OMAPSALOME 24
24
Oivelo nye, yeluleni omitwe deni!
Epsalme laDavid.
1Edu olOmwene, naashishe shi yadi mo,
2osheshi Ye okwe a shita
kombada yomeva efuta,
nokwe a pameka kombada yomilonga.
3Elipipo ta itavelwa okuya
kombada yomhunda yOmwene?
Elipipo a wana okukala ofika
ponhele youyapuki waye?
4Oyou e nomake inaa nyata owii,
noku na omutima wa yela,
noiha ameke nande omwenyo waye koungaho,
noiha fufya mokwaana kwaye.
5Oye tuu ou ta nangekwa noupuna kOmwene
ndele ta pewa ouyuki kuKalunga kexupifo laye.
6Ava ve li ngaha, ovo epata laava, tave ku pula,
ndele tave uya koshipala shaKalunga kaJakob. Sela
7Oivelo nye, yeluleni omitwe deni,
nye mu yeluke, oivelo nye yaalushe,
ohamba yefimano opo i shiive okupitila mo!
8Ohamba yefimano olyelye hano?
Omwene, omunaenghono omuladi,
Omwene omuladi moita.
9Oivelo nye, yeluleni omitwe deni,
nye mu yeluke, oivelo nye yonalenale,
ohamba yefimano opo i shiive okupitila mo.
10Ohamba yefimano olyelye hano?
Omwene weengudu dovakwaita,
Oye tuu ohamba yefimano. Sela
Currently Selected:
OMAPSALOME 24: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
