Ez 2
2
Yawtebal cham Ezequiel yuj Dios
1Max waben yoc jun nuk'ej, max yalon ayin: Ach anima,*fn* ajan wanok, tol ay tzet ok wal ayach, ẍi. 2Yak'ban chi k'anjab ayin axca tu', max oc Yespíritu Dios win, cax max in yion aj lecanok. Catawal tu' max waben wal yoc jun nuk'ej chi k'anjab ayin tu'. 3Cax max yalonc'al axca ti': Ach anima, ok ach in chektok bay xol eb et conob Israel, a jun conob tu' caw wal pit, cax ayc'al oc yin tenomtakil ayin, max aj wan eb win yin yobc'ulalil, axca wal max yun eb e yichmam yet payxa, 4axca c'apax tu' pital is yinatil eb. A tinani', chach in chektok al bay eb: Axca ti' yalon Jehová Cham Jajawil, cachi bay eb. 5Caxc'al ok cha yab eb, ma c'amak, yujtol caw wal tenomtak eb, ok nachaj el yuj eb tol ay jun in chekbej nan xol eb. 6Ach anima, c'am chach xiw bay eb, c'al yuj tzet ok yal eb ayach. Caxc'al axcaxac'al tol xol q'uix c'al xol no alacrán ayach ec'ok, palta c'am chach xiw bay eb, tamwal bay tzet ok yal eb, yujtol caw wal tenomtak eb. 7Ach ok al in k'anej bay eb, taxac'al ok cha yab eb ma c'amak, tutun tol tenomtak eb. 8Chi cam wal a chaon ab tzet chi wala', manchak ot a ba tenomtakil axca eb tu'. Jak a ti' cax ok a loon aytok tzet yetal ok wak' ayach, ẍi Cham ayin.
9Cax max wilon jun k'abej batxantek ayin, ibil aj jun chulan un yuj. 10Cax max xuyontok jun chulan un tu' in satak. Ayc'al tz'ibbil yin ca paq'uil. A tzet tz'ibbil ay tu', cusc'ulal, yailal, c'al ok'ilal.
Currently Selected:
Ez 2: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
