ᐃᓐᖏᕈᑎᑦ 115
115
ᒎᑎ ᒎᑎᑐᐊᖑᕗᖅ ᐅᒃᐱᕆᔭᒃᓴᑑᓪᓗᓂᓗ
1ᐅᕙᒎᖏᑦᑐᖅ ᐊᑕᓃᖅ, ᐅᕙᒎᖏᑦᑐᖅ,
ᐃᕝᕕᓪᓕ ᐊᑏᑦ ᓂᕐᑐᕐᑕᐅᓕ,
ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓃᓪᓗ ᐱᓪᓗᒋᑦ!
2ᓱᖕᒪᓪᓕ ᐃᓅᖃᑎᒌᒡᔪᐊᑦ ᐅᖃᕈᓐᓇᕐᐸᑦ,
“ᓇᐅᒡᓕ ᑖᒃᑯᐊ ᒎᑎᖓᑦ?”
3ᒎᑎᕗᓪᓕ ᕿᓚᖕᒦᑉᐳᖅ;
ᐱᓇᓱᐊᓲᖑᑦᓱᓂᓗ ᐱᓇᓱᐊᕈᒪᔭᒥᓂᒃ.
4 #
ᐃᓐᖏᕈᑦ 135:15-18; ᑕᑯᑎ 9:20. ᑖᒃᑯᐊᓕ ᒎᑎᓐᖑᐊᖏᑦ ᓴᓇᔭᐅᓯᒪᕗᑦ ᓯᐅᓪᕕᕆᒥᑦ ᒎᓗᒥᓪᓗ,
ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ.
5ᖃᓂᖃᕐᐳᑦ, ᐅᖃᕈᓐᓇᕋᑎᒡᓕ;
ᐃᔨᖃᕐᐳᑦ, ᑕᑯᔪᓐᓇᕋᑎᒡᓕ.
6ᓯᐅᑎᖃᕐᐳᑦ, ᑐᓴᕈᓐᓇᕋᑎᒡᓕ;
ᕿᖓᖃᕐᐳᑦ, ᓁᔪᓐᓇᕋᑎᒡᓕ.
7ᐊᒡᒐᖃᕐᐳᑦ, ᑎᒍᓯᔪᓐᓇᕋᑎᒡᓕ;
ᐃᑎᒐᖃᕐᐳᑦ, ᐱᓱᒍᓐᓇᕋᑎᒡᓕ;
ᑐᕐᓱᖏᓪᓗ ᓂᓪᓕᐊᔪᓐᓇᕋᑎᒃ.
8ᓴᓇᔪᕕᓃᑦ ᑖᒃᑯᓂᖓ ᐃᒻᒥᖕᓂᒃ ᐊᑦᔨᓕᐅᕐᓯᒪᕗᑦ;
ᑖᒃᑯᓂᖓᓗ ᑕᑎᖃᕐᑐᓕᒫᑦ ᑖᒃᑯᑎᑐᓇᖅ ᑍᒤᑦᑑᓕᕐᓱᑎᒃ.
9ᐃᓴᕆᐊᓕᑎᐅᔪᓯ, ᐊᑕᓂᖅ ᑕᑎᒋᓯᐅᒃ;
ᐃᑲᔪᕐᑎᒋᒐᑦᓯᐅᒃ ᓴᐴᓗᑕᕆᓪᓗᒍᓗ.
10ᐃᓕᑦᓯ ᐂᕉᓂᒃᑯᑦ ᑭᖑᕚᖏᑦ, ᐊᑕᓂᖅ ᑕᑎᒋᓯᐅᒃ;
ᐃᑲᔪᕐᑎᒋᒐᑦᓯᐅᒃ ᓴᐴᓗᑕᕆᓪᓗᒍᓗ.
11ᐃᓕᑦᓯ ᐊᑕᓂᕐᒥᒃ ᓯᕘᕋᔪᓯ, ᐊᑕᓂᖅ ᑕᑎᒋᓯᐅᒃ;
ᐃᑲᔪᕐᑎᒋᒐᑦᓯᐅᒃ ᓴᐴᓗᑕᕆᓪᓗᒍᓗ.
12ᐊᑕᓂᐅᑉ ᐃᖅᑲᐅᒪᒐᒥᑎᒍᑦ; ᓮᒻᒪᕐᑎᓐᓂᐊᕐᐹᑎᒍᑦ,
ᐃᓴᕆᐊᓕᑎᒃᑯᑦ ᑭᖑᕚᖏᑦ ᓮᒻᒪᕐᑎᓐᓂᐊᕐᐰᑦ;
ᐂᕉᓂᒃᑯᓪᓗ ᑭᖑᕚᖏᑦ ᓮᒻᒪᕐᑎᓐᓂᐊᕐᐰᑦ.
13 #
ᑕᑯᑎ 11:18; 19:5. ᐊᑕᓂᕐᒥᒃ ᓯᕘᕋᔪᑦ ᓮᒻᒪᕐᑎᓐᓂᐊᕐᐰᑦ, ᒥᑭᔪᑦ ᐊᖏᔪᓪᓗ.
14ᐊᑕᓂᐅᑉ ᐃᓄᒋᐊᒃᓯᕙᓪᓕᐊᑎᓪᓕᓯ, ᐃᓕᑦᓯ ᑭᖑᕚᓯᓗ.
15ᐊᑕᓂᕐᒧᑦ ᓮᒻᒪᕐᑎᑕᐅᒋᑦᓯ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒧᑦ!
16ᕿᓔᑦ, ᐊᑕᓂᐅᑉ ᐱᒋᕔᑦ; ᓄᓇᕐᔪᐊᕐᓕ ᐃᓄᖕᓄᑦ ᑐᓂᓚᐅᕐᐹ.
17ᑐᖁᖓᔪᑦ ᐊᑕᓂᕐᒥᒃ ᓂᕐᑐᐃᓐᖏᓚᑦ,
ᑕᐅᓄᓐᖓᓗ ᓂᐱᖃᖏᑦᑐᒧᐊᕐᑐᑦ ᓂᕐᑐᐃᖏᓐᓂᕗᑦ.
18ᐅᕙᒍᓪᓕ ᐊᑕᓂᖅ ᓂᕐᑐᕐᓂᐊᕐᐸᕗᑦ
ᒫᓐᓇᒥᑦ ᐱᒋᐊᕐᓗᑕ ᐃᓱᖃᖏᑦᑐᒧᑦ.
ᐊᑕᓂᖅ ᓂᕐᑐᕐᑕᐅᓕ!
Currently Selected:
ᐃᓐᖏᕈᑎᑦ 115: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
