Aj Pilipsib 3

Ri kas suc'alaj c'aslemal

1Che ri u q'uisbalil c'ut, wachalal, chixquicot pa ri Ajawaxel. Chwe in man c'ax ta chwe ri e qui tz'ibaxic bic chiwe jumul chic ri e junam jastak, cajwataj c'u wa' chiwe che i jiquibaxic.

2Chichajij iwib chquiwäch ri winak ri e je ta ne tz'i'. Chichajij iwib chquiwäch ri cäquiban itzel tak chac, xukuje' ri cäcaj cäquik'at ri i cuerp, che u cojic iwetal re ri kopinic.

3 # 3.3 “Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal”: Jr 4.4; Ro 2.28-29; Ga 6.14-15; Col 2.11-13. # 3.3 Jujun Tz'ibatalic je caquibij wa': “e slabam rumal ri Ruxlabal”; jujun chic je caquibij wa': “pa ri uxlabal”. Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

4Pune' ri in c'o quinjiquiba' wi nu c'u'x chrij ri cuerp. We c'o jun chic cuchomaj chi c'o cujiquiba' wi u c'u'x chrij ri cuerp, kas are' na ri in;

5 # 3.5-7 “In kas in hebrey rumal rech chi ri nu tat xukuje' ri nu nan e aj hebreyib”: Ro 11.1; Hch 23.6; 26.5; 8.3; 9.1-2; 22.4; 26.9-11. xkopix ri u wi' ri u tz'umal ri in achi wi chuwajxak k'ij che wetal re kopinic chi in jun aj israel, pa ri ramak' ri Benjamin xinalax wi, ri in kas in hebrey rumal rech chi ri nu tat xukuje' ri nu nan e aj hebreyib; xintijox che ri pixab cuc' ri pariseyib.

6Nabe sibalaj xincoj nu chuk'ab che u banic c'ax che ri comon cojonelab; in suc' chuwäch ri pixab, man c'o ta etzelal cäriktaj chwij.

7Ronojel c'u wa' nim u banic chnuwäch nabe canok, camic chic man c'o ta chi u patan chwe, rumal ri Crist.

8 # 3.8-11 “Quinwaj kas quinwetamaj u wäch ri Crist xukuje' ri u chuk'ab ri u c'astajic”: Ro 6.11-13; 8.29; 2 Co 3.18; Ga 4.19. C'o chi c'u na jubik', in nu ch'obom chi conojel we jastak ri' man c'o ta chi qui patan chwe, aretak quinchomaj chi sibalaj nim u banic ri retamaxic u wäch ri Crist Jesus ri Wajaw. Rumal rech ri Crist nu tzakom can ronojel, ronojel c'ut xa' mes chic chnuwäch che u q'uexwäch ri nu ch'äcom ri are' ri Crist.

9Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

10Quinwaj kas quinwetamaj u wäch ri Crist xukuje' ri u chuk'ab ri u c'astajic. Xukuje' quinwaj quinrik c'ax junam ruc', nu c'amom chic ri u banic ri u cämical,

11we apachique ta ne rumal quinrik na ri nu c'astajic chquixo'l ri cäminakib.

Ka cojo' ka chuk'ab che u rikic jun opanem

12Man cätajin ta quinbij chi nu rikom chi ronojel, mawi chi in tz'akatarinak chic; quintaken c'ut ruc' eyebal c'uxaj che u rikic are', are c'u ne ri Crist Jesus xinrikow nabe.

13Wachalal, man quinbij taj in chi kas nu rikom ta chic; are c'ut ri quinbano are ri man u nataxic ta chic ri canajinak canok, are c'u quincoj nu chuk'ab che u rikic ri ri c'o chnuwäch,

14che ri opanem jawije' c'o wi ri etal quinch'äc c'ut ri tojbal ri quinusiq'uij ri Dios che u c'amic jun c'ac' c'aslemal rumal ri Crist Jesus.

15Jewa' ri uj co chic pa ri ka cojonic che u ternexic ri Crist, je chujchomam wa', we jun chi c'u wi ri i chomanic, ri Dios cuc'utunisaj na wa' xukuje' chiwäch.

16Rajawaxic c'ut cajunamataj ri ka c'aslemal ruc' ri ka rikom chic.

17 # 3.17 “Wachalal, chibana' iwe jas ri quinban in”: 1 Co 4.16; 11.1. Wachalal, chibana' iwe jas ri quinban in. Are chebiwila' ri cäquiban que jas ri ka banom uj chiwäch.

18C'o jun jasach q'ui mul nu bim can chiwe. Quinbij chi na jumul camic, sibalaj c'u cuya' ok'ej chwe, chi e c'o q'ui winak ri qui banom qui c'ulel che ri u ripibal ri Crist.

19Cäpe c'u na jun k'ij aretak cäsach na qui wäch ri winak ri'. Ri are' qui dios ri itzel tak u rayinic ri qui ti'jal, cäquinimarisaj qui k'ij chrij q'uixbalalaj tak jastak. Cäquichomaj xuwi ri jastak aj uwächulew.

20Are' c'u ri ka tinimit pa ri caj c'o wi'; ri xukuje' cakeyej wi jun Colonel, ri Ajawaxel Jesucrist.

21Ri cujal wachij na ri ka cuerp ri man nim ta u k'ij, cux na xak junam ruc' ri juluwemalaj u cuerp, jas ri u cholajil ri cuinelalaj u cuinem ri rumal wa' xukuje' cäcuinic quebucoj conojel ri jastak chuxe' ri u takanic.

Currently Selected:

Aj Pilipsib 3: QUICH1

Highlight

Copy