ᓘᑲᓯᐅᑉ ᐊᒡᓚᖏᑦ 24

ᔩᓱᓯᐅᑉ ᒪᑭᓐᓂᖓ

ᒫᑎᐅᓯ 28:1-10; ᒫᑯᓯ 16:1-8; ᔪᐊᓇᓯ 20:1-10

1ᐅᓪᓚᕌᕐᔪᒃᑯᑦ ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᕐᓁᑦ ᐃᓗᕕᕐᒧᐊᕐᐳᑦ, ᑎᐱᑦᓯᐊᕆᒃᓴᐅᑎᓂᒃ ᐊᑐᐃᓐᓇᕈᓚᐅᕐᑕᒥᖕᓂᒃ ᓇᒃᓴᕐᓗᑎᒃ. 2ᐃᓗᕕᐅᑉ ᒪᑐᖓ ᐅᔭᕌᓗᒃ ᐊᒃᓴᑲᕐᑎᑕᕕᓂᖅ ᑕᑯᕚᑦ, 3ᐃᓗᐊᓄᑦ ᐃᑎᕋᒥᒃ ᐊᑕᓂᐅᑉ ᔩᓱᓯᐅᑉ ᑎᒥᖓ ᑕᑯᓐᖏᓛᑦ. 4ᑕᕝᕙᓂ ᓇᓗᓕᐅᖅᑲᑎᓪᓗᒋᑦ, ᑕᑯᒋᑦ, ᓇᖏᖃᑎᖃᓕᕐᐳᑦ ᐊᖑᑏᖕᓂᒃ ᒪᕐᕉᖕᓂᒃ ᖃᐅᒪᔪᓂᒃ ᕿᓪᓕᕐᑐᓂᒃ ᐊᓐᓄᕌᓖᖕᓂᒃ. 5ᑲᑉᐱᐊᓱᖕᓂᕐᒧᑦ ᓄᓇᒧᑦ ᐹᒻᒪᒃᐳᑦ, ᑖᒃᑯᓇᖓ ᐅᖃᐅᑦᔭᐅᕗᑦ, “ᓱᖕᒪᑦ ᒪᑭᓯᒪᔪᖅ ᑐᖁᖓᔪᓂ ᕿᓂᕐᐱᓯᐅᒃ? 6#ᒫᑎᐅᓯ 16:21; 17:22,23; 20:18,19; ᒫᑯᓯ 8:31; 9:31; 10:33,34; ᓘᑲᓯ 9:22; 18:31-33.ᑕᒫᓃᓐᖏᓚᖅ ᒪᑭᓯᒪᕗᖅ. ᐃᖅᑬᓕᕆᑦᓯ ᐅᖃᐅᑎᓚᐅᕐᒪᓯ, ᒐᓕᓕᐊᒦᓪᓗᓂ ᓱᓕ, 7‘ᐃᓅᑉ ᐃᕐᓂᖓ ᑐᓂᔭᐅᔭᕆᐊᖃᕐᐳᖅ ᐊᔪᕐᑐᓕᔪᓄᑦ, ᑭᑭᐊᒃᑐᕐᑕᐅᓗᓂᓗ, ᐅᓪᓗᐃᓪᓗ ᐱᖓᔪᐊᓐᓂ ᒪᑭᓛᕆᕗᖅ.’”

8ᐊᕐᓁᑦ ᐃᖅᑬᓕᕐᐳᑦ ᐅᖃᐅᓯᖏᓐᓂᒃ, 9ᐃᓗᕕᕐᒥᑦ ᐅᑎᕋᒥᒃ ᑕᒪᒃᑯᐊᓕᒫᑦ ᐅᖃᐅᓯᕆᕔᑦ 11ᓄᑦ ᐃᓕᓐᓂᐊᕐᑎᓄᑦ ᐊᓯᓕᒫᖏᓄᓪᓗ. 10ᐊᕐᓁᑦ ᐅᑯᐊᖑᓚᐅᕐᐳᑦ ᒥᐊᕆ ᒫᒃᑕᓖᓂ, ᔪᐊᓇᓗ, ᒥᐊᕆᓗ ᔧᒥᓯᐅᑉ ᐊᓈᓇᖓ; ᐊᕐᓇᓂᒃ ᐊᓯᒥᖕᓂᒃ ᐃᓚᖃᕐᓗᑎᒃ ᐅᓂᒃᑳᓚᐅᕐᐳᑦ ᐋᐴᓯᑕᓕᖕᓄᑦ; 11ᑖᒃᑯᐊ ᐅᖃᐅᓯᓐᖑᐊᑐᐃᓐᓇᐅᔪᕆᒃᓯᕗᑦ, ᐅᒃᐱᕈᓱᒐᑎᒃ ᑖᒃᑯᓂᖓ. 12ᐲᑦᑐᕉᓯᓕ ᓂᑯᕕᓪᓗᓂ ᐃᓗᕕᕐᒧᑦ ᐅᓪᓚᒃᓯᕗᖅ, ᐃᓗᐊᓄᑦ ᐃᑦᓱᐊᕋᒥ, ᑕᑯᕗᖅ ᖃᓪᓗᓈᕐᑕᑦ ᐃᒻᒧᑎᕕᓃᑦ ᑖᒃᑯᐊᑐᐊᑦ ᑕᕝᕙᓃᑦᑐᑦ, ᐅᑎᕐᓗᓂᓗ, ᐃᓱᒪᒃᓴᕐᓯᐅᓕᕐᐳᖅ ᖃᓄᐊᓗᒃ ᑕᒪᒃᑯᐊ ᐱᓐᓂᕐᒪᖔᑕ.

ᓄᓇᓕᖕᓄᑦ ᐃᒤᐊᓯᒧᑦ ᐱᓱᖃᑎᒌᒃᑐᑦ

ᒫᑯᓯ 16:12-13

13ᐅᓪᓗᒥ ᑍᑦᓱᒪᓂᑦᓮᓐᓇᖅ ᒪᕐᕉᒃ ᔩᓱᓯᐅᑉ ᒪᓕᒃᑎᖏᒃ ᐱᓱᓚᐅᕐᐴᒃ ᓄᓇᓕᖕᓄᑦ ᐃᒤᐊᓯᒧᑦ, ᐃᒻᒪᖄ 7ᒤᓕᒥᒃ ᐅᖓᓯᖕᓂᖃᕐᑐᒧᑦ ᔨᕉᓴᓕᒻᒥᑦ, 14ᑖᒃᑯᐊᒃ ᐅᖃᖃᑎᒌᒃᐴᒃ ᐅᖃᐅᓯᖃᕐᓗᑎᒃ ᐱᓂᐊᕐᓂᐅᓚᐅᕐᑐᓂᒃ ᑕᒤᓐᓂᒃ. 15ᐅᖃᖃᑎᒌᒃᑎᓪᓗᒋᒃ ᓱᓕ, ᔩᓱᓯ ᓇᖕᒥᓂᖅ ᐅᐸᒍᑎᕗᖅ ᑖᒃᑯᖕᓄᖓ ᐱᓱᖃᑎᒋᓕᕐᓗᒋᒃ. 16ᑖᒃᑯᐊᒃ ᑖᑦᓱᒥᖓ ᐃᓕᑕᕐᓯᔪᓐᓇᕐᑎᑕᐅᓚᐅᓐᖏᓛᒃ. 17ᔩᓱᓯᐅᑉ ᐅᖃᐅᑎᕚᒃ, “ᓱᓇᒥᒃ ᐅᖃᖃᑎᒌᒍᑎᖃᕐᐱᓯᒃ ᐱᓱᒃᑎᓪᓗᓯᒃ?”

ᑖᒃᑯᐊᒃ ᓄᖅᑲᕐᐴᒃ, ᕿᒃᓵᒡᓗᑎᒃ. 18ᐂᑉᐸᖓᑕ ᑭᓕᐅᐹᓯᒥᒃ ᐊᑎᓕᐅᑉ, ᑭᐅᕚ, “ᐃᕝᕕᑐᐊᖅ ᔨᕉᓴᓕᒻᒧᐊᕐᓯᒪᔪᓂᑦ ᐅᓪᓗᓂ ᑕᒪᒃᑯᓇᓂ ᐱᔪᖃᓚᐅᕐᑐᒥᒃ ᖃᐅᔨᒪᖏᑦᑐᑑᕖᑦ?”

19ᔩᓱᓯᐅᑉ ᐊᐱᕆᕚ, “ᓱᓇᒥᒃ ᐱᔪᖃᓚᐅᕐᒪᑦ?”

ᑖᒃᑯᐊᒃ ᐅᖃᕐᐴᒃ, “ᔩᓱᓯ ᓈᓴᕇᑎᒥᐅᖅ ᐱᓪᓗᒍ, ᑖᓐᓇ ᓇᓚᐅᑦᑍᔪᓚᐅᕐᐳᖅ ᐱᔪᓐᓇᕐᓂᖃᕐᓗᓂ ᐱᓂᐊᕐᓂᕐᒥᒍᑦ ᐅᖃᐅᓯᕐᒥᒍᓪᓗ ᒎᑎᐅᑉ ᐃᓄᐃᓪᓗ ᓵᖓᓂ. 20ᑐᓂᕐᕈᓯᕐᑎᑦᓯᔨᑦᑕ ᐊᖓᔪᖅᑳᖏᑦᑕ ᐊᐅᓚᑦᓯᔨᑦᑕᓗ ᐱᔭᐅᑎᓚᐅᕐᐹᑦ ᑐᖁᑕᐅᖁᓪᓗᒍ, ᑭᑭᐊᒃᑐᕐᑕᐅᓚᐅᕐᐳᖅ ᓴᓐᓂᖓᔪᓕᖕᒧᑦ. 21ᐅᕙᒍᓪᓕ ᓂᕆᐅᓚᐅᕐᐳᒍᑦ ᑖᑦᓱᒧᖓ ᐃᓴᕆᐊᓕᒥᐅᑦ ᐅᖁᒤᒃᓴᕈᓐᓃᕐᑎᑕᐅᓂᐊᕋᓱᒋᓪᓗᒋᑦ. ᑍᒪᓐᖓᓪᓕ ᒫᓐᓇ ᐅᓪᓗᑦ ᐱᖓᔪᒋᓕᕐᐹᑦ ᑍᒤᓕᐅᕐᑕᐅᓚᐅᕐᑎᓪᓗᒍ. 22ᐊᒻᒪᑦᑕᐅᖅ, ᐊᕐᓁᑦ ᐃᓚᒋᔭᑦᑕ ᖁᐊᕐᓵᕐᑎᖅᑲᐅᕚᑎᒍᑦ, ᐅᓪᓛᖅ ᖃᐅᒻᒪᓕᕐᑎᓪᓗᒍ ᐃᓗᕕᕐᒧᐊᕋᒥᒃ; 23ᑎᒥᖓᓂᒃ ᑕᑯᖅᑲᐅᖏᒻᒪᑕ; ᐅᑎᕋᒥᒃ ᐅᓂᒃᑳᖅᑲᐅᕗᑦ ᐂᖏᓕᒥᒃ ᑕᑯᑎᑕᐅᓂᕋᕐᓗᑎᒃ, ᐅᖃᐅᑦᔭᐅᓂᕋᕐᓗᑎᒡᓗ ᔩᓱᓯ ᒪᑭᓯᒪᓂᕋᕐᑕᐅᑎᓪᓗᒍ. 24ᐃᓚᒋᔭᑦᑕ ᐃᓚᖏᑦ ᐃᓗᕕᕐᒧᐊᓚᐅᕐᐳᑦ ᑕᑯᓪᓗᑎᒃ ᐊᕐᓁᑦ ᐅᓂᒃᑲᐅᓯᕆᖅᑲᐅᔭᖏᑎᑐᑦ ᑍᒫᓪᓗᐊᖅ, ᑭᓯᐊᓂᓕ ᔩᓱᓯᒥᒃ ᑕᑯᓇᑎᒃ.”

25ᔩᓱᓯᐅᑉ ᐅᖃᐅᑎᕚᒃ, “ᓯᓔᑦᑐᐊᓘᔪᓯᒃ, ᐅᒃᐱᕈᓱᓕᕈᓐᓇᖏᑦᑐᓯᒡᓗ ᓇᓚᐅᑍᔪᑦ ᐅᖃᐅᓯᕆᓯᒪᔭᖏᓐᓂᒃ! 26ᖃᐅᔨᒪᓐᖏᓚᓰᒃ ᙭ᔅᑑᓯ ᑍᒫᒃ ᐃᓗᖏᕐᓱᕐᑎᑕᐅᓂᒃᑯᑦ ᐃᓂᖁᓇᕐᓂᕐᔪᐊᕐᒧᑦ ᐱᑎᑕᐅᔪᒃᓴᐅᓂᖓᓃᒃ?” 27ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

28ᓄᓇᓕᖕᓄᑦ ᐅᐸᒃᑕᒥᖕᓄᑦ ᑎᑭᓕᕋᒥᒃ, ᔩᓱᓯ ᖄᖏᐅᑎᓂᐊᕐᑑᔮᓕᕐᐳᖅ, 29ᑖᒃᑯᐊᒃ ᓄᖅᑲᖁᔨᓕᕐᐴᒃ, ᐅᖃᐅᑎᓪᓗᒍ, “ᐅᕙᑦᑎᓐᓃᓚᐅᕆᑦ, ᐅᓐᓄᓕᓕᕐᒪᑦ ᑖᕐᓯᕙᓪᓕᐊᓕᕐᓗᓂ.” ᔩᓱᓯᐅᑉ ᐃᒡᓗᒧᐊᖃᑎᒋᕚᒃ ᑖᒃᑯᓇᓃᓕᕐᓗᓂ. 30ᐃᖏᑉᐳᖅ ᓂᕆᖃᑎᒋᓂᐊᕐᓗᒋᒃ, ᓂᐊᖂᔭᖅ ᑎᒍᕚ, ᖁᔭᓕᓪᓗᓂ, ᐊᕕᒃᐹ, ᑖᒃᑯᖕᓄᖓ ᑐᓂᓪᓗᒍ. 31ᐃᔨᖏᒃ ᑕᕝᕙ ᑕᑯᑎᑕᐅᓕᕐᐴᒃ ᐃᓕᑕᕆᓪᓗᒍᓗ; ᔩᓱᓯᓕ ᑕᕝᕙᓐᖓᑦ ᑕᑯᒃᓴᐅᔪᓐᓃᕐᐳᖅ. 32ᑖᒃᑯᐊᒃ ᐃᒻᒥᖕᓄᑦ ᐅᖃᓕᕐᐴᒃ, “ᐆᓇᕐᓯᔪᐊᓘᖅᑲᐅᒐᓗᐊᕐᐳᒍᒃ ᐃᓗᑦᑎᖕᓂ ᐅᖃᓪᓚᒃᑎᓪᓗᒍ ᐊᖅᑯᑎᒃᑰᕐᑎᓪᓗᑕ, ᐊᒡᓚᖕᓂᒃ ᐅᖃᕐᕕᒋᖕᒪᑎᒃᑯᒃ ᓇᓗᓁᕐᓯᕕᒋᓪᓗᓄᒡᓗ.”

33ᑖᒃᑯᐊᒃ ᓇᖏᕐᓯᕘᒃ, ᑕᕝᕔᓐᓇᖅ ᔨᕉᓴᓕᒻᒧᑦ ᐅᑎᓕᕐᓗᑎᒃ; ᐃᓕᓐᓂᐊᕐᑎᑦ 11 ᐅᐸᒃᐰᑦ ᐃᓚᒋᔭᖏᓪᓗ ᑲᑎᒪᔪᑦ. 34ᑖᒃᑯᐊᒃ ᐅᖃᕐᐴᒃ, “ᐊᑕᓂᖅ ᐃᓛᒃ ᓱᓕᔪᒥᒃ ᒪᑭᓯᒪᕗᒃ, ᓮᒨᓂᒧᑦ ᓴᖅᑭᓚᐅᕐᑐᖅ!”

35ᑕᕝᕙ ᐊᖑᑏᒃ ᐅᓂᒃᑳᓕᕐᐴᒃ ᐊᖅᑯᑎᒥ ᖃᓄᐃᓐᓂᕆᖅᑲᐅᔭᒥᖕᓂᒃ, ᖃᓄᕐᓗ ᐊᑕᓂᕐᒥᒃ ᐃᓕᑕᕐᓯᓂᕆᖅᑲᐅᔭᒥᖕᓂᒃ, ᓂᐊᖂᔭᒥᒃ ᐊᕕᒃᓯᓕᕐᑎᓪᓗᒍ.

ᔩᓱᓯᐅᑉ ᓴᖅᑭᓐᓂᖓ ᐃᓕᓐᓂᐊᕐᑎᒥᓄᑦ

ᒫᑎᐅᓯ 28:16-20; ᒫᑯᓯ 16:14-18; ᔪᐊᓇᓯ 20:19-23; ᐋᐴᓯᑕᓖᑦ 1:6-8

36ᑖᒃᑯᐊᒃ ᐅᓂᒃᑳᕐᑎᓪᓗᒋᒃ ᓱᓕ ᑕᒪᑐᒥᖓ, ᐊᑕᓂᖅ ᓇᖕᒥᓂᖅ ᐊᑯᓐᓂᖓᓐᓂ ᓇᖏᓕᕐᐳᖅ ᐅᖃᕐᓗᓂ, “ᓮᒪᓂᖃᕆᑦᓯ.” 37ᑖᒃᑯᐊᓕ ᖁᐊᕐᓵᖓᓕᕐᐳᑦ ᑲᑉᐱᐊᓱᒃᓗᑎᒃ, ᑑᕐᖓᕐᒥᒃ ᑕᑯᓇᓱᒋᓪᓗᑎᒃ. 38ᔩᓱᓯᐅᑉ ᐅᖃᐅᑎᕔᑦ, “ᓱᖕᒪᑦ ᖁᐊᕐᓵᖓᕕᓯ ᓱᖕᒪᓪᓗ ᖁᓚᕐᓂᖃᕐᐱᓰ ᐆᒻᒪᑎᑦᓯᓐᓂ? 39ᐊᒡᒐᒃᑲ ᑕᑯᓕᕐᓯᐅᒃ ᐃᑎᒐᒃᑲᓗ, ᐅᕙᖓᓪᓚᕆᐅᕗᖓ; ᐊᒃᑐᓕᕐᓯᓐᖓ, ᖃᐅᔨᓕᕆᑦᓯ ᐊᓂᕐᓂᑐᐃᓐᓇᖅ ᐅᕕᓂᖃᕋᓂᓗ ᓴᐅᓂᖃᖏᒻᒪᑦ ᑕᑯᕗᓯᓕ ᐅᕕᓂᖃᕐᓗᖓᓗ ᓴᐅᓂᖃᕋᒪ.”

40ᑍᒫᒃ ᐅᖃᕇᕋᒥ, ᐊᒡᒐᒥᓂᒃ ᐃᑎᒐᒥᓂᒡᓗ ᕿᒥᕐᕈᑎᑉᐰᑦ. 41ᓱᓕ ᐅᒃᐱᕈᓱᖏᒻᒪᑕ ᖁᕕᐊᓱᓗᐊᕐᓂᕐᒧᑦ, ᑲᒪᓂᕐᒧᓪᓗ; ᔩᓱᓯᐅᑉ ᐅᖃᐅᑎᕔᑦ, “ᐅᕙᓂ ᓂᕆᔭᒃᓴᖃᕐᐱᓰ?” 42ᐃᖃᓗᖕᒥᒃ ᐆᓯᒪᔪᒥᒃ ᑐᓂᓯᕕᒋᕚᑦ, 43ᑎᒍᓪᓗᒍ ᓂᕆᕚ ᑕᒃᑯᐊᓐᓂ.

44ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

45ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ, 46ᐅᖃᐅᑎᓪᓗᒋᑦ, “ᐃᒫᒃ ᑕᕝᕙ ᑎᑎᕋᕐᓯᒪᕗᖅ, ᙭ᔅᑑᓯ ᐋᓐᓂᐊᑎᑕᐅᔭᕆᐊᖃᕐᐳᖅ ᐅᓪᓗᐃᓪᓗ ᐱᖓᔪᐊᓐᓂ ᒪᑭᑦᓴᕆᐊᖃᕐᐳᖅ ᑐᖁᖓᔪᓂᑦ, 47᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ. 48ᐃᓕᑦᓯ ᑕᕝᕙ ᑕᒪᒃᑯᓂᖓ ᖃᐅᔨᓯᒪᔪᖁᑎᒋᕙᑦᓯ. 49#ᐋᐴᓯᑕᓖᑦ 1:4.ᑕᑯᒋᑦ, ᓇᖕᒥᓂᖅ ᑎᓕᓯᕕᒋᓂᐊᕐᐸᑦᓯ ᐊᑖᑕᒪ ᐊᖏᕈᑎᒋᓯᒪᔭᖓᓂᒃ; ᐃᓕᑦᓯᓕ ᔨᕉᓴᓕᒻᒥ ᐅᑕᖅᑭᔭᕆᐊᖃᕐᐳᓯ, ᐱᔪᓐᓇᕐᓂᕐᒥᒃ ᕿᓚᖕᒥᑦ ᑐᓂᓯᕕᐅᖏᓐᓂᑦᓯᓐᓂ.”

ᔩᓱᓯᐅᑉ ᕿᓚᓕᐊᕐᓂᖓ

ᒫᑯᓯ 16:19-20; ᐋᐴᓯᑕᓖᑦ 1:9-11

50 # ᐋᐴᓯᑕᓖᑦ 1:9-11. ᐃᒡᓗᒐᓴᒡᔪᐊᓂᓪᓗ ᐊᐅᓪᓚᕈᑎᕔᑦ ᐱᑕᓂᒧᑦ ᑎᑭᓪᓗᑎᒃ, ᐃᓵᒡᕕᒋᓪᓗᒋᓪᓗ ᓮᒻᒪᕐᑎᑉᐰᑦ. 51ᓮᒻᒪᕐᑎᒌᑐᐊᕋᒥᒋᑦ, ᕿᒪᓕᕐᐰᑦ ᕿᓚᓕᐊᕐᑎᑕᐅᓕᕐᓗᓂᓗ. 52ᑖᒃᑯᐊᓗ ᔨᕉᓴᓕᒻᒧᑦ ᐅᑎᕐᐳᑦ ᖁᕕᐊᓱᒻᒪᕆᒡᓗᑎᒃ. 53ᑍᒪᓐᖓᓪ ᑐᒃᓯᐊᕐᕕᒡᔪᐊᒦᑉᐳᑦ ᒎᑎ ᓂᕐᑐᕐᓗᒍ.

Currently Selected:

ᓘᑲᓯᐅᑉ ᐊᒡᓚᖏᑦ 24: EAIB

Highlight

Copy