Zɛnɛse 36

Isɔɔ suu pîlaŋ-pere

(Kɔlɔnikɔ Maa-ŋuŋ 1:34-37)

1Isɔɔ, nyii da kâa dòli máŋ a Idɔŋ, zuu pîlaŋ-pere ká ŋí. 2Isɔɔ è ŋɔnɛnî-ŋai kùla Keena-ƃelai sáma. Dia ƃa, Ita-nuui Ilɔŋ ǹóŋ-nɛnii Ada, Olibama, nyii kɛ̀ a Iva-nuui Zibiɔŋ ǹóŋ-surɔ̂ŋ Ana ǹóŋ-nɛnii, 3Da Isimai ǹóŋ-nɛnii Basema, nyii kɛ̀ a Nebayo zâaƃɔlɔi. 4Ada da Isɔɔ dí Ɛlifa maa sɔlɔ ƃó, da Basema dí Lewe maa sɔlɔ ƃó, 5da Olibama dí Zeu maa sɔlɔ ƃó da Zalaŋ é pɛ́lɛ Koa ma. Isɔɔ ǹônii-sinaai ká ŋí è dímaa sɔlɔ ƃô Keena lɔii sui.

6Nya ƃe Isɔɔ è ŋɔnɛyâai sìɣe da ǹônii-sinaai, ǹônii-nɛyãai é pɛ́lɛ ŋɔpɛ́rɛi mu-ƃelai kélee dîa, da ŋɔƃála-ŋai, ŋɔtaa-tulɛ-ŋai é pɛ́lɛ gɔ̃liŋ kélee ma nyii è zɔlɔ ƃô Keena lɔii sui, é ǹêɣe Zeeka lɛ̀ɛ naa é lí a dîa lɔii da kpɛ́ni su. 7Kpɛ́ni fêi, díkɔ̃liŋ è kɛ̀ a gɛ́tɛ a sɛŋ dífa pɔ̂ri seêi lɔii kpua tɔnɔ su. Ǹɔii kpuai tí fé kɛ́ ní a gɛ́tɛ dímɛni ma, kpɛ́ni fêi, taa-tulɛ támaa è kɛ̀ díyêei. 8Nya ƃe Isɔɔ è sèe Idɔŋ lɔii ǹyée kɛ̂i pere.

9Idɔŋ-ŋai dínâŋ Isɔɔ ŋɔsuui ká ŋí. 10Isɔɔ ǹônii-sinaai láa ká ŋí. Isɔɔ ŋɔnɛnîi Ada ǹóŋ Ɛlifa, da ŋɔnɛnîi Basema ǹóŋ Lewe. 11Ɛlifa ǹônii-sinâai ƃé kɛ̀ a, Temaŋ, Oma, Zefo, Gataŋ da Kena. 12Tiŋna è kɛ̀ a Isɔɔ ǹóŋ-surɔ̂ŋ Ɛlifa ŋɔnɛyâai dɔnɔ. Ǹyaŋ da ǹyaa dí Amalɛ maa sɔlɔ ƃô. Isɔɔ ŋɔnɛnîi Ada ǹóŋ lônii ká ŋí.

13Lewe ǹyaŋ ǹônii-sinaai láa ká ŋí. Nata, Zera, Sama da Miza. Isɔɔ ŋɔnɛnîi Basema ǹóŋ lônii ká ŋí.

14Isɔɔ ŋɔnɛnîi Olibama, nyii kɛ̀ a Zibiɔŋ ǹóŋ-surɔ̂ŋ Ana ǹóŋ-nɛnii, ǹônii-sinaai láa ká ŋí. Zeu, Zalaŋ da Koa.

15Gâloŋ-ŋai ká ŋí Isɔɔ ŋɔsuui su. Isɔɔ ǹóŋ-surɔ̂ŋ maa-ŋuŋ Ɛlifa ǹônii-sinaai ká ŋí nyii-ŋai díkaa a gâloŋ-ŋai. Temaŋ, Oma, Zefo, Kena, 16Koa, Gataŋ da Amalɛ. Ɛlifa ǹônii-sinaai ŋí ƃé díkaa kɛ̀ a Idɔŋ lɔii su-kaloŋ-ŋai. Ada ǹônii-sinaai ká tí.

17Isɔɔ ǹóŋ-surɔ̂ŋ Lewe ǹônii-sinaai ká ŋí, nyii-ŋai díkaa a gâloŋ-ŋai. Nata, Zera, Sama da Miza. Lewe ǹônii-sinaai ŋí ƃe díkaa a Idɔŋ lɔii su-kaloŋ-ŋai, nyii-ŋai Isɔɔ ŋɔnɛnîi Basema è dímaa sɔlɔ ƃôi.

18Isɔɔ ŋɔnɛnîi Olibama ǹônii-sinaai nyii-ŋai díkaa a gâloŋ-ŋai dia ká ŋí. Zeu, Zalaŋ da Koa. Gâloŋ-ŋai ká ŋí Ana ǹóŋ-nɛnii Olibama, nyii kɛ̀ a Isɔɔ ŋɔnɛnîi, è dímaa sɔlɔ ƃôi. 19Isɔɔ, nyii da dòli máŋ a Idɔŋ, ŋɔsuui su-ƃelai ká ŋí nyii-ŋai díkaa a gâloŋ-ŋai.

Sɛi suu pîlaŋ-pere

(Kɔlɔnikɔ Maa-ŋuŋ 1:38-42)

20Ori-nuui Sɛi ǹônii-sinaai ká ŋí nyii-ŋai díkaa a ǹɔii-lonii. Lotaŋ, Soba, Zibiɔŋ, Ana, 21Disoŋ, Izɛ da Disaŋ. Ori-ŋai díkâloŋ-ŋai ká ŋí, nyii-ŋai díkaa a Sɛi ǹônii-sinaai Idɔŋ lɔii sui.

22Lotaŋ ǹônii-sinaai ƃé kɛ̀ a Ori da Emaŋ. (Tiŋna ƃé kɛ̀ a Lotaŋ zâaƃɔlɔ.)

23Soba ǹyaŋ ǹônii-sinaai ká ŋí. Avaŋ, Manaa, Ibaa, Sefo da Onaŋ.

24Zibiɔŋ ǹônii-sinaai ká ŋí. Aia da Ana. (Ana ƃé ǹyái kàa vɛ̃ɛ-kpâlaŋ su tãi è kɛ̀ ǹâŋ Zibiɔŋ ŋɔwɛlɛ-sôo-ŋai mɛi kâai lai.) 25Ana ǹônii ká ŋí: Disoŋ da Olibama, nyii kɛ̀ a Ana ǹóŋ-nɛnii. 26Disoŋ ǹônii-sinaai ká ŋí. Edaŋ, Isibaŋ, Itaŋ da Keraŋ.

27Izɛ ǹônii-sinaai ká ŋí. Bilaŋ, Zavaŋ da Akaŋ.

28Disaŋ ǹônii-sinaai ká ŋí. Uzi da Araŋ.

29Ori-ŋai díkâloŋ-ŋai ká ŋí. Lotaŋ, Soba, Zibiɔŋ, Ana, 30Disoŋ, Izɛ da Disaŋ. Ori-ŋai díkâloŋ-ŋai ká ŋí yɛ̂ɛ berei dílɔii-kpiniŋ káa la Sɛi lɔii sui.

Idɔŋ lɔii mɛi-ƃelai

(Kɔlɔnikɔ Maa-ŋuŋ 1:43-54)

31-39Ǹɔii mɛi-ƃelai ká ŋí, nyii-ŋai kɛ̀ Idɔŋ, lɔii mɛi-nuu da kpɛ́ni é lɛ́ɛ pâi kɛ̂i Eezuɛ-ŋai mɛi.

Beo ǹóŋ-surɔŋ Bela ŋɔtaa-lêei

ƃé kɛ̀ a Dinaba.

Zera ǹóŋ-surɔŋ Zoba ŋɔtaa-lêei

ƃé kɛ̀ a Boza.

Usaŋ è kùla Tema

lɔii su.

Beda ǹóŋ Ada è kùla Avi

(è Midia-ŋai yée mɛi ɣále

Môa lɔii su).

Samala è kùla Mɛzika.

Sau è kùla Liobɔ, nyii gáa

Yufeletii Ya-leei kɔlɛi.

Abɔ ǹóŋ-surɔŋ ƃé kɛ̀ a Bâa Anaŋ.

Ada è kùla Pau (ŋɔnɛnîi láa

ƃé kɛ̀ a Metulɛ, nyii kɛ̀ a

Mɛzaba ǹóŋ-nɛnii Matɛ ǹóŋ-nɛnii).

40-43Idɔŋ lɔii-kpiniŋ su kaloŋ-ŋai láa ká ŋí, nyii-ŋai kùla Isɔɔ ŋɔsuui sui. Tiŋna, Ava, Zetɛ Olibama, Ila, Pinoŋ, Kena, Temaŋ, Miza, Madiɛ da Iraŋ. Dí dísee-kwaa-ŋai mâ láa sèe yɛ̂ɛ berei dísii-ŋai láa è kɛ̀ lai.

Currently Selected:

Zɛnɛse 36: KWB

Highlight

Copy