ᕼᐆᓯᐊᑉ ᐊᒡᓚᖏᑦ 13

ᐃᓴᕆᐊᓕᒧᑦ ᐃᖅᑲᖅᑐᐃᓃᑦ ᑭᖑᓪᓕᖅᐹᑦ

1ᐃᕗᕅᒥ ᐅᖃᓪᓚᓕᕐᖕᒪᑦ ᐃᓄᐃᑦ ᓴᔪᒃᐳᑦ; ᐃᒻᒥᓂᒃ ᐊᖏᒡᓕᑎᓚᐅᖅᐳᖅ ᐃᓴᕆᐊᓕᒥ; ᐸᓯᔭᒃᓴᐅᓕᓚᐅᖅᐳᕐᓕ ᐰᓕᒧᑦ ᑐᒃᓯᐊᕋᒥ, ᑐᖁᓪᓗᓂᓗ. 2ᒫᓐᓇᓗ ᐊᔪᖅᑐᓕᕙᓪᓕᐊᑐᐃᓐᓇᖅᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᖅᐳᑦ ᑕᑯᒥᓇᖅᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᖅᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᖅᐳᑦ, “ᑐᓂᕐᕈᓯᖅᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!” 3ᑍᒤᒻᒪᑦ ᐊᑦᔨᖃᕈᒫᖅᐳᑦ ᐅᓪᓛᒥ ᐳᔪᖅᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᖅᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᖅᑐᑎᑐᑦ ᐃᒐᓛᒃᑯᑦ. 4“ᐅᕙᖓᐅᕗᖓ ᐊᑕᓂᖅ ᒎᑏᑦ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᖅᑎᑦᓯᓚᐅᖅᑐᖅ; ᐊᓯᓐᓂᒃ ᒎᑎᒥᒃ ᖃᐅᔨᓂᐊᓐᖏᓚᑎᑦ, ᐊᓯᓐᓂᒡᓗ ᐱᐅᓕᔨᑕᖃᕐᖕᓇᓂ. 5#ᒨᓯᓯ ᑕᓪᓕᒪᖏᑦ 8:11-17.ᑲᑎᒪᓚᐅᖅᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ. 6ᓄᓇᒧᓪᓕ ᓂᕿᒃᓴᖃᑦᓯᐊᖅᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᖅᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᖅᐳᑦ; ᑍᒤᒻᒪᑦ ᐳᐃᒍᓚᐅᖅᐹᖓ. 7ᑍᒤᒻᒪᑦ ᑖᒃᑯᓄᖓ ᓛᔭᑎᑑᕐᖕᓂᐊᓕᖅᐳᖓ, ᓕᐸᕐᑎᑐᑦ ᑎᖅᓕᐊᖅᓯᓂᐊᖅᐳᖓ ᐊᖅᑯᑎᖏᓐᓂ. 8ᐅᐸᖕᓂᐊᖅᐸᒃᑲ ᓇᓄᖅᑎᑐᑦ ᓂᕕᐅᖅᑐᑎᑐᑦ ᐊᑎᖅᑕᒥᓂᒃ, ᐊᓕᒃᑐᖅᓗᒋᑦ ᐃᓯᕕᓐᓂᐊᖅᐸᒃᑲ ᖃᑎᒐᖏᑦ, ᑕᕝᕙᓂᓗ ᓂᕆᓂᐊᖅᐸᒃᑲ ᓛᔭᑎᑐᑦ, ᐃᖅᓯᓇᖅᑐᓄᑦ ᐆᒪᔪᓄᑦ ᓱᕋᒃᑎᖅᑕᐅᒐᔭᕐᖕᓂᖏᑎᑐᑦ.

9“ᐃᓴᕆᐊᓖ, ᐊᓯᕈᕐᖕᓂᐊᖅᐸᒋᑦ; ᑭᓇᒧᑦ ᐃᑲᔪᖅᑕᐅᓂᐊᖅᐲᑦ? 10#ᓴᒧᐃᓕ ᓯᕗᓪᓖᑦ 8:5,6.ᐊᓯᓐᓂᒃ ᐊᖓᔪᖅᑳᕐᔪᐊᖅᑕᖃᖅᐸᑦ, ᐃᓕᑦᓯᓐᓂᒃ ᐱᐅᓕᒃᓯᔪᓐᓇᖅᐹ? ᐊᖓᔪᖅᑳᖁᑎᓯᓕ ᓇᐅᒃ, ᐃᓕᑦᓯᓐᓂᒃ ᓴᐳᓐᓂᐊᕐᖕᓂᐊᖅᑐᑦ? ᑖᒃᑯᓄᖓ ᐅᖃᓚᐅᕋᑦᓯ ‘ᐊᖓᔪᖅᑳᕐᔪᐊᒥᒃ ᐊᖓᔪᖅᑳᖁᑎᖏᓐᓂᒡᓗ ᑐᓂᓯᕕᒋᓚᐅᖅᑎᒍᑦ’? 11#ᓴᒧᐃᓕ ᓯᕗᓪᓖᑦ 10:17-24; ᓴᒧᐃᓕ ᓯᕗᓪᓖᑦ 15:26.ᐊᖓᔪᖅᑳᕐᔪᐊᓂᒃ ᓂᓐᖓᒃᓗᖓ ᑐᓂᓯᕕᒋᓚᐅᖅᐸᑦᓯ, ᐲᖅᑎᓕᖅᐸᒃᑲᓗ ᓂᓐᖓᐅᓯᒃᑯᑦ.

12“ᐃᕗᕅᒥᐅᑉ ᐱᐅᖏᑦᑐᓕᓂᖏᑦ ᕿᓚᒃᓱᖅᑕᐅᓯᒪᕗᑦ, ᐊᔪᕐᖕᓂᖏᓪᓗ ᑐᖅᑯᖅᑕᐅᓯᒪᓪᓗᑎᒃ ᐃᓕᔭᐅᓯᒪᕗᑦ. 13ᐊᕐᖕᓇᐅᑉ ᐃᕐᖕᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᖕᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᖕᒥᑦ ᐊᓂᕕᖓᓄᐊᕋᓱᐊᓐᖏᓚᖅ. 14#1 ᑯᕆᓐᑎ 15:55.ᐊᑭᓕᖅᑕᒃᓴᕆᕙᒃᑳ ᑐᖁᖓᔪᑦ ᐃᓂᖏᑕ ᐱᔪᓐᓇᕐᖕᓂᖏᓐᓂᑦ? ᐅᑎᖅᑎᑕᒃᓴᕆᕙᒃᑲᓘ ᑐᖁᒥᑦ? ᑐᖂ ᐋᓐᓂᐊᑎᑦᓯᓃᑦ ᓇᐅᒃ? ᑐᖁᖓᔪᑦ ᐃᓂᖏᑕ ᐊᓯᕈᖅᓯᓃᑦ ᓇᐅᒃ? ᐃᓚᑦᓱᒍᓱᖕᓂᖅ ᐃᔨᓐᓂᑦ ᐃᔨᖅᓯᒪᕗᖅ. 15ᐱᕈᖅᑐᑦ ᐊᑯᕐᖓᓐᓂ ᐱᕈᖅᑐᖃᑦᓯᐊᕋᓗᐊᖅᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᖅᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᖅᑕᕐᕕᖏᓪᓗ ᐳᐊᓚᕖᑦ ᐸᓂᕐᖕᓂᐊᖅᐳᑦ, ᑰᒐᓛᖏᓪᓗ ᐸᓂᕐᖕᓂᐊᖅᐳᑦ; ᓯᖅᓗᐊᖏᓐᓃᑦᑐᓪᓗ ᐱᔪᒥᓇᖅᑐᖁᑎᓕᒫᖏᑦ ᐊᓯᕈᕈᒫᖅᐳᑦ. 16ᓴᒥᐊᕆᐊᑉ ᐸᓯᔭᒃᓴᐅᓂᓂ ᓇᖕᒪᒃᑕᒃᓴᕆᕚ, ᐊᑭᕋᖅᑐᓕᓚᐅᕐᖕᒪᑦ ᒎᑎᒥᓂᒃ; ᐅᕐᕈᑎᑕᐅᔪᒫᖅᐳᑦ ᓴᕕᒡᔪᐊᒧᑦ, ᐊᕐᖕᓁᓪᓗ ᓄᑕᕋᖏᑦ ᓄᓇᒧᑦ ᐃᒋᐅᖅᑲᖅᑕᐅᔪᒫᖅᐳᑦ, ᐊᕐᖕᓁᓪᓗ ᓄᑕᕋᒃᓴᓖᑦ ᐱᓚᒃᑕᐅᔪᒫᖅᐳᑦ ᓰᒃᑕᐅᓗᑎᒃ.”

Currently Selected:

ᕼᐆᓯᐊᑉ ᐊᒡᓚᖏᑦ 13: EAIB

Highlight

Copy