OMAPSALOME 83
83
Ovatondi keembinga adishe
Eimbilo, Epsalome laAsaf.
1Akutu Kalunga, ino likalela auke,
Ove ino kala wa mwena u tye filu, akutu Kalunga!
2Tala, osheshi ovo tave ku tondo otava uyaana,
novatondi voye otava yelulile omitwe davo pombada.
3Oshiwana shoye otave shi diladilile ekengelelo,
novanhu vopolwamba loye
otave va dutile ehangakeno,
4tava ti: “Ileni tu yeni, tu ke va hanauneni po,
vo vaha ifanwe vali oshiwana,
opo edina lOvaisraeli liha tumbulwe vali.”
5Heeno, va kundafana, va itavelela shimwe,
ove ku pangela omhangela yehangakeno,
6eenhanda daEdom nOvaismael, Moab nOvahagri,
7Gebal naAmmoni naAmalek,
Ovafilisti pamwe nOvatirus.
8NaAsiria yo okwa ama kuvo,
ova ninga okwooko kwovana vaLot. Sela
9Va ninga, ngaashi wa ningile Midian naSisera,
nongaashi Jabin kokamulonga Kison,
10ava va nyonauninwe po kuEndor,
noimhu yavo ya ninga oushosho womepya.
11Oidale yavo i ninga ngaashi wa ningile
Oreb naSeeb, novadalekele vavo aveshe
ongaashi Seba naSalmunna,
12Ava tava ti:
“Tu ka nangaleni po eenhele daKalunga.”
13Kalunga kange, va ninga ngaashi omafo
taa i shambadaulu,
ngaashi oidudilo tai i omhepo.
14Ngaashi omundilo ou tau xwike ofuka,
ngaashi omutemo tau vave eemhunda.
15Osho u va shikula neembadi doye,
ndele to va halula noshikungulu shoye.
16Oshipala shavo shi yadifa nohoni,
opo va hovele okukonga edina loye, Omwene.
17Nava fifwe ohoni, va tilifwe fiyo alushe,
nava lengaifwe, vo va xule po.
18Vo va kale, ve shi koneka, nokutya
Oove ou to ifanwa Omwene,
Ove auke u li po Okombadambada medu alishe.
Currently Selected:
OMAPSALOME 83: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
