Salmib 3
3
Ch'awem che u tz'onoxic ri u to'banic ri Ajawaxel
1Ajawaxel,
e q'ui ri qui banom
qui c'ulel chwe,
e q'ui ri qui walijisam quib chwij;
2 # 3.2 Ri tzij “Selah” tz'ibatal pa tak ri Salm pa hebrey. Ri tzij “Selah” man cach'obotajtaj jasach; craj ne' are cubij ri k'ojom jas ri caban che u siq'uixic ri Salm, craj ne' cuc'ut jun c'olbal ri caban wi tanalem, craj ne' che u q'uexic ri u pakulaj. Ri “Selah” q'ui mul tz'ibatal pa tak ri Salm, chupam we tz'ibatalic Quiche esam we tzij ri', rumal rech chi man cach'obotaj taj ri quel cubij. ¡e q'ui ri cäquibij
chi ri nu c'aslibal:
“man c'o ta u to'tajic
rumal ri Dios!”
3Are c'u ri lal, Ajawaxel,
lal ri ch'ukubal wib,
lal nimarisabal nu k'ij,
lal ri cäyo'w la ri chajin anima' chwe.
4Cuc' rakoj tak chi'aj
quintz'onoj to'banic che ri Ajawaxel
cutzelej c'u ulok u wäch nu tzij
kas pa ri tastalicalaj u juyub,
5quink'oyic, quinwar c'ut,
quinc'astaj chi c'ut,
rumal rech chi ri Ajawaxel
cuya' ri u to'banic chwe.
6Man quinxe'j ta wib
che we jumulaj ajch'ojab ri'
ri quisutim wij
ri e c'o che nu ch'äquic.
7Walij la, Ajawaxel.
¡Chincolo' la nu Dios!
Lal quech'ayow la chiquipalaj
ri qui banom qui c'ulel chwe;
¡Cäc'äjij na la ri qui ware
ri e banal tak etzelal!
8Lal, Ajawaxel,
lal ri cujto'tajisan la;
¡tewichi'j ba' la ri tinimit la!
Currently Selected:
Salmib 3: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.
