Mc 16

Max ictzoj aj Jesús

(Mt 28.1-10; Lc 24.1-12; Jn 20.1-10)

1A yet max aycan c'u yet c'ual xewilal, max man María aj Magdala, yetok xal Salomé, c'al María txutx Jacobo juntzan suk'uk'i jab, yuj toj yaon oc eb yin mimanil Jesús. 2Axa yet max sakbi aj yet domingo, max toj eb bay ch'en ch'en bay max mukay octok tu'. A wal yajol c'u, max apni eb. 3Axa yalon eb axca ti':

—¿Mac ok ion el ch'en makilej bay mukan octok tu' ayon? ẍi eb.

4A ch'en makilej tu' caw miman ch'en, palta axa yilontok eb, elnakxa ch'en. 5Axa yet max ocapnok eb yul ch'en ch'en bay mukan tu', max yilon eb tol chotan ay jun ángel bay yetc'ulal watx' k'ab eb, axca wal yili junok ach'ej. Ayoc jun jokan sak pichilej yuj. Caw wal max xiw eb ix sic'libil. 6Axa yalon bay eb tu':

—Manchak ex xiwi. Ayex ti', a Jesús aj Nazaret che sayic'ok, jun max alay oc yin curus. Mayal ictzoj ajok. C'amxa mac ayic' yul ch'en ti'. Ilekto wali bay max ul yacan octek eb ti'. 7Asek, alek bay juntzan eb is cuywom, c'al yetok bay Pedro, tol mayal babjitoj e satak bay Galilea. Ok e yil yin bay tu', axca max yut yaloncan ayex, ẍi bay eb.

8Max lajwic'al tu xin, axa yeltek eb yul ch'en ch'en tu'. Axa toj eb tu'. Caw wal chi luklon eb yuj xiwilal. C'am junok mac bay max yalil eb, yujtol chi xiw eb.

Max tx'oxaj ba Jesús bay María aj Magdala

(Jn 20.11-18)

9[A yet domingo yet ayto sakbi, max ictzoj aj Jesús. A bay María aj Magdala max babji tx'oxon aj ba. A ton yin jun ix tu' ibil el ukwan espíritu yob yuj Jesús. 10Max bet yal ix bay juntzan eb ec'jablejnak yetok Cham yet yalantok, tol lanan yok' eb yuj cusilal. 11A yet max yalon ix bay eb tol mayal ictzoj aj Jesús, cax tol mayal wal yil ix yin, maj wal cha yab eb.

Max tx'oxaj ba Jesús bay cawan eb cuywom

(Lc 24.13-35)

12Lajwi tu xin, max tx'oxon aj ba Jesús bay cawan eb cuywom najat bay tiel conob, yet lanan bey eb. Tx'ok yili max yil eb. 13Axa meltzoj eb yuj bet yalon eb bay juntzanxa yet cuywomal eb tu'. Palta maj c'apax cha eb yabej.

Max chektok Jesús eb is chekbej

(Mt 28.16-20; Lc 24.36-49; Jn 20.19-23)

14Axa junelxa, yet lanan low eb cuywom yusluc'wanil, max tx'oxon aj ba Jesús bay eb. Max tzulay eb yuj, yujtol max yak' eb cabc'ulal, cax pit max yut ba eb; ilab maj cha eb yab bay eb maxax ilon yet mayal ictzoj ajok. 15Lajwi tu', max yalon bay eb axca ti': Asek bay masanil yulyibank'inal. Alek el k'anejal yet colbanilej xol masanil anima. 16A mac ok in yaoc yin c'ul, cax ok yak'on bautizar ba, ok colchajok, palta a mac c'am chin yaoc yin c'ul xin, ok jay yailal yiban. 17A eb ok yaoc yin c'ul, ok je' tx'oxon eb juntzan milagro ti': Ok je' yioncan el eb espíritu yob yin anima yuj wikbej; ok k'anjab aj eb yin tx'ok tiejal; 18ta chi mitx' eb labaj, ta chi yuc'tok eb junok tzet yetal chi cam anima yuj, c'am tzet ok on eb; ta chi batxbaj oc eb k'ab yiban eb ya'ay, ok watx'jokcan c'ul eb yuj eb, ẍi Jesús.

Is paxubal aj Jesús satcan

(Lc 24.50-53)

19A yet max lajwi yalon Cham Jajawil Jesús jun ti' bay eb is cuywom tu', max ilay paxaj Cham satcan, cax max ay chotan bay watx' k'ab Dios. 20Lajwi tu' bian, axa toj eb yalon el k'anej Dios bay junjun lugar. Max occ'al Cham Jajawil yetok eb. Ayc'al oc is milagro Cham yetok eb, yet watx' chi txecloj elok tol yel jun k'anej chi ec' yalil eb tu'.]*fn*

Currently Selected:

Mc 16: ATBYK89

Highlight

Copy