Salmib 93
93
Ri Ajawaxel are' Ajawinel
1¡Ri Ajawaxel ajawinel!
¡Ri Ajawaxel xratz'iakij rib
ruc' juluwem,
xukuje' u sutim rij ruc' cuinem!
Are' xjekeban ri uwächulew
rech man cäslab taj.
2Ri tem la re ajawibal co jekelic
ojer petinak ulok,
Ajawaxel.
¡Ri lal, ojer ulok lal c'olic!
3Oh Ajawaxel, ri nima' quejininic,
quequiwalijisaj nimak tak rekbala';
4are c'u ri lal,
Ajawaxel, pa ri chicaj,
c'o na ri cuinem la
chuwäch ri rekbala',
xukuje' chuwäch ri u jininem ri plo.
5Oh Ajawaxel,
ri e takomal la co e jekelic.
¡Ri tastaliquil are wikbal junalic
chupam ri achoch la!
Currently Selected:
Salmib 93: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.
