ᓘᑲᓯᐅᑉ ᐊᒡᓚᖏᑦ 5
5
ᔩᓱᓯᐅᑉ ᕾᖁᔨᓂᖓ ᓯᕗᓪᓕᕐᐹᓂᒃ ᐃᓕᓐᓂᐊᕐᑎᒃᓴᒥᓂᒃ
ᒫᑎᐅᓯ 4:18-22; ᒫᑯᓯ 1:16-20
1 #
ᒫᑎᐅᓯ 13:1,2; ᒫᑯᓯ 3:9,10; 4:1. ᐅᓪᓗᐃᑦ ᐃᓚᖓᓐᓂᒃ ᔩᓱᓯ ᑕᓯᐅᑉ ᒋᓂᓴᕇᑎᐅᑉ ᓯᓈᓂ ᓇᖏᕐᑎᓪᓗᒍ, ᐃᓄᐃᑦ ᐃᓂᖃᕈᓐᓃᕐᑎᓕᕐᐹᑦ ᐃᒪᐅᑉ ᑭᒡᓕᖓᓂ, ᑐᓴᕈᒪᓪᓗᑎᒃ ᒎᑎᐅᑉ ᐅᖃᐅᓯᖏᓐᓂᒃ. 2ᐅᒥᐊᖕᓂᒃ ᒪᕐᕉᖕᓂᒃ ᑕᑯᒐᒥ ᓄᓇᒧᑦ ᑐᓚᒃᑑᖕᓂᒃ, ᐃᓄᖏᑦ ᐃᖃᓗᒃᓯᐅᕐᑏᑦ ᓄᓇᒧᑦ ᓂᐅᓪᓗᑎᒃ ᓄᓗᐊᒥᖕᓂᒃ ᐃᕐᕈᕐᑐᐃᓕᕐᑐᓂᒃ. 3ᔩᓱᓯ ᐅᒥᐊᑉ ᐂᑉᐸᖓᓄᑦ ᐃᑭᕗᖅ, ᓮᒨᓂᐅᑉ ᐅᒥᐊᖓᓄᑦ, ᐅᒥᐊᖅ ᓵᕕᒋᐊᒃᑲᓐᓂᖁᕚ, ᖄᖓᓄᑦ ᐃᖏᓪᓗᓂ ᐃᓄᐃᑦ ᐊᔪᕆᕐᑐᕐᐰᑦ ᐅᒥᐊᒥᑦ.
4ᐅᖃᓪᓚᒌᕋᒥ ᓮᒨᓂ ᐅᖃᐅᑎᕚ, “ᐃᑎᔪᒧᐊᕆᐊᑲᓐᓂᕐᓗᓯ ᐃᖃᓗᒃᓯᐅᖃᑎᑎᓪᓗ ᓄᓗᐊᓕᓚᐅᕆᑦᓯ ᐃᖃᓗᒐᓱᒃᓗᓯ.”
5 #
ᔪᐊᓇᓯ 21:3. ᓮᒨᓂᐅᑉ ᑭᐅᕚ, “ᐊᔪᕆᕐᑐᐃᔩ, ᐅᓐᓄᐊᓕᒫᖅ ᐃᖃᓗᒐᓱᓚᐅᕋᓗᐊᕐᐳᒍᑦ ᐃᖃᓗᓚᐅᕋᑕᓗ! ᐅᖃᐅᓰᓪᓕ ᒪᓕᒡᓗᒍ ᓄᓗᑦᔨᕐᓂᐊᕐᐳᖓ.” 6#ᔪᐊᓇᓯ 21:6.ᓄᓗᑦᔨᕋᒥᒃ; ᐅᓄᕐᑐᐊᓗᖕᓂᒃ ᐃᖃᓗᒃᐳᑦ, ᓄᓗᐊᖏᑦ ᐊᒡᓛᑦ ᐊᓕᖕᓂᐅᓴᓕᕐᓗᑎᒃ, 7ᐅᒥᐊᖑᖃᑎᑎᒃ ᓄᓗᕋᕐᐰᑦ ᐃᑲᔪᕆᐊᕐᑕᐅᔪᒪᓪᓗᑎᒃ. ᕾᖕᒪᑕ ᐅᒥᐊᒃ ᐊᑐᓂᑦ ᐅᓯᓕᕐᓱᕐᐹᑦ ᐅᓯᑦᑐᕐᓗᒋᒃ ᐅᒥᐊᖏᑦ ᑭᕕᓂᐅᓴᓕᕐᓗᑎᒃ. 8ᓮᒨᓂ ᐲᑦᑐᕉᓯ ᑕᒪᑐᒥᖓ ᑕᑯᒐᒥ, ᔩᓱᓯᐅᑉ ᓵᖓᓄᑦ ᓰᖅᑯᕐᐳᖅ, ᐅᖃᕐᓗᓂ, “ᕿᒪᓚᐅᓐᖓ ᐊᑕᓃᖅ ᐱᐅᖏᑦᑐᐊᓘᒐᒪ.”
9ᓮᒨᓂ ᐃᓚᒋᔭᓕᒫᖏᓪᓗ ᑲᒪᔪᐊᓘᕗᑦ, ᐃᖃᓗᒃᑕᑎᒃ ᐅᓄᕐᑐᐊᓘᓂᖏᑦ ᐱᑦᔪᑎᒋᓪᓗᒋᑦ; 10ᑍᒤᓚᐅᕆᕗᑦ ᐃᓚᒋᔭᖏᑦ ᔧᒥᓯ ᔪᐊᓇᓯᓗ, ᓯᐱᑎᐅᑉ ᐃᕐᓂᖏᒃ, ᔩᓱᓯᐅᑉ ᓮᒨᓂ ᐅᖃᐅᑎᕚ, “ᑲᑉᐱᐊᓱᖕᓇᒃ; ᒫᓐᓇᒥᑦ ᐱᒋᐊᕐᓗᑎᑦ ᐃᓄᖕᓂᒃ ᐃᖃᓗᒃᓯᐅᕐᑎᐅᓂᐊᓕᕐᐳᑎᑦ.”
11ᐅᒥᐊᑎᒃ ᑐᓚᒃᑎᓐᓇᒥᒋᑦ ᓄᓇᒧᑦ, ᓱᓇᓕᒫᑎᒃ ᐃᐸᕅᓐᓇᕐᓗᒋᑦ ᔩᓱᓯ ᒪᓕᓕᕐᐹᑦ.
ᔩᓱᓯᐅᑉ ᐋᖅᑭᒃᓯᓂᖓ ᐊᖑᒻᒥᒃ
ᒫᑎᐅᓯ 8:1-4; ᒫᑯᓯ 1:40-45
12ᓄᓇᓕᖕᓃᑎᓪᓗᒍ ᔩᓱᓯ, ᐊᖑᒻᒥᒃ ᕾᔪᖃᕐᐳᖅ ᑲᑉᐱᐊᒋᔭᐅᔪᒥᒃ ᐸᕐᑎᕐᑐᒥᒃ; ᑖᑦᓱᒪ ᔩᓱᓯ ᑕᑯᒐᒥᐅᒃ ᓵᖓᓄᑦ ᐹᒻᒪᒃᐳᖅ, ᕿᓄᕕᒋᓪᓗᒍᓗ, “ᐊᑕᓃᖅ ᐱᔪᒪᒍᕕᑦ, ᓴᓗᒻᒪᕈᓐᓇᕋᓗᐊᕐᐸᕐᒪ.”
13ᔩᓱᓯ ᐃᓴᒃᓗᓂ ᐊᒃᑐᕐᐹ, ᐅᖃᐅᑎᓪᓗᒍ, “ᐱᔪᒪᕗᖓ; ᓴᓗᒻᒪᓕᕆᑦ,” ᑕᕝᕔᓐᓇᖅ ᐸᕐᑎᕈᓐᓃᕐᐳᖅ. 14#ᒨᓯᓯ ᐱᖓᔪᖏᑦ 14:1-32.ᐃᓂᕐᑎᕐᐹ, ᑭᓇᑐᐃᓐᓇᕐᒧᑦ ᐅᖃᖁᓇᒍ; ᐅᖃᐅᑎᓪᓗᒍ, “ᑐᓂᕐᕈᓯᕐᑎᑦᓯᔨᒧᑦ ᐂᓕᕆᑦ ᖃᐅᔨᓴᕐᓂᐊᕐᒪᑎᑦ, ᑐᓂᕐᕈᑎᒃᓴᒥᒡᓗ ᐋᖅᑭᒃᑕᐅᓂᕐᓄᑦ ᑐᓂᕐᕈᓯᓗᑎᑦ, ᒨᓯᓯᐅᑉ ᐱᖁᔨᓂᖓ ᒪᓕᒡᓗᒍ, ᐃᓄᖕᓄᑦ ᖃᐅᔨᑦᔪᑕᐅᖁᓪᓗᒍ ᐋᖅᑭᒃᑕᐅᓂᕐᓂᒃ.”
15ᐊᖏᓂᕐᓴᒥᒡᓕ ᑐᓴᐅᒪᔭᐅᓕᕐᐳᖅ ᐅᖓᓯᒃᑐᒥᑦ ᐊᒡᓛᑦ; ᐃᓄᒐᓴᒡᔪᐊᓪᓗ ᐊᒥᓱᑦ ᕾᕗᑦ ᑐᓴᕈᒪᓪᓗᑎᒃ ᐋᖅᑭᒃᑕᐅᔪᒪᓪᓗᑎᒃᓗ ᐋᓐᓂᐊᒥᖕᓂᑦ. 16ᔩᓱᓯᓕ ᑖᒃᑯᓇᓐᖓᑦ ᕿᒪᕉᑎᕗᖅ ᐃᓄᖃᖏᑦᑐᒧᑦ ᑐᒃᓯᐊᕈᒪᓪᓗᓂ.
ᔩᓱᓯᐅᑉ ᐋᖅᑭᒃᓯᓂᖓ ᓄᑭᖃᖏᑦᑐᒥᒃ
ᒫᑎᐅᓯ 9:1-8; ᒫᑯᓯ 2:1-12
17ᐅᓪᓗᐃᑦ ᑖᒃᑯᐊ ᐃᓚᖓᓐᓂ, ᔩᓱᓯ ᐊᔪᕆᕐᑐᐃᑎᓪᓗᒍ, ᐹᕆᓯᑦ ᐱᖁᔭᓂᒡᓗ ᐃᓕᓮᔩᑦ ᑕᕝᕙᓃᖃᑕᐅᓚᐅᕆᕗᑦ, ᑕᕝᕗᓐᖓᕐᓯᒪᓪᓗᑎᒃ ᓄᓇᓕᖕᓂᑦ ᒐᓕᓕᐊᒦᑦᑐᓕᒫᓂᑦ, ᔫᑎᐊᒥᓪᓗ, ᔨᕉᓴᓕᒻᒥᓪᓗ; ᐊᑕᓂᐅᑉ ᐱᔪᓐᓇᕐᓂᖓ ᓇᔫᑎᖕᒪᑦ ᑖᑦᓱᒪᓂ, ᖃᓂᒪᔪᑦ ᐋᖅᑭᒃᑕᐅᓚᐅᕐᐳᑦ. 18ᐃᓄᐃᓪᓗ ᑕᕝᕗᓐᖓᐅᑦᔨᕗᑦ ᐊᖑᒻᒥᒃ ᓄᑭᖃᖏᑦᑐᒥᒃ ᐃᒡᓕᕐᒦᑎᓪᓗᒍ ᐊᑭᕋᕐᑕᐅᔪᒥᒃ, ᑖᓐᓇ ᐃᒡᓗᒧᑦ ᐃᑎᕈᒪᒐᓗᐊᕐᐹᑦ ᔩᓱᓯᒧᐊᕈᒪᓪᓗᒍ. 19ᐃᓄᒋᐊᓗᐊᕐᓂᖓᓄᓪᓕ ᐃᑎᕈᓐᓇᖏᓐᓇᒥᒃ, ᐃᒡᓘᑉ ᖄᖓᓄᐊᕈᑎᕚᑦ, ᐃᒡᓗ ᖁᓛᒍᑦ ᐊᖕᒪᕐᓗᒍ ᓂᖏᑎᑉᐹᑦ ᐃᓄᐃᑦ ᐊᑯᕐᖓᓐᓄᑦ, ᔩᓱᓯᐅᑉ ᓵᖓᓄᑦ. 20ᖃᐅᔨᒐᒥ ᑖᒃᑯᐊ ᐅᒃᐱᕐᓂᖃᕐᒪᑕ, ᐊᖑᑦ ᓇᓚᔪᖅ ᐅᖃᐅᑎᕚ, “ᐃᓚᓐᓈᒃ, ᐱᐅᖏᑦᑐᓕᓂᑎᑦ ᐃᓱᒪᒋᔭᐅᔪᓐᓁᕐᐳᑦ.”
21ᑕᕝᕙ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᐊᐱᕆᓕᕐᐳᑦ, ᐅᖃᕐᓗᑎᒃ, “ᓱᖕᒪᓄᓇ ᒎᑎᒥᒃ ᐅᖃᕐᓂᕐᓘᑎᖃᕐᐹ? ᒎᑎ ᑭᓯᒥ ᐱᐅᖏᑦᑐᓕᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᑐᑑᕗᖅ.”
22ᔩᓱᓯᐅᑉ ᐊᐱᕐᓲᑎᒋᔭᖏᑦ ᖃᐅᔨᒐᒥᒋᑦ ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐆᒻᒪᑎᑦᓯᓐᓂ ᐊᐱᕐᓲᑎᖃᕐᐱᓰ? 23ᓇᓪᓕᐊᑦ ᐱᔭᕆᐊᑭᓐᓂᕐᓴᐅᕚ ᐅᖃᕈᒪ, ‘ᐱᐅᖏᑦᑐᓕᓂᑎᑦ ᐃᓱᒪᒋᔭᐅᔪᓐᓁᕐᐳᑦ,’ ᐅᕝᕙᓘᓐᓃᑦ ᐅᖃᕈᒪ, ‘ᒪᑭᓪᓗᑎᑦ ᐱᓱᓕᕆᑦ?’ 24ᖃᐅᔨᖁᓪᓗᓯ ᐃᓅᑉ ᐃᕐᓂᖓ ᐱᔪᓐᓇᕐᓂᖃᕐᒪᑦ ᓄᓇᕐᔪᐊᕐᒥ ᐱᐅᖏᑦᑐᓕᓃᑦ ᐃᓱᒪᒋᔪᓐᓁᕐᓗᒋᑦ.” ᓄᑭᖃᖏᑦᑐᒧᑦ ᐅᖃᕐᐳᖅ, “ᐅᖃᐅᑎᕙᒋᑦ ᒪᑭᑦᑎᑦ, ᓇᓪᓚᖓᕖᑦ ᑎᒍᓗᒍ, ᐊᖏᕐᕋᓕᕆᑦ.”
25ᑕᕝᕔᓐᓇᖅ ᒪᑭᑉᐳᖅ ᐃᓄᐃᑦ ᑕᒃᑯᐊᓂ, ᓇᓚᕕᒋᔭᓂ ᑎᒍᓪᓗᒍ ᐊᖏᕐᕋᓕᕐᐳᖅ, ᒎᑎ ᓂᕐᑐᕐᓗᒍ. 26ᑕᕝᕙᓃᑦᑐᓕᒫᑦ ᑲᒪᒻᒪᕆᓕᕐᐳᑦ, ᑲᑉᐱᐊᓱᒡᓗᑎᒃ, ᒎᑎ ᓂᕐᑐᕐᓗᒍ ᐅᖃᕐᐳᑦ, “ᐅᓪᓗᒥ ᑕᑯᓚᐅᕐᓯᒪᓐᖏᑕᑦᑎᓐᓂᒃ ᑕᑯᕗᒍᑦ.”
ᔩᓱᓯᐅᑉ ᕾᖁᔨᓂᖓ ᓕᕔᒥᒃ
ᒫᑎᐅᓯ 9:9-13; ᒫᑯᓯ 2:13-17
27ᑕᒪᑐᒪ ᑭᖑᕐᖓᒍᑦ ᔩᓱᓯ ᐊᓂᕗᖅ, ᑕᑯᓪᓗᓂᓗ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖓᓂᒃ, ᓕᕔᒥᒃ ᐊᑎᓕᖕᒥᒃ, ᑮᓇᐅᔧᕐᑎᑦᓯᕕᖕᒥ ᐃᒃᓯᕙᔪᒥᒃ; ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.” 28ᓕᕔ ᓂᑯᕕᑉᐳᖅ, ᓱᓇᓕᒫᑦ ᕿᒪᒡᓗᒋᑦ, ᔩᓱᓯ ᒪᓕᒃᓴᕐᐹ.
29ᓕᕔ ᐃᒡᓗᒥᓂ ᓂᕆᕕᒡᔪᐊᕐᑎᑦᓯᕗᖅ ᔩᓱᓯ ᓂᕆᔭᕐᑐᖁᓪᓗᒍ; ᕉᒪᒥᐅᓪᓗ ᑮᓇᐅᔧᕐᑎᑦᓯᔨᖁᑎᖏᑦ ᐊᒥᓱᑦ, ᐃᓄᐃᓪᓗ ᐊᓯᖏᑦ ᑕᕝᕙᓂ ᓂᕆᔭᕐᑐᕐᓯᒪᕗᑦ. 30#ᓘᑲᓯ 15:1,2.ᐹᕆᓯᑦ ᐱᖁᔭᓂᒡᓗ ᐃᓕᓮᔩᑦ ᑕᕝᕙᓃᑦᑐᑦ ᔩᓱᓯᐅᑉ ᐃᓕᓐᓂᐊᕐᑎᖏᓐᓄᑦ ᓈᒻᒪᒃᓴᕋᑎᒃ ᐅᖃᕐᐳᑦ, “ᓱᖕᒪᑦ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ ᐱᐅᖏᑦᑐᓕᔪᓪᓗ ᓂᕆᖃᑎᒋᕕᓯᐅᒃ?”
31ᔩᓱᓯᐅᑉ ᑭᐅᕔᑦ, “ᐃᓄᐃᑦ ᐋᓐᓂᐊᖏᑦᑐᑦ ᐋᓐᓂᐊᓯᐅᑎᒥᑦ ᑲᒪᒋᔭᐅᔭᕆᐊᖃᓐᖏᓚᑦ, ᖃᓂᒪᔪᓪᓕ ᑭᓯᒥ; 32ᐃᓗᐊᕐᑐᑦ ᕾᖁᔭᕐᑐᕐᓯᒪᓐᖏᓚᒃᑲ, ᐱᐅᖏᑦᑐᓕᔪᓪᓕ ᕾᖁᔭᕐᑐᕐᐸᒃᑲ ᓵᒋᐊᖁᓪᓗᒋᑦ.”
ᔩᓱᓯᐅᑉ ᐊᔪᕆᕐᑐᐃᓂᖓ ᓂᕆᑦᑍᓕᓂᕐᒥᒃ
ᒫᑎᐅᓯ 9:14-17; ᒫᑯᓯ 2:18-22
33ᑖᒃᑯᐊ ᔩᓱᓯᒧᑦ ᐅᖃᕐᐳᑦ, “ᔪᐊᓇᓯᐅᑉ ᐃᓕᓐᓂᐊᕐᑎᖏᑦ ᓂᕆᑦᑍᓕᕙᒃᐳᑦ ᐊᑯᓔᑦᑐᒥᒃ ᑐᒃᓯᐊᕐᓗᑎᒃ, ᐹᕆᓯᓪᓗ ᐃᓕᓐᓂᐊᕐᑎᖏᑦ ᑍᒤᑉᐸᒃᑭᕗᑦ, ᐃᓕᓐᓂᐊᕐᑎᑎᓪᓕ ᓂᕆᕗᑦ ᐃᒥᕐᓗᑎᒡᓗ.”
34ᔩᓱᓯᐅᑉ ᐅᖃᐅᑎᕔᑦ, “ᑲᑎᑎᑕᐅᔪᓄᑦ ᓂᕆᔭᕐᑐᕐᓯᒪᔪᑦ ᓂᕆᑦᑍᓕᑎᑦᓱᓐᓇᕐᐱᓯᐅᒃ? ᐅᐃᒃᓴᖅ ᑕᕝᕙᓃᑦᑎᓪᓗᒍ? 35ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐅᐃᒃᓴᒥᒃ ᐊᕐᓵᕐᑕᐅᕕᖓᑦ, ᑕᕝᕙ ᑕᒪᓐᓇ ᓇᓪᓕᐅᑎᒃᐸᑦ ᓂᕆᑦᑍᓕᓕᕈᒫᕐᐳᑦ.”
36ᐊᑦᔨᐅᔪᒥᒃ ᐅᖃᐅᑎᕔᑦ: “ᐊᓕᒃᓯᔪᖃᕐᐸᓐᖏᓚᖅ ᐊᓐᓄᕌᒥᒃ ᓄᑖᒥᒃ, ᐊᓐᓄᕌᑐᖃᕐᒧᓪᓗ ᐃᓚᓕᐅᑎᓗᒍ; ᑍᒤᒃᑯᓂ, ᐊᓐᓄᕌᖅ ᓄᑖᖅ ᓱᕋᑐᐃᓐᓇᕐᓂᐊᕐᐹ, ᑖᓐᓇ ᐊᓐᓄᕌᑉ ᓄᑖᑉ ᐃᓚᖓ ᐊᓐᓄᕌᑐᖃᐅᑉ ᐊᑦᔨᒋᓕᕈᓐᓇᖏᒻᒪᒍ. 37ᐅᐂᓂᒥᒃ ᓄᑖᒥᒃ ᐃᒻᒥᕐᓱᐃᔪᖃᕐᐸᓐᖏᓚᖅ ᐅᒪᔪᕕᓂᐅᑉ ᐊᒥᖓᓄᑦ ᐅᐂᓂᖃᐅᑎᑐᖃᕐᓄᑦ; ᑍᒤᒃᑯᓂ, ᐊᒥᖅ ᐅᐂᓂᖃᐅᑎᑐᖃᖅ ᖄᕐᓂᐊᕐᐳᖅ, ᐅᐂᓂ ᑯᕕᓗᓂ, ᐅᐂᓂᖃᐅᑎᓗ ᐊᓯᕈᕐᑕᐅᒐᔭᕐᐳᖅ. 38ᐅᐂᓂᓕ ᓄᑖᖅ ᐊᒥᕐᒧᑦ ᓄᑖᒧᑦ ᐃᒻᒥᕐᓲᑎᔭᐅᔪᒃᓴᐅᕗᖅ. 39ᐅᐂᓂᑐᖃᕐᒥᒃ ᐱᕙᒃᑐᑦ ᓄᑖᒥᒃ ᐅᐂᓂᒥᒃ ᐱᔪᒪᕙᓐᖏᓚᑦ; ᐅᖃᕐᐸᒡᓗᑎᒃ, ‘ᐱᑐᖃᖅ ᒪᒪᕐᓂᕐᓴᐅᕗᖅ.’”
Currently Selected:
ᓘᑲᓯᐅᑉ ᐊᒡᓚᖏᑦ 5: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
