Oseas 12
12
1Nok nic'aj yol in chmet cyu'n aj Efraín ex nimcu mya ba'n in cybincha'n cyi'j xjal; in bant ti'j cyyol cyuc'il aj Asiria ex in xi cysama'n aseyt te oyaj cye aj Ejipt tu'n tmoje' cyyol cyuc'il. Pero tcyakil jlu nokx gan ex minti' tajben, chi Kman.
2At tk'oj Kman cyi'j aj Judá. Cbel cycastiw tiyjil Jacob tu'n ti'j cybinchben; cxel tk'o'n chojbil cye ti'j cybinchben mya ba'n. 3Tej na'nxtok titz'j Jacob, cub ttzyu'n t-xe t-su'ẍil tkan ttzic, ex tej toc tc'u'j o k'ojin tuc'il Dios. 4O malin tuc'il jun anjel ex o cub ti'j tu'n; jaw ok' ex xi tkanin tu'n tcub cy'iwla'n. Oc noj Dios ti'j Jacob tuj Betel ex o yolin tuc'il ma chixin. 5Ate Kman Dios tajaw tcyakil ex Kman tbi. 6Cyja'tzun, akeye aj Israel cyajtz meltz'aje tuc'il Dios aju jaw sc'onte cyeye, ten cyc'ujlalile ex cybinchame aju tz'aklxix, ex cucx ke'c cyc'u'je ti'j Dios.
7Chi Kman in tma'n: Ke xjal etzan wu'ne ic cyten ic tza'n ke comersyant aj Canaán, in che ajben ke malbil mya tz'aklxix cyu'n porque at cygan tu'n cysbun cyi'j xjal. 8Ke aj Efraín in cyma'n: Ax toc ma ko oque k'inun, ma cnet kk'inumable; pero mi jun jacu k'mante ka tuc'il sbubl otok kcambaye, che chi. 9Akine Dios aju Cymane atxix tej ate'ye tuj Ejipt, cbantel wu'ne tu'n cynajane juntl maj cyuj ke ja xbalun ja, ic tza'n in banttok cyu'ne ojtxi tej cytene tuj tzkij tx'otx'.
10In yoline cyuc'il ke nsanjele ex xi nyec'une nimxix cye mer ic tza'n tuj witzic', ex in yoline cyuc'il tuj techal tu'n t-xi cyma'n cye xjal. 11Aj il ke aj Galaad ex minti' cyajben. Tuj Gilgal in cub cybyo'n ke tor te chojbil; cyja'tzun che bajel xitj cy-altar; ic che oquel ic tza'n ke byuj abj cycub tuj cojbil ch'oquimaj, chi Kman.
12Xi ok Jacob tuj tx'otx' Aram, o tz'ak'nan te pastoril ẍne'l nok tu'n tcnet t-xu'jil. 13Nok tu'n jun t-sanjel Kman e je'tz k'i'n ke xjal aj Israel tuj Ejipt ex e oc cwentin tu'n. 14Ma tzajxix tk'oj Kman cyu'n aj Efraín. Cyja'tzun cbel cycastiw tu'n Kman, tu'n tlaj nim xjal ma cub cyu'n ex cbel cycastiw tu'nju ma tz'el tch'ixwi Kman cyu'n.
Currently Selected:
Oseas 12: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
