Maka Tuɛ mɛni ƃóɔɔ
Tuɛ mɛni ƃóɔɔ
Ɣâla ŋɔlóno kɛ́-nuu tɔnɔ è wɔ́lɔ kɛ̀ naa ǹáa ƃé kɛ̀ a Maka. Maka da Azaya díkɛ̀ ɣele ma a tãi tɔnɔ. Bɔ́ taai ƃé kɛ̀ a Motɛsɛ nyii kɛ̀ Zuda lɔii kwára-pere lɔii-kpiniŋ su. È wɔ́lɔ kɛ̀ a ǹáa la a gɛɛ Zuda a pâi m̀ɛni kpɔ̂lu tɔnɔi sɔlɔ ƃôi nyii Ɣâla ŋɔlóno kɛ́-nuui Emɔ è wɔ́lɔ lòno é pîlaŋ ma ǹɔii-ŋua pere lɔii mɛni mai, ǹyaŋ m̀ɛni tɔ̂nɔi tí mɛni ƃé Ɣâla a pâi ǹûai kula maa kɛ̂i la díkpɔara tûa-ŋai mɛni ma. Maka ŋɔworɛ̂-wooi su ponôɔɔi, gɛ́ ƃò a kili-kɛ-zu tínaa tuɛ-pere mɛni ma. Maka è ŋɔworɛ̂ wooi pɔ̃yɛ Zerusâlɛŋ da Sameria-ƃelai pɔ́naa. Dí láa-tuɛ-ƃelai maa nɛ̃ɛ̂i kɛ̀ dí ǹɛ́ ǹúai dîa berei da pɔ̂ri díwoli tɔɔ̂i la Ɣâla wóo mai. Kɛ́lɛ dífe gɛ́ ní. M̀ɛnii dí nûa kpaya-kpayai dí gɛ̀i, nya ƃa díkɛ Ɣâla da kpɛ́ni fɛ̀li. Ǹyaŋ díkɛ̀ ǹúai filîi, díkɛ ŋúma kɛ̀ dîa. M̀ɛni ma Ɣâla è gbɛ̀tɛ a gɛɛ é dí mɛnii ŋa tée. Maka è ŋɔ́nɔ mò dîa a gɛɛ Ɣâla a góno tée a gɛɛ tínaa tuɛ-pere ǹúai da pâi tínanîi dí pá pôlu bɔ́, ǹyaŋ a pâi kâloŋ siɣêi nyii pâi ǹûai mɛi kâai, ǹyaŋ lii-sêe a pâi kɛ̂i ǹɔii ma.
M̀ɛni-ŋûŋ-ŋai gɔlɔi ŋí sui
Dɔŋ kpɛ́-maai Eezuɛ da Zuda mɛni mai (1:1--3:12)
Ǹɔii su kpɛtɛ mɛni da lii-sêe (4:1--5:15)
Lia-woo ƃô da tɔŋ kpɛ́-maa maa worɛ-woo (6:1--7:20)
Currently Selected:
Maka Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia