ᒪᓚᑬᑉ ᐊᒡᓚᖏᑦ 2
2
1“ᒫᓐᓇᓕ ᑐᓂᕐᕈᓯᕐᑎᑦᓯᔨᐅᔪᓯ, ᐃᓕᑦᓯᓐᓄᑦ ᑕᒪᓐᓇ ᐱᖁᔭᕋ ᑐᕌᖓᕗᖅ. 2ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ. 3ᑕᑯᒋᑦ, ᑭᖑᕚᒃᓴᓯ ᐃᓂᕐᑎᕈᒫᕐᐸᒃᑲ, ᑮᓇᓯᓗ ᐊᓇᕐᒥᒃ ᒥᖑᐊᕐᓗᒋᑦ, ᑐᓂᕐᕈᑎᓯ ᐊᓇᖏᓐᓂᒃ, ᐊᓂᑎᓪᓗᓯᓗ ᓇᔪᒐᓐᓂᑦ. 4#ᒨᓯᓯ ᓯᑕᒪᖏᑦ 3:11-13.ᑕᕝᕙ ᖃᐅᔨᔪᒫᕐᐳᓯ ᐱᖁᔭᕋ ᑕᒪᓐᓇ ᐃᓕᑦᓯᓐᓄᑦ ᑐᓂᓯᒪᒐᒃᑯ, ᐊᖏᕈᑎᒋᓚᐅᕐᑕᕋ ᓕᕔᒧᑦ ᑲᔪᓯᖁᓪᓗᒍ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.
5 #
ᒨᓯᓯ ᓯᑕᒪᖏᑦ 25:12. “ᐊᖏᖃᑎᒌᒍᑎᒐ ᑖᑦᓱᒪᓃᒻᒪᑦ ᐃᓅᓯᖅ ᓮᒪᓇᕐᑐᖅ, ᑐᓂᓚᐅᕐᑕᕋ ᐅᕙᓐᓂᒃ ᓯᕘᕋᖁᓪᓗᒍ, ᐅᕙᓐᓂᒃ ᓯᕘᕋᓚᐅᕐᐳᑦ ᐃᓕᕋᓱᒡᓗᓂᓗ ᐊᑎᓐᓂᒃ. 6ᐱᖁᔧᑦ ᓱᓕᔪᑦ ᖃᓂᖓᓃᓚᐅᕐᐳᑦ, ᑕᒻᒪᕐᓂᕐᒥᒡᓗ ᖃᓂᖓᓂᑦ ᓇᓂᓯᕕᐅᓚᐅᓐᖏᓚᖅ. ᐱᓱᖃᑎᒋᓚᐅᕐᐹᖓ ᓮᒪᓇᕐᑐᒃᑯᑦ ᐃᓱᐊᕐᓂᒃᑯᓪᓗ, ᐅᓄᕐᑐᓂᒡᓗ ᐱᐅᖏᑦᑐᓕᓂᕐᒦᑦᑐᓂᒃ ᓴᖑᑎᑦᓯᓚᐅᕐᐳᖅ. 7ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.
8“ᐃᓕᑦᓯᓕ ᕿᒤᓯᒪᕗᓯ ᐊᖅᑯᒻᒥᒃ; ᐅᓄᕐᑐᓂᒡᓗ ᐹᓪᓚᒃᑎᑦᓯᓚᐅᕐᐳᓯ ᐊᔪᕆᕐᑐᐃᓂᑦᓯᒍᑦ; ᓕᕔᓪᓗ ᐊᖏᖃᑎᒌᒍᑎᖏᓐᓂᒃ ᓯᖁᒥᑦᓯᓯᒪᓪᓗᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. 9ᑍᒤᒻᒪᑦ ᓇᕐᕈᒋᔭᐅᓕᕐᑎᑉᐸᑦᓯ ᐃᓕᕋᒃᑯᓐᓇᕐᓯᑎᓪᓗᓯᓗ ᐃᓄᐃᑦ ᓯᕗᕌᓂ, ᐊᖅᑯᑎᒋᔭᐅᖁᔭᒃᑲ ᐊᑐᓚᐅᖏᓐᓇᑦᓯᐅᒃ ᐱᖁᔧᓪᓗ ᐃᓔᓐᓇᖏᓐᓂᒃ ᐊᔪᕆᕐᑐᐃᓚᐅᕋᑦᓯ.”
ᐃᓄᐃᑦ ᐊᓯᓐᓂᐊᕐᓂᖏᑦ ᒎᑎᒥᒃ
10ᐊᑕᐅᓯᕐᒥᒃ ᐊᑖᑕᖃᓐᖏᓚᒎᑦ? ᒎᑎᒧᑦ ᐊᑕᐅᓯᕐᒧᑦ ᐱᓐᖑᕐᑎᑕᐅᓯᒪᓐᖏᓚᒎᑦ? ᓱᖕᒪᓪᓕ ᐊᑭᕋᕐᑐᕐᓂᕐᒥᒃ ᐱᓇᓱᐊᑐᐃᓐᓇᕐᐱᑕ ᐃᓅᖃᑎᑦᑎᓐᓄᑦ, ᓯᕗᓕᑦᑕ ᐊᖏᕈᑎᒋᓚᐅᕐᑕᖓᓂᒃ ᓇᕐᕈᓇᕐᓯᑎᑦᓯᓪᓗᑕ? 11ᔫᑕ ᐱᓂᐊᕐᓂᕐᒥᒍᑦ ᑲᔪᓯᓯᒪᖏᒻᒪᑦ, ᓇᕐᕈᓇᕐᑐᓂᒡᓗ ᐱᓇᓱᐊᕐᓯᒪᕗᑦ ᐃᓴᕆᐊᓕᒥᐅᑦ ᔨᕉᓴᓕᒥᐅᓪᓗ; ᔫᑕ ᓇᕐᕈᓇᕐᓯᑎᑦᓯᓚᐅᕐᒪᑦ ᐊᑕᓂᐅᑉ ᐃᑦᔪᕐᓁᑦᑐᖁᑎᖏᓐᓂᒃ, ᐱᐅᒋᔭᖏᓐᓂᒡᓗ, ᓄᓕᐊᓂᒃᓯᒪᓪᓗᓂᓗ ᐅᖓᓯᒃᑐᒥᐅᑦ ᒎᑎᖏᑕ ᐸᓂᖓᓂᒃ. 12ᐊᑕᓂᐅᑉ ᐲᕐᓕᐅᒃ ᔧᑰᑉ ᑐᐱᖏᓐᓂᑦ ᐊᖑᑦ ᑍᓐᓇ ᑍᒤᓕᐅᕐᑐᖅ, ᐃᓚᒋᔭᐅᔪᓐᓃᕐᓕ ᐃᓱᒪᓕᐅᕐᑎᐅᔪᓐᓃᕐᓗᓂ, ᑐᓂᕐᕈᓯᖃᑦᑕᕈᓐᓃᕐᓗᓂᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓄᑦ!
13ᓱᓕᓗ ᐃᒫᒃ ᐱᓂᐊᕐᓂᖃᕆᕗᓯ: ᐊᑕᓂᐅᑉ ᑐᓂᕐᕈᓯᕐᕕᖓ ᖁᕝᕕᐅᕐᓂᕐᓄᑦ ᐅᓕᒃᐸᓯ, ᕿᐊᓂᑦᓯᓐᓄᑦ ᐅᒡᒍᐊᕐᓂᑦᓯᓐᓄᓪᓗ; ᑐᓂᕐᕈᑎᓯ ᐃᓚᓕᐅᕈᓐᓁᕐᒪᒋᑦ, ᖁᕕᐊᒋᔪᓐᓁᕐᓗᒋᓪᓗ ᐱᓂᐊᕐᓂᓯ. 14ᐊᐱᕆᒐᓗᐊᕐᐳᓯ, “ᓱᓇ ᐱᑦᔪᑎᒋᓪᓗᒍ?” ᐊᑕᓂᖅ ᖃᐅᔨᓚᐅᕐᒪᑦ ᓄᓕᐊᓪᓗ ᐃᓅᓱᒃᑑᑎᓪᓗᓯᒃ ᐊᖏᖃᑎᒌᓚᐅᕐᓂᑦᓯᓐᓂᒃ, ᑖᑦᓱᒪ ᐊᓯᐊᓄᐊᕐᓯᒪᒐᕕᑦ; ᑖᓐᓇ ᐊᕐᓇᖅ ᐂᑉᐸᕆᒐᓗᐊᕐᓗᒍ ᓄᓕᐊᕆᓪᓗᒍᓗ ᐊᖏᖃᑎᒌᖕᓂᒃᑯᑦ. 15ᒎᑎᐅᑉ ᓴᓇᓚᐅᓐᖏᓛᓰᒃ? ᐃᓅᓯᐅᓪᓗ ᐊᓂᕐᓂᖓᓂᒃ ᐱᑎᓪᓗᓯᒃ? ᖃᓄᕐᓗ ᐱᔪᒪᔭᖃᕐᐸ? ᑭᖑᕚᒃᓴᖃᖁᓪᓗᑎᑦ ᒎᑎᒥᒃ ᓈᓚᑦᓯᐊᕐᑐᓂᒃ. ᑍᒤᒻᒪᑦ ᓇᖕᒥᓂᖅ ᑲᒪᒋᑦᓯᐊᓕᕆᑦ, ᓇᓪᓕᐊᓪᓗ ᐊᑐᕐᓂᕐᓗᒃᑍᓕᓕ ᐃᓅᓱᖕᓂᕐᒥᓂᑦ ᓄᓕᐊᕆᔭᒥᓄᑦ. 16“ᐃᓴᕆᐊᓕᒥᐅᑦ ᐊᑕᓂᖓ ᒎᑎ ᐅᖃᕐᒪᑦ, ᐊᕕᑦᓯᓂᖅ ᐆᒥᒋᕙᕋ, ᐊᓐᓄᕌᒥᓄᑦ ᐅᓕᒃᓯᓂᐅᖕᒪᑦ ᐱᑦᓯᐊᖏᓐᓂᕐᒥᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᑍᒤᒻᒪᑦ ᓇᖕᒥᓂᖅ ᑲᒪᒋᑦᓯᐊᓕᕆᑦ ᐊᓯᓐᓂᐊᕐᓂᕐᒥᒃ ᐱᓇᓱᐊᖁᓇᒃ.”
ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᖃᒡᓕᕗᖅ
17ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”
Currently Selected:
ᒪᓚᑬᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
