1 Crón 24
24
1Ri e ruk'ajol ri Aarón chuqa' xkiben ri kisamaj chupan ri rachoch ri Dios, rije' kibini'an Nadab, Abihú, Eleazar y ri Itamar. 2Jak'a ri Nadab y ri Abihú xeken nabey chuwech ri kitata', y man jun kalk'ual xek'oje'. Roma ri' xaxe ri Eleazar y ri Itamar xe'ok kan sacerdote.
3Pa ruq'ijul ri rey David, ri xeto'on richin ja ri sacerdote Sadoc jun chike ri rijatzul kan ri Eleazar, y chuqa' ri Ahimélec, jun chike ri rijatzul kan ri Itamar. Y rija' xeruch'er ri e ka'i' tzobaj pa kisamaj. 4Xtz'etetej k'a chi ek'o más e k'iy achi'a' chikikojol ri e rijatzul kan ri Eleazar, chuwech ri e rijatzul kan ri Itamar, y roma ri' xech'ar k'a ri e rijatzul kan ri Eleazar pa waqlajuj tzobaj, y chire ri e rijatzul kan ri Itamar xek'oje' e waqxaqi' tzobaj. 5Roma ek'o sacerdote y aj-raqen chupan ri rijatzul ri Eleazar y keri' chuqa' chupan ri rijatzul ri Itamar, ri David xuk'utuj chire ri Dios richin nuq'alajirisaj ri achike q'ij ri yesamej chupan ri jay richin ri Dios. 6Ri aj-tz'ib rubini'an Semaías, ruk'ajol ri Natanael y jun chike ri levita. Rija' xutz'ibaj ri kibi' re achi'a' re', chikiwech ri rey David, ri Sadoc, ri Ahimélec ruk'ajol ri Abiatar, y chikiwech ri e tata'al pa kiwi' ri aj pa kachoch ri e sacerdote y ri e levita. Ri Jehová xuk'ut k'a achoq chirij niqaqa-wi ri q'ij richin yesamej; ri pa nabey jun tzobaj richin ri e rijatzul kan ri Eleazar, y pa ruka'n ja chik ri e rijatzul kan ri Itamar, y kan keri' xkiben jantape'.
7-18Ja rucholajen re' ri kibi' ri yesamej: Ri Joiarib, ri Jedaías, ri Harim, ri Seorim, ri Malquías, ri Mijamín, ri Cos, ri Abías, ri Jesús, ri Secanías, ri Eliasib, ri Jaquim, ri Hupá, ri Jesebab, ri Bilgá, ri Imer, ri Hezir, ri Pisés, ri Petahías, ri Hezequiel, ri Jaquín, ri Gamul, ri Delaías y ri Maazías. 19Keri' xban chike richin xesamej chupan ri rachoch ri Jehová pa rucholajen, achi'el ri ruchojmilal ri ruya'on kan ri Jehová ki-Dios ri winaqi' israelita, ri rubin kan ojer chire ri Aarón.
20Ri levita ri man xenatex ta qa richin ri samaj ri', ja ri Subael ri rijatzul ri Amram; ri Jehedías ri rijatzul ri Subael. 21Y chike ri e ruk'ajol ri Rehabías, ja ri Isías ri nabeyel. 22Y chike ri e rijatzul ri Ishar ja ri Selomot y ri ruk'ajol rubini'an Jáhat. 23Y chike ri e rijatzul ri Hebrón, ja ri Jerías ri nabeyel, ri Amarías ri ruka'n, ri Jahaziel ri rox y ri Jecamán ri rukaj. 24Y chike ri rijatzul ri Uziel, ja ri Micaías, y chuqa' jun ruk'ajol rija' rubini'an Samir, 25ri Isías rach'alal ri Micaías, y chuqa' jun ruk'ajol rija' rubini'an Zacariás. 26Y chike ri e rijatzul ri Merarí, ja ri Mahli, ri Musí y ri Jaazías. 27Y chike ri e ruk'ajol ri Jaazías, ja ri Sóham, ri Zacur y ri Ibrí. 28Y chike ri e ruk'ajol ri Mahli, ja ri Eleazar ri man xek'oje' ta ruk'ajol. 29Y chike ri rijatzul ri Cis, ja ri Jerahmeel ri rumam, y ruk'ajol ri jun chik Cis. 30Y chike ri e ruk'ajol ri Musí ri jun chik Mahli, ri Éder y ri Jerimot. Rije' e rijatzul kan ri Leví. 31Ri Jehová xuk'ut chikiwech ri achoq pa ruwi' xtiqaqa-wi ri kisamaj. Y re' xban chikiwech ri rey David, ri Sadoc, ri Ahimélec y chikiwech ri k'o más kiq'ij ri k'o pa kiwi' ri ek'o pa kachoch ri kitata' y chikiwech ri e tata'al pa kiwi' ri aj pa kachoch ri e sacerdote y ri e levita. Junan k'a xban chike ri e nabey taq tata'aj, y k'a ri e ruk'isibel taq tata'aj.
Currently Selected:
1 Crón 24: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
