GENESIS 5
5
Oludalo laAdam fiyo okuNoa
1Efina lepata laAdam oleli:
Mefiku tuu olo Kalunga a shita omunhu, Ye okwe mu ninga oshifefa shaye. 2Ye okwe va shitile omulumenhu nomukainhu ndele okwe va nangeka noupuna, ndele te va luku “omunhu” mefiku tuu olo vo va shitwa.
3Omido daAdam eshi da li efele limwe nomilongo nhatu, ye okwa dala omona okamati oshifefa shaye, ndele okwe mu luka Set. 4Ndele efimbo laAdam, eshi a dala Set, ola li omido omafele ahetatu. Ndele ye okwa li e na ovana ovamati noukadona. 5Osho hano efimbo olo alishe Adam a kala nomwenyo, ola li omido omafele omugoi nomilongo nhatu, eshi ye a fya.
6Omido daSet eshi da li efele limwe nanhano, ye okwa dala Enos. 7Ndele Set eshi a dala Enos, okwa kala nomwenyo natango omido omafele ahetatu nomido heyali. Ndele ye okwa li e na ovana ovamati noukadona. 8Osho hano omido adishe daSet oda li omafele omugoi nomulongo nambali, eshi ye a fya.
9Ndele omido daEnos eshi da li omilongo omugoi, ye okwa dala Kenan. 10Ndele Enos eshi a dala Kenan, okwa kala natango nomwenyo omido omafele ahetatu nomulongo nanhano. Ndele ye okwa dala ovana ovamati noukadona. 11Osho hano omido adishe daEnos oda li omafele omugoi nomido nhano, eshi ye a fya.
12Omido daKenan eshi da li omilongo heyali, ye okwa dala Mahalalel. 13Ndele Kenan eshi a dala Mahalalel okwa kala natango nomwenyo omido omafele ahetatu nomilongo nhee. Ndele ye okwa dala ovana ovamati noukadona. 14Osho hano omido adishe daKenan da li omafele omugoi nomido omulongo, eshi ye a fya.
15Omido daMahalalel eshi da li omilongo hamano nanhano, okwa dala Jared. 16Ndele Mahalalel eshi a dala Jared, okwa kala nomwenyo natango omido omafele ahetatu nomilongo nhatu. Ndele ye okwa li e na ovana ovamati noukadona. 17Osho hano omido adishe daMahalalel da li omafele ahetatu nomilongo omugoi nanhano, eshi ye a fya.
18Ndele omido daJared eshi da li efele limwe nomilongo hamano nambali okwa dala Henok. 19Ndele Jared eshi a dala Henok okwa kala nomwenyo natango omido omafele ahetatu. Ndele ye okwa dala ovana ovamati noukadona. 20Osho hano omido adishe daJared da li omafele omugoi nomilongo hamano nambali, eshi ye a fya.
21Ndele omido daHenok eshi da li omilongo hamano nanhano, okwa dala Metusala. 22Ndele Henok eshi a dala Metusala okwa li ha ende pamwe naKalunga omido omafele atatu. Ndele ye okwa dala ovana ovamati noukadona. 23Osho hano omido adishe daHenok da li omafele atatu nomilongo hamano nanhano. 24Ndele Henok okwa enda pamwe naKalunga. Ndele ye ina monika vali, osheshi Kalunga okwe mu kufa po.
25Ndele omido daMetusala eshi da li efele limwe nomilongo hetatu naheyali okwa dala Lamek. 26Ndele Metusala eshi a dala Lamek, okwa kala nomwenyo natango omido omafele aheyali nomilongo hamano nomugoi, ndele ye okwa dala ovana ovamati noukadona. 27Osho hano omido adishe daMetusala da li omafele omugoi nomilongo hamano nomugoi, eshi a fya.
28Omido daLamek eshi da li efele limwe nomilongo hetatu nambali, ye okwa dala omona okamati, 29ndele okwe mu luka Noa, osheshi ye okwa tile: “Oye tuu ou te ke tu hekeleka moilonga yetu nomoudjuu woshilonga shomake etu mokulonga kwetu edu eli la fingwa kOmwene.” 30Ndele Lamek eshi a dala Noa, okwa kala nomwenyo natango omido omafele atano nomilongo omugoi nanhano, ndele ye okwa dala ovana ovamati noukadona. 31Osho hano omido adishe daLamek da li omafele aheyali nomilongo heyali naheyali, eshi ye a fya.
32Ndele eshi omido daNoa da li omafele atano okwa dala Sem, Ham naJafet.
Currently Selected:
GENESIS 5: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.