Matayo 19

Kop a Yecu opwonyo i kom keto nyom

(Nen daŋ Marako 10.1-12; Luka 16.18)

1Ame Yecu doŋ otyeko kobo kop magu, te ya i Galilaya te bino i dul lobo me Judaya a tye loka Jordan. 2Lwak ecipan te lube, en daŋ te caŋogi kuno.

3Oparicayo obino baŋe, ote bite kun openye ni, “Cik ye ni ico ryem dako mere pi kop duc aduca?” 4#Age. 1.27; 5.2En te gamo ni, “Wun ce mom ikwano wunu ni, cakere i ageyi Acwec ocweogi co kede mon? 5#Age. 2.24Dok okobo ni, ‘Pi mano dano bino weko pappere kede tottere, te moko i kom dako mere, gin aryo ote doko kom acel.’ 6Kite-nono, gin mom doŋ otye aryo, ento kom acel keken. Gin ame Obaŋa onoto karacel dano kur ket akinagi.” 7#Lodo 24.1-4; Mat. 5.31Dok ote penye ni, “Piŋo Muca rik ociko ni mi waraga me keto nyom, kede ryemo dako?” 8En te kobbigi ni, “Pi nwaŋ cunywu omio Muca oye ni iryem wunu monwu, ento cakere i ageyi mom obedo amannono. 9#Mat. 5.32; 1 Kor. 7.10-11Ento akobbiwu ni, dano moro ame ryemo cege, ame mom pi coco, eka te nyomo dako ocele, nwoŋo ocodo cot.”

10Jo a lube te kobbe ni, “Ka kop i kom ico kede dako mere tye kite-nono, twara jo obedo aboŋo nyomere.” 11Yecu te kobbigi ni, “Jo luŋ mom twero mako koppono, kono ka jo ame omiogi keken. 12Pien tye jo mogo ame gin obwoc cakere iyi totogi, ame onywalogi kite-nono; tye jo ocele ame doko obwoc pien nwoŋo jo ocele oroogi oko; tye jo ocele ame gin roye kengi gigi pi loc me polo. Dano ame twero mako koppono, maki.”

Yecu omio otino winyo

(Nen daŋ Marako 10.13-16; Luka 18.15-17)

13Icennere okelo itino baŋe me eket ciŋe i komgi kun ekwao Obaŋa. Jo a lube te jukogi oko. 14Ento Yecu te kobbigi ni, “Wek wunu itino bin baŋa, kur igeŋgi wunu, pien loc me polo tye pi jo acalo gin.” 15En oketo ciŋe i komgi, te ya i kuno oko.

Awobi ame alonyo

(Nen daŋ Marako 10.17-31; Luka 18.18-30)

16Nen, dano moro obino baŋe kun penye ni, “Apwony, atim ŋo aber me abed i kwo a perakino odoco?” 17Yecu te penye ni, “Kara piŋo ipenya pi gin aber? Ŋat aber tye acel keken. Ka imito donyo i kwo, gwok cik.” 18#Yaa 20.13-16; Lodo 5.17-20En te penyo ni, “Cikkene?” Yecu te kobbe ni, “Kur inek, Kur icod cot Kur ikwal, Kur ikel goba i pido: 19#Yaa 20.12; Lodo 5.16; Olev. 19.18Wor pappi kede totti, kede dok ni, Mar dano wadwu acalo imarre keni.” 20Awobi-nu te kobbe ni, “Magu doŋ atyeko mako ducu; kara ŋo a pwod dok odoŋ?” 21Yecu te gamo ni, “Ka imito bedo aber aboŋo roccoro, ape wot icat lim a tye baŋi oko, ite miyo baŋ ocan, eka ite bedo kede lonyo ame ikano i polo; yin doŋ ibin, iluba.” 22Awobi ka owinyo kodi kop-pu, te wot oko a doŋ aconne acona, pien onwoŋo limmere rik dwoŋ.

23Yecu okobbi jo a lube ni, “Ateni akobbiwu ni, bino bedo tek meicel, olonyo idonyo i loc me polo. 24An dok akobbiwu ni, twara donyo inaga i waŋ pico yot, kato alonyo idonyo i loc me polo.” 25Olub Yecu ka owinyo kodi kop-pu owuro meicel, ote penye ni, “Kara ŋa a dok twero larre?” 26Yecu onenogi, te kobo ni, “Baŋ dano mom twerre, ento baŋ Obaŋa jami ducu twerre.” 27Petero te gamo ni, “Aco, nen wan oweko jami luŋ, olubi; kara obino nwoŋo ŋo iye?” 28#Mat. 25.31; Luk. 22.30Yecu te gamo ni, “Ateni akobbiwu ni, i kare ame lobo bino doko anyen, ame Wot a dano bino bedo i wi kom me loccere me kwogo, wun jo a doŋ iluba wunu ibino bedo wunu i wi kom me loc apar wie aryo kun iŋolo wunu kop i kom atekere apar wie aryo me Icrael. 29Doŋ dano acel acel a yam oweko udi onyo omego, onyo amego, onyo pappere onyo tottere, onyo itino, onyo lobo pi nyiŋa, en bino nwoŋo jami akato mano tyen mia, daŋ en bino nwoŋo kwo a perakino odoco. 30#Mat. 20.16; Luk. 13.30Ento jo apol ame obedo me agege bino doŋ cen, kede jo odoŋ cen bino bedo me agege.

Currently Selected:

Matayo 19: La79

Highlight

Copy