ᒨᓯᓯ ᓯᕗᓪᓖᑦ 28

1ᐂᓴᑭᐅᑉ ᔧᑯ ᕾᖁᕚ ᓱᖏᕐᑐᕈᒪᓪᓗᒍ, ᐱᖁᔨᓂᕐᒥᓂᒡᓗ ᐅᖃᐅᑎᕚ, “ᓄᓕᐊᓂᒃᑍᓕᒋᑦ ᑬᓇᓂᒥᐅᑦ ᐊᕐᓇᖏᓐᓂᑦ. 2ᒪᑭᓕᕆᑦ, ᐊᐅᓪᓚᕐᓗᑎᑦ ᐸᑖᓐ-ᐊᕋᒻᒧᑦ, ᐱᑐᐃᓕᐅᑉ ᐊᓈᓇᕕᑦ ᐊᑖᑕᖓᑕ ᐊᖏᕐᕋᖓᓄᑦ; ᑍᑲᓐᖓᓪᓗ ᓄᓕᐊᕐᑖᕐᓗᑎᑦ, ᓔᐸᓂᐅᑉ ᐊᓈᓇᕕᑦ ᐊᓂᖓᑕ ᐸᓂᖏᑕ ᐃᓚᖓᓐᓂᒃ. 3ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᕐᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᑎᓪᓗ, ᐅᓄᕐᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ. 4#ᒨᓯᓯ ᓯᕗᓪᓖᑦ 17:4-8.ᑖᑦᓱᒪ ᑐᓂᓯᕕᒋᓕᑎᑦ ᑭᖑᕚᑎᓪᓗ ᐂᑉᕋᕼᐋᒻ ᓮᒻᒪᕐᑎᑕᐅᑦᔪᑎᖏᓐᓂᒃ, ᓄᓇ ᑕᒪᓐᓇ ᐱᑕᕆᓂᐊᕋᕕᐅᒃ ᓂᐅᕐᕈᐊᖑᕕᒋᔧᑦ ᒎᑎᐅᑉ ᑐᓂᓚᐅᕐᑕᖓ ᐂᑉᕋᕼᐋᒧᑦ.” 5ᐂᓴᑭᐅᑉ ᔧᑯ ᐊᐅᓪᓚᕐᑎᑉᐹ; ᐂᓪᓗᓂᓗ ᐸᑖᓐ-ᐊᕋᓐᒧᑦ ᓔᐸᓂᒧᑦ, ᐱᑐᐃᓕᐅᑉ ᐃᕐᓂᖓᓄᑦ ᐊᕋᒥᐊᒥᐅᑕᕐᒧᑦ, ᕇᐱᑲᐅᑉ ᐊᓂᖓᓄᑦ, ᔧᑯᑉ ᐄᓴᐅᓪᓗ ᐊᓈᓇᖓᑕ.

ᐄᓴᓗ ᓄᓕᐊᓂᒃᑲᓐᓂᕐᐳᖅ

6ᐄᓴᓗ ᖃᐅᔨᒐᒥ ᐂᓴᑭᐅᑉ ᔧᑯ ᓮᒻᒪᕐᑎᓯᒪᖕᒪᒍ ᐸᑖᓐ-ᐊᕋᒧᓪᓗ ᓄᓕᐊᕐᑖᕆᐊᕐᑐᖁᓪᓗᒍ ᑕᐅᕙᓐᖓᑦ, ᐅᖃᐅᑎᓚᐅᕐᒪᒍᓗ ᓮᒻᒪᕐᑎᓐᓇᒥᐅᒃ, “ᑬᓇᓂᒥᐅᑦ ᐊᕐᓇᖏᓐᓂᑦ ᓄᓕᐊᓂᒃᑍᓕᒋᑦ.” 7ᖃᐅᔨᓪᓗᓂᓗ ᔧᑯ ᓈᓚᒡᓗᓂ ᐊᑖᑕᒥᓂᒃ ᐊᓈᓇᒥᓂᒡᓗ ᐸᑖᓐ-ᐊᕋᒻᒧᐊᕐᓯᒪᓂᖓᓂᒃ. 8ᐄᓴᓗ ᑐᑭᓯᓪᓗᓂ ᐊᑖᑕᖓ ᐂᓴᑭ ᖁᕕᐊᒋᔭᖃᖏᓐᓂᖓᓂᒃ ᐊᕐᓇᓂᒃ ᑬᓇᓂᒥᐅᑕᕐᓂᒃ. 9ᑍᒤᒻᒪᑦ ᐄᓴ ᐃᓯᒥᐅᓪᒧᐊᕐᐳᖅ ᐂᑉᕋᕼᐋᒻ ᐃᕐᓂᖓᓄᑦ, ᐸᓂᖓᓂᒡᓗ ᓄᓕᐊᓂᒡᓗᓂ, ᐊᑎᖃᕐᑐᒥᒃ ᒪᕼᐊᓚᑕᒥᒃ, ᓂᐰᐅᑎᐅᑉ ᓇᔭᖓᓂᒃ.

ᔧᑰᑉ ᓯᓐᓇᒃᑑᒪᓂᖓ ᐱᑎᓕᒥ

10ᔧᑯ ᐱᐊᕐᓯᐸᒥᑦ ᐊᐅᓪᓚᕐᐳᖅ, ᕼᐊᕋᓐ ᑐᕌᕐᓗᒍ. 11ᐃᓂᒃᓴᒧᓪᓗ ᑎᑭᓐᓇᒥ, ᑕᕝᕙᓂ ᓯᓂᒃᑕᕐᐳᖅ, ᓯᕿᓂᖅ ᓂᐱᓯᒪᓕᕐᑎᓪᓗᒍ. ᐅᔭᕋᖕᒥᒃ ᑕᒫᓐᖓᑦ ᐱᓪᓗᓂ, ᐊᑭᓯᓕᐅᑎᓪᓗᒍ ᓇᓪᓚᕐᐳᖅ ᓯᓂᒐᓱᓕᕐᓗᓂ. 12#ᔪᐊᓇᓯ 1:51.ᓯᓐᓇᒃᑐᕐᐳᕐᓗ ᑕᑯᓪᓗᓂ ᒪᔪᕋᐅᑎᓂᒃ ᓄᓇᒥᑦ, ᐃᓱᐊ ᕿᓚᖕᒧᑦ ᑎᑭᓯᒪᓪᓗᓂ; ᑕᑯᒋᓪᓗ ᒎᑎᐅᑉ ᐂᖏᓕᖏᑦ ᑕᒪᐅᓇ ᒪᔪᕋᕐᐸᒃᓗᑎᑦ ᐊᖅᑲᕐᑎᖃᑦᑕᕐᐳᑦ. 13#ᒨᓯᓯ ᓯᕗᓪᓖᑦ 13:14,15.ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ. 14#ᒨᓯᓯ ᓯᕗᓪᓖᑦ 12:3; 22:18.ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ. 15ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

16ᔧᑯ ᐃᖅᑯᒻᒪᕋᒥ ᐅᖃᓕᕐᐳᖅ, “ᓱᓕᔪᒥᒃ ᐊᑕᓂᖅ ᒫᓃᑉᐳᖅ ᓇᔪᕐᑕᓐᓂ; ᖃᐅᔨᓐᓂᓐᖏᓚᕋᓘᓐᓃᑦ.” 17ᑲᑉᐱᐊᓱᓕᕐᓗᓂᓗ ᐅᖃᕐᐳᖅ, “ᑲᒪᓇᕐᑐᕐᔪᐊᖑᕗᖅ ᓇᔪᕐᑕᕋ ᑕᒪᓐᓇ! ᑕᒫᓂ ᒎᑎᐅᑉ ᐃᒡᓗᖓ ᓇᔫᑎᓪᓚᕆᒃᐳᖅ; ᑖᓐᓇ ᕿᓚᖕᒧᑦ ᐃᑎᕐᑕᕐᕕᐅᕗᖅ.”

18ᔧᑯ ᐅᓪᓛᕋᕐᔪᒃᑯᑦ ᒪᑭᓐᓇᒥ, ᐅᔭᕋᒃ ᐊᑭᓯᕆᔭᓂ ᐲᕐᓱᒍ ᓇᑉᐸᕐᐹ, ᖄᖓᒍᓪᓗ ᐸᐅᕐᒊᑦ ᐅᕐᓱᖓᓂᒃ ᑯᕝᕕᕆᓪᓗᒍ. 19ᑖᓐᓇᓗ ᓇᔪᕐᑕᓂ ᐊᑎᖃᕐᑎᓕᕐᐹ ᐱᑎᓕᒥᒃ; ᑕᕝᕙᓂ ᓄᓇᓕᕕᓃᑦ ᑍᔭᐅᕙᓚᐅᕐᐳᑦ ᓚᔾᒥᒃ ᓯᕗᓂᖓᒍᑦ. 20ᑕᕝᕙ ᔧᑯ ᐅᖃᕕᒃᐳᖅ, ᐅᖃᕐᓗᓂ, “ᒎᑎᐅᑉ ᓇᔪᕐᓂᐊᕐᐹᖓ ᓴᐳᑎᓯᒪᓗᖓᓗ ᐊᖅᑯᑎᒋᓂᐊᕐᑕᓐᓂ, ᓂᕿᒃᓴᖃᕐᑎᓪᓗᖓᓗ, ᐊᓐᓅᕋᒃᓴᖃᕐᑎᓪᓗᖓᓗ, 21ᐅᑎᕐᒥᒍᒪᓗ ᖃᓄᐃᖏᓪᓗᖓ ᐊᑕᑕᒪ ᐊᖏᕐᕋᖓᓄᑦ, ᑕᕝᕙ ᐊᑕᓂᖅ ᒎᑎᒋᔪᒫᕐᐸᕋ. 22ᐅᓇ ᐅᔭᕋᒃ, ᓇᑉᐸᕐᑎᑕᕋ, ᒎᑎᐅᑉ ᐃᒡᓗᖃᕐᕕᒋᔪᒫᕐᐹ; ᑐᓂᓯᕕᒋᔪᒫᕐᐸᒋᓪᓗ ᕾᑕᓕᒫᕐᐱᑦ ᑕᓪᓕᒪᐅᔪᖏᓐᓂᒃ.”

Currently Selected:

ᒨᓯᓯ ᓯᕗᓪᓖᑦ 28: EAIB

Highlight

Copy