Tɛsɛlôniɛŋ Maa-ŋuŋ Tuɛ mɛni ƃóɔɔ
Tuɛ mɛni ƃóɔɔ
Tɛsɛlonaika è kɛ̀ a Masadonia taa-leei. Masadonia taa-leei ŋí è kɛ̀ Lomaŋ lɔii-kpiniŋ su. Zia-nuui Pɔ̂ɔ è Ɣâla-pɛrɛ lá ƃò naa a tãi è kùla la Felepâi. Ǹaa è kɛ̀ nɔ́ tí, Zûu-ŋai da-ŋa dí pɛ́lɛ tólo kulâi m̀a, kpɛ́ni fêi, dîɛ è kɛ̀ Kôrai maa mɛni ƃôi diai dífe kɛ́ ní a Zûu-ŋai kɛ́lɛ dílaa a Zudasi-ŋai díɣâla mɛni kɛ́ perei. Dí Zia-nuui Pɔ̂ɔ kpɛ̀ naa é lí Bɛria. Ǹaa kɛ́ɛ tíi, Zia-nuui Pɔ̂ɔ m̀arâŋ tii kɛ́-nuui Temete è koraŋ-ƃô tɛ̀ɛ bɔ́ naa é pîlaŋ berei ma Tɛsɛlonaika Ɣala-pɛrɛi mu-ƃelai dí kɛ̀ tíi kɛ̂i la naa.
Gɔlɔi Zia-nuui Pɔ̂ɔ è bɔ̃̀yɛ Tɛsɛlonaika-ŋai pɔ́ naa ŋ̀uŋ ƃé kɛ̀ a gɛ́ɛ é dílii kúla kili-kɛ-zu kpanaŋɔɔ kɛ́ ƃò díyêei Díkôrai kɛ-naai su. È sɛɣɛ-fei támaa tɛ̀ɛ dípɔ dílaa-lai da díwɛli kɛ́-maai è m̀aa tuŋ mɛnii m̀ɛni ma. Berei dûa-pere è kɛ̀ la gɛ́ɛ díkɔlɛi è maa mɛni tòo díkili ŋá. M̀arê kɛ̂ɛ-ŋai ǹûai dí kɛ̀ gɛ̂i é pîlaŋ m̀u-siɣe yêei mai è zu-kùla dîa. M̀arê-kɛ̂ɛ-ŋai ǹûai dí kɛ̀ gɛ̂i Zia-nûui Pɔ̂ɔ da m̀arâai dîai è gélee su kùla dîa. M̀arê-ŋai ŋí da-ŋa ƃé kɛ̀ da ŋ̀wɛ̂lii kɛ̀ dí gɔ́lɔŋ à kɛ̀ ǹaa-la ƃelai saa Zîsɛ é lɛ́ɛ mu-siɣêi saa yêei, ǹyaa Zîsɛ a pà pôlu ŋ̀wɔ́lɔ-wɔlɔ fúlu-laai da a pâi kɛ̂i naa ǹûai ŋí mɛni ma? Ɣɛlɛ ƃé Kôrai a pâi la pôlui? Zia-nuui Pɔ̂ɔ è gbɔɔ-kpɔɔi tãi sìɣe é m̀ɛni-ŋai ŋí ŋáa lɛ́ ǹûai ŋí dîa kpɔ́ a zu-ponoɔɔ. È m̀o dîa a gɛ́ɛ dí lí tuɛ-pere a dítii-ŋai kɛ́ɛ kili-kɛ-zu kɛ́ ƃò nɔ́ díyêei díkɛ maa kpɛ̂ŋ kɛ̀ Kôrai ŋɔpa pôlu siai ŋí mɛni ma.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1)
Sɛɣɛ-fêi da laa ma tɛ̂ (1:2--3:13)
Kôrai-ƃelai tûa-pere maa worɛ-wooi (4:1-12)
Kôrai ŋɔpa pôlui maa kili ŋa-pono-ŋa (4:13--5:11)
Ŋ̀orɛ̂-wooi gbɛɛ ŋái (5:12-22)
Gɔlɔi gbɛɛ ŋá woo-ŋai (5:23-28)
Currently Selected:
Tɛsɛlôniɛŋ Maa-ŋuŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia