Masmur 24
24
AMISY Wepi Akari Titi, de no Apa Yavar rai no Yerusalem
1Masmur Daud po ratoe.
AMISY Wepirati peyave irati mine so rai muno ama anakotaro ntuna rai rautan,
muno vatano ntuna rai mautan tenambe.
2Weye Wepi Po muni so rauseo nte no mana ntuna no kopa mate#24:2 mana ntuna no kopa mate muno mana masyo rave omamo mamaisyo vatano Israel awa ana udaene rai. Mana so maisyare mayane ramaisy muno ntento rave ntuna no kopa mate so. Raen no Kej. 7:11; Maz. 136:6. so ama vone rai.
Po raveti ntindimu no mana masyo rave ama vone rai.
3‘‘Are pirati indati mamaisyo seo no unato AMISY#24:3 unato AMISY mare Sion, omamo Yavaro Amisy ama ntuna rije. we rai?
Are pirati indati mamaisyo de siso no AMISY Nya Yavar, indamu beaje irati Nai?’’
4‘‘Vatano anuga ngkakavin, muno apa ana dave ngkov,
paarurijabe jewen arono po urairije raokaisy,
muno beaje yare rai jewenep.
5Vatano napije, indati AMISY Po kove raugaje ai.
Amisye, Opi Po apaya kakai rai, pare vatane sopamo ayao kakai meweno ai.
6Maisyare wemaisy vatano nanawirati ude no Amisye Winui,
onawirati ude indamu ubeaje irati Amisye Winai, Winyirati aneno Yakop beaje Nai.’’
7Inya, unsanda akokoe#24:7 Somamo unsanda akokoe nsiso no Yavaro Amisye rai. no no wusyin to, nsaneka!
Nsaneka ra ntanenae,
indamu Akari Titi, Apa kove ntiti, de siso.
8Akari Titi so, Apa kove ntiti, opamo are pije?
Opamo AMISY, anaaniv muno bambunin dave,
AMISY bambunin Po anasine ugav no marova rai!
9Inya, unsanda akokoe no no wusyin to, nsaneka!
Nsaneka ra ntanenae,
indamu Akari titi, Apa kove ntiti, de siso.
10Akari titi, Apa kove ntiti, opamo are pije?
Opamo AMISY Wepi be akarive naito munijo ntiti mansai,
Opirati Akari Titi, Apa kove ntiti rave!
Currently Selected:
Masmur 24: yva
Highlight
Share
Copy
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
