Zacarías 12
12
Aju tzokpibl te tnam Jerusalén
1Atzun jun tkanil lu tu'n Kman cyi'j aj Israel. Aju Kman o binchante cya'j ex o cub tk'o'n tk'ukbil tx'otx' ex o tzaj tk'o'n cychwinklal xjal, chi in tma'n cyja': 2Aju tnam Jerusalén c'oquel wu'ne ic tza'n jun copa k'e'n ex cchyo'mil cywi' cycyakil ke nasyon tu'n, akeju cyvesin cyib tuc'il Jerusalén. Octzun tbaj cytxolban cyib ti'j tnam Jerusalén, ax icx che oquel tzokpaj cyi'j txkantl tnam tuj Judá. 3Tuj tk'ijlalil tzul c'oquel tnam Jerusalén wu'ne ic tza'n jun abj nimxix talil wen te cye cycyakil nasyon. Ka at jun taj tu'n tjaw tyucun, bi'x ctza'wtel tu'n. C'oquel cychmon cyib cycyakil nasyon tu'n cyoc tzokpaj ti'j Jerusalén, 4pero che oquel nsec'pu'ne cycyakil cychej, ex ke soldad cyjax cyibaj che oquel loc wu'ne. Atzun ke tiyjil Judá che oquel ncwentine ex cycyakil cychej nasyon cbel moẍix cywitz wu'ne. 5Oc toc cyque'yin ke nejenel tuj Judá jlu, oc cyma' tuj cyanmi: Ate Kman aju Tajaw Tcyakil atzun Cydios keju najlke tuj Jerusalén, ex atzunju in k'onte cyipun, che chilo. 6Tuj tk'ijlalil tzul ke nejenel tuj Judá che oquel ic tza'n txkan xk'a'l in c'ant cyxol ttxan si', ex ic tza'n jun ttxan tzaj in c'ant cyxol junjun che'l triw. Ex cyu'n che bajel tz'e'y cycyakil ke nasyon ate' tuj cybank'ab ex tuj cynayaj, akeju cyvesin cyib cyuc'il, ex atzun ke xjal aj Jerusalén ax che najal juntl maj tuj cytanmi, chi Dios.
7Pero tnejel che cletel ke tiyjil Judá wu'ne, akine Cyman, tu'ntzun mi tjaw cyniman cyib ke tiyjil David ex ke xjal najlke tuj Jerusalén cywitz mastl tiyjil Judá. 8Wu'ne che cletel ke xjal najlke tuj Jerusalén. Keju minti' cyipun ate' cyxol c'oquel mas cyipun ic tza'n te rey David, ex ke tiyjil David che oquel ic tza'n te Dios, ic tza'n t-anjel Kman in cub nej cywitz. 9Tuj tk'ijlalil tzul cbel nxitune cycyakil nasyon che oquel tzokpaj k'ojlel ti'j tnam Jerusalén.
10Ctzajel nk'o'ne Nxewe cyibaj ke tiyjil David ex keju najl tuj Jerusalén; cnojel tuj cyanmi tu'n xtalbil tu'ntzun tbant cycubsan nwitze. C'oquel cyque'yin aju xjal o baj xayu'n cyu'n, che oquel ten bisul ex che jawil ok' ti'j ic tza'n in che jaw ok' oc tcyim aju o'cxcu jun cyc'wa'l ex ka oc tcyim ju tnejel cycy'ajal. 11C'oquel jun matij bis tuj Jerusalén ic tza'n bis oc tuj Hadad-rimón tuj chk'ajlaj Meguido. 12Ex cycyakil aj Israel che ok'el, teylex te junjun c'loj tiyjil tuj cyeylex cylugar: Ke tiyjil David che bel ten jun pac' ex ke cyxu'jil tuj juntl pac'; ke tiyjil Natán jun pac' ex ke cyxu'jil tuj juntl pac': 13ke tiyjil Leví jun pac' ex ke cyxu'jil tuj juntl pac'; ke tiyjil Semei jun pac' ex ke cyxu'jil tuj juntl pac'; 14ax icx che ok'el txkantl c'loj cyiyjil, teylex junjun c'loj jun pac' ex ke cyxu'jil tuj juntl pac'.
Currently Selected:
Zacarías 12: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
