ᓴᑲᕅᐊᐅᑉ ᐊᒡᓚᖏᑦ 12
12
ᓯᕗᓂᒃᓴᒥ ᔨᕉᓴᓕᐅᑉ ᓴᐳᑎᔭᐅᔪᒫᕐᓂᒃᓴᖓ
1ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ: 2“ᑕᑯᒋᑦ ᔨᕉᓴᓕᒻ ᐃᒥᐅᑎᑐᑦ ᕔᓂᒥᒃ ᐃᒪᓕᒃᑐᑦ ᑍᒤᑎᑦᓱᒪᕙᕋ ᓄᓇᓖᑦ ᐊᕙᑖᓃᑦᑐᑦ ᑖᑦᓱᒪᖓᑦ ᐃᒥᕈᒫᕐᐳᑦ ᐋᖓᔮᕐᑐᑎᑐᓪᓗ ᑍᒤᓕᕐᓗᑎᒃ, ᑖᒃᑯᐊ ᔫᑕᒥᒃ ᔪᕉᓴᓕᒥᒡᓗ ᐊᕙᓗᓯᓯᒪᔪᒫᕐᐳᑦ. 3ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐅᔭᕋᓱᒡᔪᒃᑎᑐᑦ ᐅᖁᒤᑦᑑᑎᑦᓱᒫᕐᐸᕋ, ᑖᑦᓱᒥᖓ ᐊᐅᓚᑦᔧᓇᓱᐊᕐᑐᑦ ᐃᒻᒥᖕᓂᒃ ᐋᓐᓂᖃᑦᑕᕈᒫᕐᐳᑦ, ᐃᓅᖃᑎᒌᒡᔪᐊᑦ ᓇᑭᑐᐃᓐᓇᖅ ᐱᓯᒪᔪᑦ ᐊᑭᕋᕐᑐᕋᓱᒃᑲᓗᐊᕐᐸᑕ. 4ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᒻᒥᕐᔪᐊᓕᒫᑦ ᑕᑕᒥᑎᑦᓱᒫᕐᐸᒃᑲ, ᐃᑭᒪᔪᓪᓗ ᑐᑭᖃᕈᓐᓁᕐᑎᓪᓗᒋᑦ: ᔫᑕᒥ ᓄᓇᖃᕐᑐᑦ ᐃᔨᓐᓄᑦ ᑕᑯᓐᓈᕈᒫᕋᒃᑭᑦ, ᐃᓄᐃᓪᓗ ᓄᓇᓂᑦ ᐊᓯᖏᓐᓂᑦ ᐱᓯᒪᔪᑦ ᕿᒻᒥᕐᔪᐊᖏᑦ ᑕᐅᑐᒍᓐᓁᕐᑎᑦᓱᒫᕐᐸᒃᑲ. 5ᔫᑕᐅᑉ ᐊᐅᓚᑦᓯᔨᖏᑦ ᐆᒻᒪᑎᒥᒍᑦ ᐅᖃᕈᒫᕐᐳᑦ, ‘ᔨᕉᓴᓕᒻ ᐃᓄᖏᑦ ᓴᓐᖏᔪᐊᓘᕗᑦ, ᒎᑎᖃᕋᒥᒃ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.’
6“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.
7“ᐊᑕᓂᐅᑉ ᔫᑕᒥ ᐃᒡᓗᖃᕐᑐᑦ ᓯᕗᓪᓕᐅᓗᑎᒃ ᓴᐳᑎᔪᒫᕐᐰᑦ, ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᐅᓪᓗ ᐅᐱᓐᓇᕐᓂᕐᒥᖕᓄᑦ ᐊᖏᓂᕐᓴᐅᓇᓱᒋᖁᓇᒋᑦ ᔫᑕᒥ ᓄᓇᖃᕐᑐᓂᑦ. 8ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ. 9ᐅᓪᓗᕐᓗ ᑕᒪᓐᓇ ᓇᓪᓕᐅᑎᒃᐸᑦ ᓄᖑᕅᔭᕐᑐᕐᓗᖓ ᐃᖏᕐᕋᔪᒫᕐᐳᖓ, ᐃᓅᖃᑎᒋᒡᔪᐊᓂᒃ ᔨᕉᓴᓕᒥᒃ ᐅᓇᑕᕆᐊᕈᒪᔪᓂᒃ.
10 #
ᔪᐊᓇᓯ 19:37; ᑕᑯᑎ 1:7. #
ᒫᑎᐅᓯ 24:20; ᑕᑯᑎ 1:7. “ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ. 11ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥ ᐅᓄᕐᑐᒻᒪᕆᐊᓗᐃᑦ ᕿᐊᔪᒫᕐᐳᑦ, ᑍᒫᑦᓮᓐᓇᖅ ᕿᐊᔪᐊᓘᓚᐅᕐᓯᒪᖕᒪᑕ ᕼᐊᑖᑦ-ᕅᒨᓂ ᐱᓪᓗᒍ ᓇᕐᓴᒥ ᒥᒌᑐᒥ. 12ᓄᓇᓕᒫᖅ ᕿᒃᓵᒍᒫᕐᐳᖅ, ᑭᖑᕚᖑᖃᑎᒌᑦ ᐊᑐᓂᑦ ᕿᒃᓵᒍᒫᕐᐳᑦ; ᑍᕕᑎᐅᑉ ᑭᖑᕚᖏᑦ ᐃᓚᒌᑦ ᐃᓛᒃᑯᑦ ᓇᖕᒥᓂᖅ, ᓄᓕᐊᖏᓪᓗ ᐊᑐᓂᑦ, ᓁᑕᓂᐅᑉ ᑭᖑᕚᖏᑦ ᐃᓚᒌᑦ ᐃᓛᒃᑯᑦ, ᓄᓕᐊᖏᓪᓗ ᐃᓛᒃᑯᑦ; 13ᐃᓚᒌᑦ ᓕᕔᑉ ᑭᖑᕚᖏᑦ ᐃᓛᒃᑯᑦ, ᓄᓕᐊᖏᓪᓗ ᐃᓛᒃᑯᑦ; ᐃᓚᒌᑦ ᓯᒥᐂᑉ ᑭᖑᕚᖏᑦ ᐃᓛᒃᑯᑦ, ᓄᓕᐊᖏᓪᓗ ᐃᓛᒃᑯᑦ; 14ᐃᓚᒌᑦ ᑭᖑᕚᖑᖃᑎᒌᑦ ᐊᓯᖏᑦ ᐊᑐᓂᑦ ᐃᓛᒃᑯᑦ, ᓄᓕᐊᖏᓪᓗ ᐊᑐᓂᑦ ᐃᓚᒃᑯᑦ.”
Currently Selected:
ᓴᑲᕅᐊᐅᑉ ᐊᒡᓚᖏᑦ 12: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
