Gén 5
5
Ri winaqi' ri e rijatzul ri Adán
1Wawe' k'a e tz'ibatel kan ri kibi' ri e rijatzul kan ri Adán, ri chi wiq chi tanaj xeq'ax. Toq ri Dios xeruben ri nabey taq winaqi', kan achi'el rubanik rija' xuben chike. 2Chi achij chi ixoq xeruben y kan xerurtisaj k'a y jari' toq xkibini'aj-pe wineq.
3Ri Adán 130 k'a rujuna' toq xralk'ualaj ri ruk'ajol, ri xubini'aj Set. Ri ala' ri' kan man jun k'a xujel chire ri rutata'. 4Ri Adán xk'ase' chik k'a 800 juna' y xek'oje' ch'aqa' chik ralk'ual. 5Y ri Adán xk'ase' k'a 930 juna' k'ari' xken.
6Y toq ri Set k'o chik k'a 105 rujuna', jari' toq xralk'ualaj ri ruk'ajol ri xubini'aj Enós. 7Toq xalex k'a ri Enós, ri Set xk'ase' chik k'a 807 juna', y xek'oje' ch'aqa' chik ralk'ual. 8Y ri Set xk'ase' 912 juna' y xken.
9Y toq ri Enós k'o chik k'a jumuch' lajuj rujuna', jari' toq xralk'ualaj ri ruk'ajol ri xubini'aj Cainán. 10Y toq xalex k'a ri Cainán, ri Enós xk'ase' chik k'a 815 juna', y xek'oje' ch'aqa' chik ralk'ual. 11Y ri Enós xk'ase' 905 juna' y xken.
12Y toq ri Cainán k'o chik k'a oxk'al lajuj rujuna', jari' toq xralk'ualaj ri ruk'ajol ri xubini'aj Mahalalel. 13Toq xalex k'a ri Mahalalel, ri Cainán xk'ase' chik k'a 840 juna', y xek'oje' ch'aqa' chik ralk'ual. 14Y ri Cainán xk'ase' 910 juna' y xken.
15Y toq ri Mahalalel k'o chik oxk'al wo'o' rujuna', jari' toq xralk'ualaj ri ruk'ajol ri xubini'aj Jéred. 16Toq xalex k'a ri Jéred, ri Mahalalel xk'ase' chik 830 juna' y xek'oje' ch'aqa' chik ralk'ual. 17Y ri Mahalalel xk'ase' 895 juna' y xken.
18Y toq ri Jéred k'o chik 162 rujuna', jari' toq xralk'ualaj ri ruk'ajol ri xubini'aj Enoc. 19Toq xalex k'a ri Enoc, ri Jéred xk'ase' chik 800 juna' y xek'oje' ch'aqa' chik ralk'ual. 20Y ri Jéred xk'ase' 962 juna' y xken.
21Y toq ri Enoc k'o chik oxk'al wo'o' rujuna', jari' toq xralk'ualaj ri ruk'ajol ri xubini'aj Matusalén. 22Toq xalex k'a ri Matusalén, ri Enoc 300 juna' chik xk'ase', achi'el xrajo' ri Dios, y jari' toq xek'oje' ch'aqa' chik ralk'ual. 23Y ri Enoc xk'ase' 365 juna'. 24Rija' kan xk'ase' achi'el ri xrajo' ri Dios y jun q'ij xsach-el, roma ja ri Dios xuk'uan-el richin.
25Y toq ri Matusalén k'o chik 187 rujuna', jari' toq xralk'ualaj ri ruk'ajol ri xubini'aj Lámec. 26Toq xalex k'a ri Lámec, ri Matusalén xk'ase' chik 782 juna' y xek'oje' ch'aqa' chik ralk'ual. 27Y ri Matusalén xk'ase' 969 juna' y xken.
28Y toq ri Lámec k'o chik jumuch' ka'i' rujuna', jari' toq xralk'ualaj jun ruk'ajol 29y xubini'aj Noé y re bi'aj re' nel chi tzij uxlanen. Roma xubij ri Lámec: Ri Jehová xuya' ruk'ayewal pa ruwi' ri ruwach'ulew. Y xa roma ri' janila k'ayew richin niqasamajij ri ruwach'ulew. Y wakami k'a re ak'ual re' xtuya' uxlanen chiqe. 30Y toq xalex ri Noé, ri Lámec xk'ase' chik k'a 595 juna', y xek'oje' ch'aqa' chik ralk'ual. 31Y ri Lámec xk'ase' 777 juna' y xken.
32Y toq ri Noé k'o chik 500 rujuna', jari' toq xuchop nalk'ualan. Y e oxi' k'a ruk'ajol xek'oje' ri xkibini'aj: Sem, Cam y Jafet.
Currently Selected:
Gén 5: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.