Sal 28
28
Re' reey David x-ib'irjik i rutiij
1WaJaaw nuDios, hat waj ko'loom, hat paat ab'aj ko'lemb'al iib' chi weh.
Re' hat tinuq'o'reej, kinab'iraj tii.
Chayeew weh i nupahqaaj aweh,
reh chi ma' nee ta kinkimik je' rukab' noq kikimik i yiib' wach kina'ojb'al.
2Chab'iraj cho weh
noq i nupahqaaj aawotob'il ruuk' oq'ik,
re' noq i nujosaj johtoq i nuq'ab' chawach
chupaam asantolaj ye'aab'.
3Maa a'n ti' k'axik weh, je' rukab' inkik'ul i yiib' wach kina'ojb'al.
Maa a'n weh je' rukab' inkik'ul i ma' holohik ta kib'anik,
xa q'e' chik taqe atoob' inki a'n kiib'.
Xanaah re' i kánima nujinaq chi ma' tob'laj na'ojb'al.
4Chayeew taqe chutojariik i kimahk,
re' q'oreel chib'ih jariik i yiib' wach na'ojb'al inki a'n
je' wo' chik re' i cha a'n kuuk' i hat.
Cha a'n jilow keh inki a'n
5Ruum chi ma' xponik ta panaq'kiwach taqe rub'anam i QaJaaw Dios,
je' wo' taqe i ruyejaam chaloq, re' wo' reh naa rusachwiik kiwach,
eh ma' naa ta keliik korik.
6Loq'imaj ta naq i QaJaaw Dios,
ruum xuyeew weh i xnupahqaaj reh.
7Re' i QaJaaw inye'wik rukowiil nuk'ux, eh kiruko'leej.
Ruuk' i reh, i nuyeew i wánima, xirutoob'eej,
eh insuuqb'ik i wánima.
Ruum aj re', naa nutz'uyem wach chi loq'oomb'al reh.
8Re' i QaJaaw Dios inye'wik rukowiil kik'ux i rutinamiit.
Re' reh inko'linik reh i rukuxisam, chaloq
9WaJaaw nuDios, chako'leej aatinamiit, chakuxisaj taqe awak'uun awixq'uun.
Chacha'jeej taqe atentzuun, eh chayeew rukowiil kik'ux chi juneliik.
Currently Selected:
Sal 28: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
