ᒨᓯᓯ ᓯᕗᓪᓖᑦ 4
4
ᑬᓂᐅᓪᓗ ᐂᐱᓕᐅᓪᓗ ᐅᓂᒃᑲᐅᑕᐅᓂᖏᒃ
1ᐋᑕᒥᐅᓪᓗ ᓄᓕᐊᓂ ᐄᕕ ᐱᖃᑎᒋᖕᒪᒍ, ᑕᕝᕙ ᕿᑐᕐᖓᒃᓴᖅᑖᖅᐳᖅ, ᐃᕐᖕᓂᖅᑖᖅᓗᓂᓗ ᑬᓂᒥᒃ, ᐅᖃᖅᓗᓂ, “ᕿᑐᕐᖓᖅᑖᖅᐳᖓ ᐊᖑᒻᒥᒃ ᐊᑕᓂᐅᑉ ᐃᑲᔪᕐᖕᓂᖓᓄᑦ.” 2ᑭᖑᓂᖓᒍᑦ ᐃᕐᖕᓂᖅᑖᕆᕗᖅ ᓄᑲᖓᓂᒃ ᐂᐱᓕᒥᒃ, ᐂᐱᓕᓗ ᓰᐱᓕᕆᔨᐅᓕᓚᐅᖅᐳᖅ, ᑬᓂᓕ ᐱᕈᖅᓰᕕᓕᕆᔨᐅᓪᓗᓂ. 3ᑕᒪᑐᒪ ᑭᖑᓂᑐᖃᕆᓕᖅᑕᖓᒍᑦ ᑬᓂ ᓄᓇᒥᑦ ᐱᕈᖅᑐᓂᒃ ᐊᑕᓂᕐᖕᒧᑦ ᑐᓂᕐᕈᓯᖅᐳᖅ. 4#ᐄᑉᕈᐃᓄᑦ 11:4.ᐂᐱᓕᓕ ᓰᐱᖁᑎᒥ ᕿᑐᕐᖓᖅᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᖅᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ. 5ᑬᓂᐅᓪᓕ ᑐᓂᕐᕈᑎᒋᔭᖓ ᓈᒻᒪᒋᓐᖏᓛ, ᑬᓂᓗ ᓂᓐᖓᕕᒡᔪᐊᖅᐳᖅ, ᑮᓇᖅᓗᓕᖅᓗᓂᓗ. 6ᐊᑕᓂᐅᓪᓕ ᑬᓂ ᐅᖃᐅᑎᕚ, “ᓱᖕᒪᑦ ᓂᓐᖓᐅᒪᕖᑦ, ᑮᓇᖅᓕᖅᓯᒪᓪᓗᑎᓪᓘ? 7ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᖅᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᖅᑐᓕᓂᐅᑉ ᐅᑕᖅᑭᕚᑎᑦ ᐃᑎᖅᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᖅᐸᑦ.”
8 #
ᒫᑎᐅᓯ 23:35; ᓘᑲᓯ 11:51; 1 ᔪᐊᓇᓯ 3:12. ᑬᓂᐅᓪᓕ ᓄᑲᓂ ᐂᐱᓕ ᐅᖃᐅᑎᕚ, “ᐊᕗᖓ ᓇᑎᕐᖕᓇᒧᑦ ᐂᓚᐅᖅᓗᒃ.” ᓇᑎᕐᖕᓇᒦᓕᖅᓗᑎᒡᓗ ᑬᓂᐅᑉ ᓄᒃᑲᓂ ᐂᐱᓕ ᓵᓪᓗᒍ ᑐᖁᑉᐹ.
9ᑕᕝᕙ ᐊᑕᓂᐅᑉ ᑬᓂ ᐊᐱᕆᓕᖅᐹ, “ᓇᐅᒡᓕ ᓄᑬᑦ ᐂᐱᓕ?”
ᑖᓐᓇ ᐅᖃᖅᐳᖅ, “ᖃᐅᔨᒪᓐᖏᓚᕋ; ᖃᓄᖅ ᓄᑲᓐᓂᒃ ᑲᒪᔨᐅᒐᒫ?”
10 #
ᐄᑉᕈᐃᓄᑦ 12:24. ᐊᑕᓂᕐᓗ ᐅᖃᖅᐳᖅ, “ᖃᓄᐃᓕᐅᕐᖕᓂᖅᐲᑦ? ᓄᑲᖅᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ. 11ᓇᕐᕈᓇᖅᓯᑎᑕᐅᕗᑎᑦ ᓄᓇᒥᑦ, ᐂᑦᑕᖅᓗᓂ ᐄᓯᖕᒪᑦ ᓄᑲᖅᐱᑦ ᐊᐅᖓᓂᒃ ᐊᒡᒐᐱᑦ ᑍᒤᑎᑕᖓᓄᑦ. 12ᐱᕈᖅᓯᐊᒃᓴᓂᒃ ᐱᕈᖅᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᖅᑎᑦᓯᔪᓐᓇᕐᖕᓂᓕᒫᖓ ᐃᓚᑰᖃᑦᑕᕐᖕᓂᐊᓕᖅᐳᖅ; ᕿᒫᖏᓐᓇᐅᔭᖅᓗᑎᑦ ᐃᓂᓪᓚᔪᐃᑦᑑᓂᐊᓕᖅᐳᑎᑦ ᓄᓇᕐᔪᐊᒥ.”
13ᑬᓂᓗ ᐊᑕᓂᕐᖕᒧᑦ ᐅᖃᖅᐳᖅ, “ᓱᒋᐊᖅᑕᐅᓂᕋ ᑕᒪᓐᓇ ᐊᑐᕈᓐᓇᖅᑕᒪ ᐅᖓᑖᓃᑉᐳᖅ. 14ᑕᑯᒋᑦ, ᐅᓪᓗᒥ ᓄᓇᒥᒃ ᕿᒤᑎᑉᐸᕐᖕᒪ; ᑮᓇᕐᖕᓂᓪᓗ ᐃᔨᖅᑕᐅᓯᒪᓂᐊᓕᖅᓗᖓ; ᕿᒫᖏᓐᓇᐅᔭᖅᓗᖓ ᐃᓂᓪᓚᔪᐃᑦᑑᓂᐊᓕᖅᐳᖓ ᓄᓇᕐᔪᐊᒥ, ᓇᓪᓕᐊᓐᓄᓪᓗ ᑕᑯᔭᐅᒍᒪ ᑐᖁᑕᐅᔪᒃᓴᐅᓕᖅᐳᖓ.”
15ᐊᑕᓂᐅᓪᓕ ᑭᐅᕚ, “ᑍᒫᖑᓐᖏᓚᖅ! ᓇᓪᓕᐊᑦ ᑬᓂᒥᒃ ᑐᖁᑦᓯᔪᖅ, 7ᐃᖅᑐᓪᓗᐊᖅᑐᒥᒃ ᐊᑭᔭᐅᔭᕆᐊᖃᖅᐳᖅ.” ᐊᑕᓂᐅᓪᓗ ᑬᓂ ᓇᓗᓁᒃᑯᓯᖅᐹ, ᓇᓪᓕᐊᑦ ᑬᓂᒥᒃ ᑲᑎᓯᔪᖅ ᑐᖁᑦᓯᖁᓇᒍ ᑖᑦᓱᒥᖓ. 16ᑬᓂᓗ ᐊᑕᓂᐅᑉ ᓇᔪᕐᖕᓂᖓᓂᑦ ᕿᒪᕉᑎᕗᖅ, ᓄᓇᑖᖅᓗᓂᓗ ᐊᑎᖃᖅᑐᒥᒃ ᓈᑦ, ᐄᑕᓂᐅᑉ ᖃᐅᓕᕐᕕᐊᑕ ᓇᓛᓃᑦᑐᒥᒃ.
ᑬᓂᐅᑉ ᑭᖑᕚᖏᑦ
17ᑬᓂᐅᑉ ᓄᓕᐊᓂ ᐱᖃᑎᒋᒐᒥᐅᒃ, ᕿᑐᕐᖓᒃᓴᖃᓕᖅᐳᖅ ᐃᕐᖕᓂᓪᓗᓂᓗ ᐃᓅᑭᒥᒃ; ᐃᒡᓗᒐᓴᒡᔪᐊᓕᐅᖅᐳᕐᓗ ᐊᑎᖃᖅᑎᓪᓗᓂᒋᑦ ᐃᕐᖕᓂᖓᑕ ᐊᑎᖓᓂᒃ, ᐃᓅᑭᒥᒃ. 18ᐃᓅᑭᓗ ᐃᕐᖕᓂᖅᑖᖅᐳᖅ ᐃᕌᑎᒥᒃ; ᐃᕌᑦ ᐊᑖᑕᒋᔭᐅᓚᐅᖅᐳᖅ ᒥᕼᐅᔧᓪᒧᑦ, ᒥᕼᐅᔧᓗ ᐊᑖᑕᒋᔭᐅᓚᐅᖅᐳᖅ ᒥᑐᓮᓪᒧᑦ, ᑖᓐᓇᓗ ᐊᑖᑕᒋᔭᐅᓚᐅᖅᐳᖅ ᓔᒥᑭᒧᑦ. 19ᓔᒥᑭᓕ ᓄᓕᐊᖃᓚᐅᖅᐳᖅ ᒪᕐᕉᖕᓂᒃ; ᐂᑉᐸᖓ ᐊᑎᖃᖅᓗᓂ ᐋᑕᒥᒃ, ᐂᑉᐸᖓᓗ ᐊᑎᖃᖅᓗᓂ ᔨᓚᒥᒃ. 20ᐋᑕᓗ ᐃᕐᖕᓂᖅᑖᖅᐳᖅ ᔭᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑐᐱᕐᖕᓂ ᐊᖏᕐᕋᖃᖅᑐᓄᑦ ᓂᕐᔪᑎᓂᒃ ᐱᕈᖅᓮᔪᓂᒃ. 21ᑖᑦᓱᒪᓗ ᓄᑲᖓ ᐊᑎᖃᖅᐳᖅ ᔪᐸᐅᓪᒥᒃ; ᑖᓐᓇᓗ ᓯᕗᓕᕆᔭᐅᕗᖅ ᑕᒤᓐᓄᑦ ᓂᓪᓕᐊᔫᓕᒫᓂᒃ ᐊᑐᓲᓄᑦ ᑯᑭᑦᑕᐸᐅᑎᐅᔮᖅᑐᓄᓪᓗ ᕼᐊᕐᐱᓄᑦ ᐱᓐᖑᐊᖅᐸᒃᑐᓄᑦ ᓱᐴᒐᓄᓪᓗ. 22ᔨᓚᓗ ᐃᕐᖕᓂᖅᑖᖅᐳᖅ ᑐᐸᓪ-ᑬᓂᒥᒃ; ᑖᓐᓇᓗ ᓴᓇᕐᕈᑎᓕᐅᓚᐅᖅᐳᖅ ᖃᓄᐃᑦᑐᑐᐃᓐᓇᕐᖕᓂᒃ ᑲᓐᓄᔭᓂᒃ ᓴᕕᕋᔭᖕᓂᒡᓗ. ᑐᐸᓪ-ᑬᓐᓗ ᓇᔭᖓ ᐊᑎᖃᖅᐳᖅ ᓈᒪᒥᒃ.
23ᓔᒥᑭᓗ ᓄᓕᐊᒥᓄᑦ ᒪᕐᕉᖕᓄᑦ ᐅᖃᖅᐳᖅ:
“ᐋᑕ ᔨᓚᓗ, ᓈᓚᓚᐅᖅᓯᓐᖓ; ᐃᓕᑦᓯ ᓔᒥᑭᐅᑉ ᓄᓕᐊᖏᒃ, ᐅᖃᐅᓯᒃᑲ ᓈᓚᒃᓯᒋᑦ:
ᐊᖑᒻᒥᒃ ᑐᖁᑦᓯᓚᐅᕋᒪ ᑍᑦᓱᒪ ᐃᑭᓕᓚᐅᕐᖕᒪᖓ,
ᑖᓐᓇ ᐃᓅᓱᒃᑐᖅ ᐅᕙᓐᓂᒃ ᐱᒋᐊᓚᐅᕐᖕᒪᑦ.
24ᑬᓂᒥᒃ ᑐᖁᑦᓯᔪᕕᓂᖅ 7ᐃᖅᑐᓪᓗᐊᖅᑐᒥᒃ ᐊᑭᔭᐅᔭᕆᐊᖃᖅᐸᑦ,
ᓔᒥᑭᒥᒡᓕ ᑐᖁᑦᓯᔪᖅ 77ᐃᖅᑐᓪᓗᐊᖅᑐᒥᒃ ᐊᑭᔭᐅᔭᕆᐊᖃᖅᐳᖅ.”
ᓰᑎᓗ ᐃᓅᓯᓗ
25ᐋᑕᒥᐅᑉ ᓄᓕᐊᓂ ᐱᖃᑎᒋᒃᑲᓐᓂᕐᖕᒪᒍ, ᓄᓕᐊᖓ ᐃᕐᖕᓂᖅᑖᓚᐅᖅᐳᖅ ᐋᑕᒥᐅᑉ ᐊᑎᖃᖅᑎᑉᐹ ᓰᑎᒥᒃ, ᐄᕕ ᐅᖃᓚᐅᕐᖕᒪᑦ, “ᒎᑎᐅᑉ ᐃᕐᖕᓂᕐᖕᒥᒃ ᑐᓂᓯᕕᒋᕚᖓ ᐂᐱᓕ ᐃᓇᖏᖅᓗᒍ, ᑬᓂᐅᑉ ᑐᖁᓚᐅᕐᖕᒪᒍ.”#4:25 ᓰᑎ ᐄᑉᕉᑎᑐᑦ ᑐᑭᖃᖅᑑᔮᖅᑐᖅ “ᑐᓂᔭᐅᓯᒪᔪᒥᒃ” 26ᓰᑎᓗ ᐃᕐᖕᓂᖅᑖᓚᐅᕆᕗᖅ, ᐊᑎᖃᖅᑎᓪᓗᒍᓗ ᐃᓅᓯᒥᒃ. ᑍᑦᓱᒪᓂᐅᑎᓪᓗᒍ ᐃᓄᐃᑦ ᐊᑕᓂᕐᖕᒧᑦ ᑐᒃᓯᐊᖃᑦᑕᓕᓚᐅᖅᐳᑦ ᐊᑎᖓ ᑍᓪᓗᒍ.
Currently Selected:
ᒨᓯᓯ ᓯᕗᓪᓖᑦ 4: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
