Matayo 20

Otic i poto olok

1“Loc me polo rom aroma kede dano moro won ot ame odilo odiko con pi wako otic i poto olokkere. 2Te yiko kop kedgi ni ebino miyogi denari acel pi nino acel, i ŋe cikeregi en ocwaogi i poto olokkere. 3I caa adek en dok owoto, te neno jo ocele ame acuŋ acuŋa i cuk aboŋo ticgi moro. 4En te kobbigi ni, ‘Wun daŋ wot wunu i poto olokka, abino miyowu cul ame oporre.’ Gin daŋ ote wot. 5I caa abicel kede caa aboŋwen en dok owoto otimo i kite acellaca. 6I akina caa apar wie acel en dok owoto onwoŋo jo ocele ame acuŋ kuno; en te penyogi ni, ‘Piŋo icuŋ wunu acuŋa kan naka ceŋ iyul aboŋo ticcoro?’ 7Gin te dok iye ni, ‘Dano moro a kono wakwa obedo mom.’ En te daŋ kobbigi ni, ‘Wun daŋ wot wunu i poto olokka.’ 8#Olev. 19.13; Lodo 24.15A doŋ piny oyuto, won poto te ciko nyampara mere ni, ‘Lwoŋ otic, imigi ocaragi. Cak i kom jo ame otuno icen, iwot kede anaka i komjo ame ogeo bino.’ 9Jo a rik obino caa apar wie acel, ogamo denari acel acel. 10Ka jo ogeo obino, gin otamo ni obino miyogi abup akato mannono oko, ento gin daŋ ogamo denari acel acel. 11Ka doŋ ogamo, ote ŋunura i kom won ot, 12kun okobo ni, ‘Jo obino icen ca otio pi caa acel keken, ento yin dok iporogi kedwa a kun wan ololle i tic nakanaka i dye ceŋ alyet.’ 13Ento en okobbi dano acel i akinagi ni, ‘Awotta, an mom timi rac. Yin rik mom icikere keda ni ibino gamo denari acel? 14Gam meri en ta, woti. An amito miyo dano man ame obino icen arom aroma kedi. 15Mom myero ati gira i jamina acalo amito? Onyo waŋi oballe pi gin aber a doŋ atio?’ 16#Mat. 19.30; Mar. 10.31; Luk. 13.30Kite-nono jo ame odoŋ cen bino bedo me agege, kede jo me agege bino doŋ cen.”

Yecu otito pi to mere tyen me adek

(Nen daŋ Marako 10.32-34; Luka 18.31-34)

17Yecu ka rik mito kwaro tur me wot i Jerucalem, otero jo mere apar wie aryo i muŋ, i yo te kobbigi ni, 18“Nenu, wan doŋ otye okwaro tur me wot i Jerucalem. Wot a dano obino miye baŋ olamdog adoŋo kede opwony-cik, gin bino ŋolle kop me to. 19Obino miye baŋ Orok me ŋale, pwode kede del, ote gure i kom yataria, ento i nino me adekere obino cere oko.”

Kwac ame Yakobo kede Lakana okwao

(Nen daŋ Marako 10.35-45)

20Toto otino a Jebedayo obino baŋe karacel kede itino mere, te ryebere piny i nyime pi kwaye ginnoro. 21En openye ni, “Imito ŋo?” Te gamo ni, “Cik pi itinona aryo-ni ni, ŋat acel bed i laŋeti tuŋ cem, ŋat acel bed i laŋeti tuŋ cam i locci.” 22Yecu te dok iye ni, “Wun mom iŋeo wunu gin ame ikwao wunu. Itwero wunu mato i kopo me peko ame abino mato kede?” Gin ogamo ni, “Wan otwero.” 23En te kobbigi ni, “Ibino wunu mato kede ikopona, ento bedo i laŋeta tuŋ cem onyo tuŋ cam, an mom apoko. Bino bedo ka baŋ jo ame Pappa oyiko pirgi.”

24Ka jo ocele apar owinyo, yigi owaŋ i kom omego aryo-nu. 25#Luk. 22.25-26Yecu te lwoŋogi baŋe, okobbigi ni, “Wun iŋeo wunu ni, oloc Orok bwoogi kede teko, dok odoŋegi nyuto twergi i komgi. 26#Mat. 23.11; Mar. 9.35; Luk. 22.26Mom bino bedo amannono i akinawu; ŋattoro i akinawu ame mito bedo adwoŋ myero bed aticwu, 27dok ŋattoro amit bedo me agege i ak inawu, myero bed opii mewu ducu; 28kite acalo Wot a dano daŋ mom obino me jo tiye, ento wek en ti pi jo, dok ete miyo kwo mere me lakoro jo apol.”

Yecu ocaŋo otowaŋ aryo

(Nen daŋ Marako 10.46-52; Luka 18.35-43)

29Ame gin aya i Jeriko, lwak ecipan olube. 30Nen, otowaŋ aryo ame obedo piny i ŋet yo, ka owinyo ni Yecu en akato-nono, gin oredo ni, “Akwar Daudi, timwa kica.” 31Lwak te jukogi ni, “Liŋ wunu”, ento gin te medo redogi ameda ni, “Rwot, timwa ber, Akwar Daudi.” 32Yecu ocuŋ, olwonogi te penyogi ni, “Kara wun imito wunu ni atimmiwu ŋo?” 33Gin odok iye ni, “Rwot, omito waŋwa yabere.” 34Gin ocono Yecu, eka te mulo waŋgi. Oyotoyot ote cako neno piny, ote lube.

Currently Selected:

Matayo 20: La79

Highlight

Copy