Sal 19
19
Re' chu'nchel i ruyejaam chaloq i Dios ink'uhtanik reh i ruloq'il
1Re' taxaaj, re' wilkeeb' chupaam ink'uhtanik reh chi xiik' naah i ruloq'il i Dios,
re' chu'nchel inilarik kiwach ink'uhtanik reh i rukamaj.
2Re' re' kik'uhtanik reh chi q'iij chi aq'ab',
chi re' Dios nim rajaawriik, eh xti wilik runa'ojb'al.
3Korik noq ma' re' ta ruuk' q'orik ma' kichoqik ta chuq'orariik i ruyejaam chaloq i Dios.
4Eh kuum taqe kik'utinik re' re',
xooj rib'iral i ruq'oral i Dios chi junsuut i wach ak'al.
Eh re' wo' Dios xye'wik paruye'aab' i q'iij.
5Re' q'iij xasuq chik ruk'ux noq i rutoq'aa' cho b'ehik.
Xa je' chik rukab' i winaq koxub'an kaxáro.
Je' rukab' i aj ajiim i xa ruchop chik ruk'ux.
6Re' q'iij i nelik chaloq raa' taxaaj,
eh i rub'ehuj paam chu'nchel i taxaaj korehtaal imponik chi juntar,
eh chu'nchel inik'ranik reh i rutz'a'iil.
7Re' ruk'uhb'aal i QaJaaw Dios xti korik,
ruum i rujal wach i qánima.
Eh re' ruq'or i QaJaaw Dios korik,
ruum i ruyeew runa'ojb'al i ma' xta runa'ojb'al.
8Re' taqe k'uhb'alinik i rub'an i QaJaaw Dios korik wach,
i ruyeew suq kiil i qánima.
Re' ruk'uhb'aal xti saq wach,
eh i rusaquumb'isaj paam i qakapeb'aal.
9Re' ruyohljiik i QaJaaw Dios saq wach,
eh ma' naa ta rusahchiik wach.
Re' i ruk'uhb'aal i QaJaaw Dios xti korik,
eh xti wilik rub'ehel.
10Re' i ruk'uhb'aal xiik' naah k'ihaal tz'aaq
chuwach i manlik oro.
Eh xiik' naah ki'iil chuwach i riiskaab'
kore' k'ahchi' ruyitz'ariik chaloq
11WaJaaw nuDios, re' aak'uhb'aal i rukoj wo' nuna'ojb'al i hin, hin awaj kamanoom.
Eh ruum i runimjiik aak'uhb'aal, naa aye'em jinaj i nukooch.
12Wilik noq ma' nqakoj ta rehtaal noq inqa a'n i mahk.
Jaaw, wila' wilik i mahk i nub'an chi ma' weht'al, cha kuy numahk.
13Chawesaj weh i niimb'isanik wachiis i hin, hin awaj kamanoom.
Chi je' re' neenkahnik chi ma' xta ruch'uwa'iil wach i wánima,
eh nee kinako'leej chuwach i runimaal mahk.
14Neeta naq imponik chawach taqe nuq'oral, je' wo' chu'nchel i nukapaaj.
WaJaaw nuDios, xa re' wo' hat ti toob'inik weh, eh hat waj Ko'loom,
hat paat ab'aj ko'lemb'al iib' chi weh.
Currently Selected:
Sal 19: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
Free Reading Plans and Devotionals related to Sal 19
God, the Color; Praise, the Canvas
When You're Not Excited to Read the Bible
You Can Understand the Book of Genesis
