Gén 36

Ri e rijatzul ri Esaú

1Jak'a tanaj winaqi' re' ri e rijatzul kan ri Esaú ri chuqa' nibix Edom chire: 2Ri Esaú e ka'i' k'a xtani' aj-Canaán ri xe'ok rixjayil: Ri jun rubini'an Adá, rumi'al ri Elón rijatzul kan ri Het; y ri jun chik rubini'an Oholibamá, rumi'al ri Aná, rumam ri Sibón, ri heveo; 3ri jun chik rixjayil ri Esaú ja ri Basemat, rumi'al ri Ismael, rana' ri Nebaiot. 4Ri Adá xk'oje' ral rik'in ri Esaú y re' rubini'an Elifaz; chuqa' ri Basemat xk'oje' ral y xubini'aj Reuel; 5Y ri Oholibamá xek'oje' ral rik'in ri Esaú y jare' ri kibi': Ri Jeús, ri Jaalam, y ri Coré. Ja e ralk'ual re' ri xe'alex toq rija' k'o chupan ri ruwach'ulew Canaán.

6Ri Esaú xeruk'uaj-el ri rixjayil y ri e ralk'ual y konojel ri rusamajela' ri ek'o pa rachoch y konojel ri rawej ri ek'o rik'in pa Canaán y xbe pa jun chik ruwach'ulew richin chi man yek'oje' ta junan rik'in ri ruchaq'. 7Kan chi e ka'i' janila chik k'iy kibeyomel k'o, y roma ri' man yeruben ta chik ri ruwach'ulew richin yewa' ri kawej. 8Y ri Esaú, ri chuqa' nibix Edom chire, xbek'oje' k'a chuwi' taq juyu' richin ri ruwach'ulew Seir.

9Jare' k'a ri e rijatzul ri Esaú, ri kitata' ri aj-Edom, ri ek'o chuwi' taq juyu' richin Seir. 10Ja kibi' re' ri e ralk'ual ri Esaú: Ri Elifaz, ral ri Adá, y ri Reuel, ral ri Basemat. 11Ri e ralk'ual ri Elifaz ja: Ri Temán, ri Omar, ri Sefó, ri Gatam y ri Quenaz. 12Ri Elifaz xk'oje' jun chik ralk'ual ri xubini'aj Amalec rik'in ri jun chik rixjayil rubini'an Timná. Jare' ri e ral-riy ri Adá ri rixjayil ri Esaú. 13Jare' ri e ralk'ual ri Reuel: Ri Náhat, ri Zérah, ri Samá, y ri Mizá, jare' k'a ri e ral-riy ri Basemat, ri jun chik rixjayil ri Esaú. 14Ri e ral ri Oholibamá ri rumi'al ri Aná rumam xten ri Sibón ja ri Jeús, ri Jaalam y ri Coré. Jare' ri e ral rik'in ri Esaú.

Ri e aj-raqen kichin ri e rijatzul ri Edom

15Jare' k'a ri e aj-raqen chikikojol ri rijatzul ri Esaú: Chikikojol ri e ralk'ual ri Elifaz, ri nabey ruk'ajol ri Esaú, ja ri Temán, ri Omar, ri Sefó, ri Quenaz, 16ri Coré, ri Gatam, y ri Amalec. Jare' ri e aj-raqen chikikojol ri e rijatzul ri Elifaz chupan ri ruwach'ulew Edom, rije' e ral-riy kan ri Adá. 17Ri e aj-raqen chikikojol ri e rijatzul ri Reuel, ri jun chik ruk'ajol ri Esaú, ja ri Náhat, ri Zérah, ri Samá, y ri Mizá. Jare' ri e aj-raqen chikikojol ri e rijatzul ri Reuel chupan ri ruwach'ulew Edom, rije' e ral-riy ri Basemat ri jun chik rixjayil ri Esaú. 18Y ri aj-raqen chikikojol ri e ralk'ual ri Esaú rik'in ri Oholibamá, rumi'al ri Aná, ja ri Jeús, ri Jaalam, y ri Coré. 19Konojel re' e rijatzul ri Esaú ri chuqa' rubini'an Edom, e aj-raqen chikikojol pa kiwi' ri kitzobaj.

Ri e rijatzul ri Seir

20Ri e rijatzul ri Seir ri horeo, ri e aj chiri' chupan ri ruwach'ulew ri': Ja ri Lotán, ri Sobal, ri Sibón, ri Aná, 21ri Disón, ri Ezer, y ri Disán. Jare' ri e aj-raqen pa kiwi' ri tzobaj horeo, ri e rijatzul ri Seir pa ruwach'ulew Edom. 22Ri e ralk'ual ri Lotán: Ja ri Horí, y ri Hemam. Y ri Lotán k'o k'a jun rana' rubini'an Timná. 23Ri e ralk'ual ri Sobal: Ja ri Alván, ri Manáhat, ri Ebal, ri Sefó, y ri Onam. 24Ri e ralk'ual ri Sibón: Ja ri Aiá y ri Aná. Y re Aná re' ja rija' ri xilo ri ralaxbel-ya' ri k'o pa tz'iran ruwach'ulew, toq e ruchajin ri rubur ri rutata'. 25Ri Aná xk'oje' jun ruk'ajol rubini'an Disón, y jun rumi'al rubini'an Oholibamá. 26Ri e ralk'ual ri Disón: Ja ri Hemdán, ri Esbán, ri Itrán, y ri Querán. 27Ri e ralk'ual ri Éser: Ja ri Bilhán, ri Zaaván, y ri Acán. 28Ri e ralk'ual ri Disán: Ja ri Us y ri Arán. 29-30Ri aj-raqen ri xek'oje' pa kiwi' ri kitzobaj kichin ri e horeo pa ruwach'ulew ri Seir jare': Ri Lotán, ri Sobal, ri Sibón, ri Aná, ri Disón, ri Éser, y ri Disán.

Ri xe'ok rey pa ruwach'ulew Edom

31Jak'a rey re' ri ek'o pan Edom toq k'a man jani k'o ki-rey ri e rijatzul ri Israel: 32Ri Bela, ruk'ajol ri Beor, rey richin ri Edom, y ri akuchi xq'aton-wi-tzij rubini'an Dinhaba. 33Toq ri Bela xken ja ri Jobab, ruk'ajol ri Zérah, xk'oje' kan pa ruk'exel, y ri rutinamit rubini'an Bosrá. 34Toq ri Jobab xken, ri xq'aton kan tzij pa ruk'exel ja ri Husam, ri peteneq pa kiruwach'ulew ri temanita. 35Toq ri Husam xken, ri xq'aton kan tzij pa ruk'exel ja ri ruk'ajol ri Bedad ri rubini'an Hadad, ri xuch'ek ri Madián pa rujuyu' ri Moab, y ri rutinamit rubini'an Avit. 36Toq ri Hadad xken, ri xq'aton kan tzij pa ruk'exel ja ri Samlá, y ri rutinamit rubini'an Masrecá. 37Toq ri Samlá xken, ri xq'aton kan tzij pa ruk'exel ja ri Saúl. Ri rutinamit rija' rubini'an Rehobot ri k'o chunaqaj jun nimalej raqen-ya'. 38Toq ri Saúl xken, ri xq'aton kan tzij pa ruk'exel ja ri Baal-hanán, ruk'ajol ri Acbor. 39Toq ri Baal-hanán xken, ri xq'aton kan tzij pa ruk'exel ja ri Hadad, ri rutinamit rija' rubini'an Pau. Ri rixjayil rubini'an Mehetabel, rumi'al ri Matred y rumam ri Mezaab.

40Ja kibi' re' ri aj-raqen kichin ri tzobaj chikikojol ri rijatzul ri Esaú: Ri Timná, ri Alvá, ri Jetet 41ri Oholibamá, ri Elá, ri Pinón, 42ri Quenaz, ri Temán, ri Mibsar, 43ri Magdiel, y ri Iram. Ri kibi' rije' jari' ri xubini'aj kan ri kitzobaj y ri akuchi xek'oje-wi, ri Esaú jari' ri kitata' ri aj-Edom.

Currently Selected:

Gén 36: KQC

Highlight

Copy