, ńziɣe í lí a ńyãa a maa félaa.
Lí a ńyãa ŋá kɛ́ ípɛrɛi mu.
Kwa pâi kɛ̂i naa kú kɛ́ lii-nɛ̃̂ɛ kùla.
Kwa pâi íwɛli kɛ́-maai ŋ̀aa nɛ̃̂ɛ kulâi é tɛ́ɛ ŋwã̂ai ma.
Gáa a tɔ̃yâ mɛni a gɛɛ ǹɛnî-kpela-ŋai dí íwɛli.
5Óo Zerusâlɛŋ-nɛyaa, ńgɔlɔ tɛiîɛi, kɛ́lɛ ńɛ̂lɛi.
Berei máŋ ńgɔlɔ tɛɣîɛi la yɛ̂ɛ Keda ŋɔƃûui lá-seɣe-ŋai,
kɛ́lɛ ńɛ̂lɛi yɛ̂ɛ Saloma ŋɔpɛ́rɛi lá-seɣei.
6Káfe káŋɛi nàɣiŋ ḿɛi, ŋ́gɔlɔ tɛi mɛ̂ni ma.
Vóloi ƃé ńgɔlɔ tɛ̂i.
Ńzaaƃɔ̂lɔ-ni dí dílii ŋwàna ḿâ,
dí gɛ́, ŋ́gɛ gbɔmɔ kpâlaŋ-ŋai mɛi kâa.
Fé ŋɔ́nɔ pɔrîi ŋ́gbîŋ kpɔmɔ-kpalaŋ mɛ̂i kâai.
7Ŋáwɛli kɛ́-maa nuui,
mí ƃé ya ítaa-tûlɛ-ŋai ŋáa kɔ̀ŋ naai,
da ƃɛ́i da dífii tɔ̀ɔ naa a vólo tɛ́ɛ ŋuŋ mai?
Fé ŋ̀wɛ̂lii ŋá ŋ́ɛi mɛi pɛ́lɛ, ŋ́gɛ íkɔ̀ri, ŋ́gɛ tɛ̀, ŋ́gɛ yèŋ,
íƃarâa ƃala-mɛi káa-ƃelai sama.
Zurɔ̂ŋ
8Yá nɛ̂ni lɛ́lɛɛ ŋánaai ŋí nɛyâa sámai, à kɛ̀ ífe ǹaa kɔ́lɔŋ,
lɛɛ nɔ́ m̀ála-ŋai kpárɔ ma m̀ála mɛi-kaa-nuui ŋɔƃûui kɔlɛ ma.
M̀oli-ŋai kɔ̃́nɔŋ kɛ̂i kɔ́ri,
m̀ála-mɛi káa-ƃelai díƃûu-ŋai kɔlɛ ma.
9Ŋá wɛli kɛ́-maa nuui, ŋá íwɛli-ni a ŋ̀ánaa.
Íkaa nɔ́ ŋ́ɛi yɛ̂ɛ ífe a gâloŋ ŋɔkɔ́-kɔ-keleŋ túɛ sooi dɔnɔ.
10Ŋ̀ôlii-sãa lɛ́lɛɛ-ŋai da íŋɛi lâai lɛ́lɛ,
gwɛyɛ̂ŋ-ŋai lɛ́lɛɛ íkɔŋ ma.
11Kwa pâi gôo wolii-kɔli kpɛtɛ̂i ímɛni ma,
kú bɔ̃yɛ tóo a káne.
Ǹɛnîi
12Ŋáwuru-yai kúŋ è tɛ̀ gâloŋ ma
tãi è kɛ̀ laâ-ni la ŋɔsee-sɛ̂ŋ ƃɔ̀ɔ-fuui ŋái.
13Ŋáwɛli kɛ́-maa nuui kɔlɔ-kûŋ káa nɔ́ ńzũai yɛ̂ɛ wúru-ya kúŋ nɛ̃ɛ
a kɛ̀ lâani ŋíni loai.
14Ŋáwɛli kɛ́-maa nuui káa nɔ́ ŋ́ɛi yɛ̂ɛ
Eŋgidi suai sû wuru-poa ŋai.
Zurɔ̂ŋ
15Ŋá wɛli kɛ́-maa nuui, ílɛ̂lɛɛi kpɔ́ a ŋ̀ánaa.
Óo, ílɛlɛ pere kɛ̂ɛi léŋ ŋíi!
Íŋɛi-gao káa yɛ̂ɛ tòloŋ.
Ǹɛnîi
16Ŋáwɛlii, ílɛ̂lɛɛi a ŋ̀ánaa.
Ímaa mɛ̂ni a ńii láa.
Gala ŋûnu-ŋai ƃé pâi kɛ̂i a kúgbìŋ.
17Kúpɛrɛi yée mu-wuru-ŋai káa a sîda wuru-ŋa,
bili-ɣelêi wuru-ŋai kɛ́ ƃò a sapɔrɔ wuru-ŋa.
Currently Selected:
Wule-ŋa Kélee Mɛi Wûle 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
