Jo Eburania 3
3
Yecu dit kato Muca
1Doŋ ba, wun omegona acil ame Obaŋa olwoŋowu karacel keda, doŋ itam wunu i kom Yecu ame en akwena kede alamdog adwoŋ me iyee a wan otuco. 2#Wel 12.7En obedo agen baŋ Obaŋa ame okete i tic, a rom aroma i Muca ame rik obedo agen i ot Obaŋa luŋ. 3Ager ot omio kwogo adwoŋ akato ot; amannono daŋ Yecu obin okwano ni kwogo mere dwoŋ kato mea Muca. 4Pien ottoro keken, dano en agero, ento ager jami luŋ obedo Obaŋa. 5Muca rik obedo agen i ot Obaŋa luŋ acalo atic, me miyo caden i kop ame rik obedo agen i ot Obaŋa luŋ. 6Ager ot omio kwogo loyo ot Obaŋa acalo atinnere. Ode-nono en wan, ka ce wan omoko atek i tekcunywa kede ŋatetwa ame obino pi gen a wan otye kede.
Weo tye pi jo Obaŋa
7 #
Jab. 95.7-11 Doŋ acalo Cuny Acil okobo,
“Ka iwinyo wunu dwon Obaŋa tin,
8kur imi cunywu bed anwaŋ bala jo a rik ojem,
i kare ame gin oomo kede yia i tim,
9kan ame kwariwu oomo kede yia, otema iye,
kun obedo neno ticca pi mwakki pyeraŋwen,
10Pi mano cunya owaŋ i kom jo me kare-nono,
ate kobo ni, ‘Gin didik ogak oko i tamgi;
gin mom oniaŋ i kom yo mera.’
11Acalo rik akwoŋo i akemona,
‘Gin mom bino donyo i weo baŋa.’ ”
12Gwokere wunu, omegona, me atot ya ŋattoro i akinawu kur bed i cuny arac, cunya mom ye Obaŋa, ame twero miye ya oko i kom Obaŋa akwo. 13Ento myero ijiŋ wunu cunywu kenwu nino luŋ ka pwod otwero lwoŋo ni, “tin”, me ŋattoro i akinawu kur cunye dok anwaŋ pi abwole me bal. 14Pien wan obedo jo ame onotte kede Kricito, ka ce wan omoko atek i genwa me agege ituno i agikki, 15#Jab. 95.7-8 acalo rik okobo ni,
“Ka iwinyo wunu dwone tin,
kur imi cunywu bed anwaŋ balajo a rik ojema.”
16 #
Wel 14.1-35
Ŋagi ce a rik owinyo dwon Obaŋa, eka ote jem oko-nono? Mom gin lwak jo luŋ a rik oya i lobo Miciri a kun Muca atelogi? 17Dok ŋagi ce a rik yie owaŋ kedgi pi mwakki pyeraŋwen? Mom gin jo a rik obin obalo, ame komgi te doŋ i tim? 18Dok baŋ jo mene ce ame en rik obin okwoŋo ni, gin mom bino donyo i weo baŋe? Mom obedo baŋ jo a rik mom obedo owiny? 19Pi mano wan oneno ni, jo-nono rik mom otwero donyo pien gin okwero ye oko.
Currently Selected:
Jo Eburania 3: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
