Jon 2
2
Toq ri Jonás nich'on rik'in ri Dios
1Ri Jonás toq k'o chik chupan ri ker, k'ari' xch'on-q'anej rik'in ri Jehová. 2Y kere' k'a xubij:
Chupan ri nuq'axo'n xich'on awik'in rat, Jehová, y kan xinawak'axaj k'a.
Toq xik'oje' chuwi' kamik xich'on awik'in, y kan xawak'axaj ri nuch'abel.
3Rat xinak'eq-qa, k'a chuxe' ri ya',
y ri ya' ri nibolqo't kan xeq'axilan k'a chuwij.
4Yin xinna' chi xinamalij kan,
y xinch'ob-qa chi man jun bey chik xkinapon chupan ri awachoch ri akuchi atk'o-wi rat.
5Xik'is k'a chupan ri ya' y kan yijiq' yan k'a;
y xinapon k'a pa q'equ'm, y ri q'ayis kan xuxich'-ri' pa nujolon.
6Xinapon k'a pa siwan chire ri palou.
Y ri ruwach'ulew achi'el xa ta kan xirutz'apej kan chiri' richin q'asen.
Y jari' k'a toq rat Jehová nu-Dios yin,
xajoyowaj nuwech y xinawelesaj-pe chupan ri siwan ri'.
7Toq xinna' chi nipe yan ri kamik, yin xatinkanoj, y kan xinato'.
Y ri nuch'abel xapon awik'in ri akuchi atk'o-wi.
8Ri yetzeqeliben kichin ch'aqa' chik dios ri man jun kejqalen,
xa niketzelaj k'a kan ri awutzil y ri ajoyowanik rat.
9Jak'a yin kan rik'in k'a bixanik xkimatioxin,
y xtinsuj kamelabel chawe y xtinben ri nujikiban-pe chawe.
Roma kan awik'in rat, Jehová, peteneq-wi ri kolotajik, xcha' ri Jonás.
10Y ri Jehová xuteq k'a el ri ker chi xberuxa' kan ri Jonás chuchi' ri palou.
Currently Selected:
Jon 2: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
