Marako 4
4
Carokop i kom acoc
(Nen daŋ Matayo 13.1-9; Luka 8.4-8)
1 #
Luk. 5.1-3
Yecu dok ocako pwony i dog nam. Lwak ecipan te cokere baŋe; pi mannono en te yito iyi yee; te bedo iye i nam, lwak luŋ te bedo i dog nam i wi tela. 2Opwonyogi kop apol i carokop. I pwonnyere okobbigi ni, 3“Winyu ba! Lo moro rik owoto ka coyo koti. 4Ame en doŋ tye ka coc, koti mogo te kir i dye yo, winy te bino depo oko. 5Mogo te kir kan obedo lela, ame lobo tye iye warawara. Cucuttono te tu, pien lobo mom tut; 6ento ka ceŋ oryeny ote two oko, pien lwitgi mom. 7Mogo te kir i akina okuto, okuto te lot diyogi oko, naka mom nyiggi te cek. 8Mogo te kir gigi i lobo aber, te tu, te jany, nyiggi te cek; mogo tyene acel acel ocek iye nyige pyeradek, mogo pyerabicel, mogo mia.” 9Icennere te kobbigi ni, “Ŋat a tye i yit me winyo, myero winy.”
Gin omio opwonyo jo i carokop
(Nen daŋ Matayo 13.10-17; Luka 8.9-10)
10Ka onwoŋo Yecu tye kene, jo anwaŋ obedo kun ogure dyere karacel kede jo mere apar wie aryo openye pi carokop magu. 11En te kobbigi ni, “Wun omiowu muŋ me loc Obaŋa, ento jo ca a tye oko, kop ducu omiogi i carokop, 12#Ica. 6.9-10 me bed acalo rik ocoo, ni,
‘Ka gin neno, onen cite kur onen aber,
dok ka gin winyo, owiny, ento kur oniaŋ tere,
kadi dwogo baŋ Obaŋa me wek balgi.’ ”
Yecu ogonyo te carokop i kom acoc
(Nen daŋ Matayo 13.18-23; Luka 8.11-15)
13En openyogi ni, “Wun ikwia wunu carokop-pi? Kara i carokop ducu ibino niaŋ wunu iye niŋo? 14Aco koti coo kop Obaŋa. 15Magi gin jo i dye yo kan ame ocoo iye koppere; ka gin owinyo, Catan bino oyotoyot, te kwanyo kop ame ocoo i yigi oko. 16Amannono magi gin ame ocoo kan obedo lela lela; gin ka owinyo kop, ote gamo cuto kede lelo, 17ento nwoŋo mom otye kede lwitgi i yigi. Ote ri ka anonokkoro; icennere tekki cannoro adwoŋ bino, onyo awuna, pi koppono, gin poto oko cucuttono. 18Ocele mere gin jo ame ocoo i okuto; gin jo ame winyo kop, 19ento par apol me lobo man; kede maro lonyo, kede mito jami ocele te donyo i cunygi, te diyo kop oko, mom nyak. 20Ento maka ame ocoo i lobo aber ca, gin jo a winyo kop, ote jolo, te nyak mogo pyeradek, mogo pyerabicel, mogo mia.”
Tara ame owumo kede wal
(Nen daŋ Luka 8.16-18)
21 #
Mat. 5.15; Luk. 11.33 Yecu te penyogi ni, “Tara okelo i ot me awuma oko kede wal bo, onyo me aketa i te itanda? Mom okelo wek ote keto malo wi gol? 22#Mat. 10.26; Luk. 12.2Pien mom tye ginnoro ame okano, kono me wek nen kannaler; dok mom tye ginnoro ame owumo, kono me wek oyab kannaler. 23Ka ŋattoro tye i yit me winyo, myero winy!” 24#Mat. 7.2; Luk. 6.38Dok okobbigi ni, “Gwokere wunu i gin ame iwinyo wunu; kit gin ame iporo wunu iye, en ame daŋ obino porriwu kede, dok obino medo baŋwu. 25#Mat. 13.12; 25.29; Luk. 19.26Pien ŋat a mere tye, obino miye; ento ŋat a mere mom, obino gamo oko anaka gin a tye baŋe.”
Carokop i kom tu a koti
26Okobo ni, “Loc Obaŋa tye kite man, rom aroma kede ka dano ocoo koti i lobo; 27en buto iwor, ya odiko, koti tu, doŋo, kun en kwia kite ame atimere kede. 28Lobo kene en a mio koti cek; me agege koŋ tu, icennere nok, nyige te corre. 29#Joel 3.13Ka kal doŋ ocek, dano-nu te cako kac oyot kede alwete, pien nwoŋo kare me kac doŋ oromo.”
Carokop i kom nyig karadali
(Nen daŋ Matayo 13.31-32; Luka 13.18-19)
30Dok te kobo ni, “Obino poro loc Obaŋa kede gin aŋo? Onyo carokoppene ame obino nyuto kede? 31Rom aroma kede nyig dek karadali ame dano moro okwanyo, ame ka ocoo i lobo, en titino kato koti luŋ; 32ento ka ocoo, doŋo doko adwoŋ a loo dek ducu, jaŋe pwodde adwoŋ, ame winyi a twarre malo twero gero udigi i tipo mere.”
Kit a Yecu rik maro tic kede carokop
(Nen daŋ Matayo 13.34-35)
33Orabbigi koppere i carokop apol acalo mano, kite acalo gin twero niaŋ kede. 34Mom okobo kedgi aboŋo carokop, ento ka en tye kede jo a lube kengi, en gonnyigi te kop ducu.
Yecu ojuko yamo i dye nam
(Nen daŋ Matayo 8.23-27; Luka 8.22-25)
35Otyeno me nino acel-lu Yecu te kobbigi ni, “Koŋ okat wunu loka tuŋ ca.” 36Gin te weko lwak oko, ote tere kede yee ame onwoŋo en tye iye; yede ocele daŋ onwoŋo tye karacel kede. 37Yamo adwoŋ te cako mor oko, pii te ero tagere, ocorre iyi yee, ame omio yee doŋ apoŋ oko. 38En onwoŋo tye i ojwiny yee, onino gire oko i aten wic. Gin tecoye oko kun okobo ni, “Apwony, yin mom iparo en ame oto oko-ni?” 39En te co oko, ojuko yamo kun kobo ni, “Kwe mot! Liŋ!” Yamo te kwe, nam daŋ te liŋ mot. 40Openyogi ni, “Ŋo omio ilwor wunu aman? Iyeewu pe?” 41Gin obedo kede lworo adwoŋ, ote cako penyere kengi kengi ni, “Man kara ŋa, ame yamo kede nam-gu winye-nie?”
Currently Selected:
Marako 4: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.