Azaya 2
2
Wɔ́lɔ-wɔlɔ da wɔlɔ-wɔlɔ lii-see
(Maka 4:1-3)
1Ŋ̀orɛ̂-wooi ká ŋí Ɣâla è dɛ̀ɛ a Emɔ ǹóŋ Azaya a gɛɛ é mó Zerusâlɛŋ da Zuda-ƃelai dîai.
2Ɣele-ŋa da pâi, maa tãi tí,
ǹyéei Yâwɛɛ Ŋɔpɛ́rɛ Kɛ́tɛi káa tɔɔ-ni mai,
a pâi kɛ̂i ŋ̀éniɛi su yee kpaya-kpayai kélee mɛi.
A pâi kɛ̂i a dɔɔ́ dɛɛ́ ǹyée-ŋai kélee dîa.
Lɔii-ŋuŋ-ŋa su-ƃela da pâi kɛ̂i kɔ̂i a gɛ́ɛ dí tɛ́ naa.
3Núu támaa da pâi pâi dîyɛɛi,
“Ka pá kwáa lí Yâwɛɛ ŋɔyéei tôŋ su.
Ka pá kwáa lí Zeeka Ŋɔɣâlai Ŋɔpɛ́rɛi mu.
Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia.
Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai.
Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ.
Zãiyɔŋ Yeei ma ƃé a lôno naa ŋɔnûai pɔ́.”
4Ǹuu-namui a pâi mɛni su kpɛtɛ̂i núu támaa loai.
A pâi mɛni su kpɛtɛ̂i ǹɔii-ŋuŋ wála-wala-ŋai sáma.
Da pâi díkɔ-kɔ ƃoa-sɔkpɔ-ŋai ɣalêi a kwaa sí kali.
Da pâi díkpala-ŋai ɣalêi a mɔlɔŋ tée ƃoa-ŋa.
Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma.
Dífe pâi ŋɔ́nɔ kɔ́-kɔ pere ma kɔ̂rii.
5M̀ɛni ma, káai a Zeeka ŋɔsuui su-ƃelai, kwaa sia gwaa ponoɔɔi su nyii Yâwɛɛ a dɛ̀ɛ kúpɔi.
Ɣâla a pâi ǹyoŋka-ƃelai su-karâi
6Óo Ɣâla, yaâ íyee kúla ínûai mu nyii-ŋai díkaa a Zeeka ŋɔsuui su-ƃelai. Da ǹɔii láa fɛ́ɛ a póniŋ kɛ́ pêre sii támaa nyii-ŋai kùla vóloi kulâi-pere da nyii-ŋai kùla Felesia-ŋai dílɔii sui. Da díyee sée lɔii-ŋuŋ da kpɛ́ni-ŋa su-ƃela tûa-pere mu. 7Eezuɛ lɔii tɔɔ̂i a káne da gôo. Dífe pâi kpɛɛ̂i naa. Kɔ́ kɔ́-soo da kɔ́-keleŋ tâmaai naa. Dífe pâi kpɛɛ̂i naa. 8Dílɔii láa fɛ̂ɛi a ɣâla-pɔkɔɔŋ támaa. Da zãai fɛ̂li nyii-ŋai dia kpîŋ dí díkpɛ̀tɛ a díyeei.
9Ƃâa a pâi kulâi núu-kpune ma é ŋumɛ. Yâwɛɛ, ífe dísu-mɛni lɛ̀ɛ!
10Ka pú ká tɛ́ ǹyée-ŋai tôŋ su ká káloo gɔni wôlo-ŋai su. Ka lóa tée ǹɔii ma ká pú kálɔ zu ká kúla Yâwɛɛ ŋɔlii-ŋwânai da ŋɔfólo-laa kɛ́tɛi perêi. 11Ɣele a pâi tãi Yâwɛɛ a pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́. 12Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ. 13Ŋ̀elei tí ƃé, a pâi ŋɔ́nɔ Lɛƃanɔŋ sîda wuru kpaya-kpaya koya-koyaai su karâi la. A pâi mɛni tɔ̂nɔi tí kɛ̂i a ôo wuru-ŋai díkaa Basãŋ lɔii sui. 14A pâi ǹyée pɛlɛ-pɛlɛɛi da gbaya-kpayai wôloi, ǹaa é kɛ́ a nɛ́ɣɛ ŋá. 15Ǹyeŋ-keŋ-ŋai da zĩɣaŋ-ŋai díkaa a núu maa kɔ̃ɔ kwaa mai, a pâi gélee wôloi. 16A pâi tîma kpaya-kpaya lɛ́lɛɛ-ŋai da kûla Sipîiŋ lɔii sui, kélee su kara-kârai. 17A pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́. 18Da pâi ŋ̀âla-pɔkɔɔŋ-ŋai kélee su karâi ǹɔii su a maa tãi tí.
19Yâwɛɛ à pà a gɛɛ é ǹɔii su-ƃela maa yao, núu-kpune a pâi kɛ̂i ǹoôi kɔni-wôlo-ŋa su ǹyée-ŋai tôŋ su da ǹóa-ŋai ǹɔii mai a gɛɛ dí díloo Yâwɛɛ ŋɔlii-ŋwânai da ŋɔfólo-laa kɛ́tɛi perêi. 20Maa ɣêlei tí a sèri, ǹûai kélee da pâi pûi. Gáne-ŋai da gôo-ŋai dí díkpɛ̀tɛ a díɣâla-pɔkɔɔŋ-ŋai dí gélee lɛ́ɛ a ŋ̀ina-ŋai da ǹɔfu-ŋai pɔ́ɔ. 21Yâwɛɛ a pà a gɛɛ é ǹɔii su-ƃelai maa-yao, ǹûai da pâi pûi dí díloo kɔni wôlo-ŋa su ǹyée-ŋai tôŋ su. Da pâi gɛ̂i tí a gɛɛ dí díloo Yâwɛɛ ŋɔfólo-laai da ŋɔwála-wala-laai perei.
22Lé ƃa núu-kpune a gɛɛ í íkili tɔ́ɔ ma? Gáa nɔ́ a pɔ̂rɔ.
Currently Selected:
Azaya 2: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
