ᒨᓯᓯ ᓯᕗᓪᓖᑦ 20

ᐂᑉᕋᕼᐋᒻ ᐊᐱᒥᓕᑭᓗ

1ᐂᑉᕋᕼᐋᒻᓗ ᐃᖏᕐᕋᕗᖅ ᓯᕿᓂᐅᑉ ᓇᓛᓄᑦ ᓂᒋᑉᒧᑦ, ᓄᓇᖃᓕᕐᓗᓂᓗ ᑲᑎᓯᐅᑉ ᓲᕆᐅᓪᓗ ᐊᑯᓐᓂᖓᓂ; ᑭᖑᓂᖓᒍᓪᓗ, ᓄᓇᖃᓕᕐᓗᓂ ᒋᕌᕆᒥ, 2#ᒨᓯᓯ ᓯᕗᓪᓖᑦ 12:13; 26:7.ᐂᑉᕋᕼᐋᒻᓗ ᓄᓕᐊᓂ ᓵᕋ ᐅᖃᐅᓯᕆᕚ, “ᐅᓇ ᓇᔭᒐ.” ᐊᖓᔪᖅᑳᕐᔪᐊᓪᓗ ᐊᐱᒥᓕᑭᐅᑉ ᓄᓇᒥ ᒋᕌᕆᒥ ᐊᖓᔪᖅᑳᕐᔪᐊᖑᔫᑉ ᓵᕋ ᐂᔭᐅᖁᕚ ᐂᑉᐸᕆᔪᒪᓪᓗᒍ. 3ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᕐᐳᑎᑦ, ᐊᕐᓇᖅ ᐱᓚᐅᕐᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”

4ᐊᐱᒥᓕᑭᐅᓪᓕ ᐅᐸᓚᐅᓐᖏᓛ ᐱᖃᑎᒋᔪᒪᓗᒍ; ᑍᒤᒻᒪᑦ ᐅᖃᕐᐳᖅ, “ᐊᑕᓃᖅ, ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ ᑐᖁᑦᓯᔪᒪᕖᑦ? 5ᑍᓐᓇ ᓇᖕᒥᓂᖅ ᐅᖃᓚᐅᓐᖏᓛᖅ ᐅᕙᓐᓄᑦ? ‘ᐅᓇ ᓇᔭᒐ.’ ᑖᓐᓇᓗ ᐊᕐᓇᖅ ᓇᖕᒥᓂᖅ ᑍᒫᒃ ᐅᖃᓚᐅᕆᓪᓗᓂ, ‘ᐅᓇ ᐊᓂᒐ.’ ᐆᒻᒪᑎᒃᑯᑦ ᓱᓕᑦᓯᐊᕐᓗᖓ ᐊᒡᒐᒃᑯᓪᓗ ᐸᓯᔭᒃᓴᐅᓇᖓ ᑍᒤᓚᐅᕐᐳᖓ.”

6ᒎᑎᐅᑉ ᑭᐅᕚ ᓯᓐᓇᒃᑑᒪᒃᑯᑦ, “ᐄᓛᒃ, ᖃᐅᔨᒪᕙᒋᑦ ᑍᒫᒃ ᐱᓚᐅᖏᓐᓇᕕᑦ ᐆᒻᒪᑎᕕᑦ ᓱᓕᑦᓯᐊᕐᓂᖓᓄᑦ, ᐅᕙᖓᓗ ᐊᔪᕐᑐᓕᑎᑦᑍᓕᓚᐅᕐᐸᒋᑦ ᐅᕙᓐᓄᑦ; ᑍᒤᒻᒪᑦ ᑖᑦᓱᒥᖓ ᐊᒃᑐᐃᑎᓚᐅᓐᖏᓚᒋᑦ. 7ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

8ᐊᐱᒥᓕᑭ ᐅᓪᓛᒻᒪᕆᒃᑯᑦ ᒪᑭᑉᐳᖅ, ᐱᔨᓂᓗ ᑕᒪᕐᒥᒃ ᕾᖁᕔᑦ, ᑕᒪᒃᑯᓂᖓᓗ ᑕᒤᓐᓂᒃ ᐅᓂᒃᑳᕐᕕᒋᓪᓗᒋᑦ, ᑖᒃᑯᐊᓗ ᐊᖏᔪᒥᒃ ᑲᑉᐱᐊᓱᓕᕐᐳᑦ. 9ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᕐᐱᑦ? ᖃᓄᕐᓗ ᐊᔪᕐᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᕐᑐᓕᓂᕐᒥᒃ ᐊᖏᔪᒥᒃ? ᐱᓂᐊᕐᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᓂᐅᔭᕆᐊᖃᖏᑦᑐᒥᒃ.” 10ᐊᐱᒥᓕᑭ ᐂᑉᕋᕼᐋᒧᑦ ᐅᖃᕐᐳᖅ, “ᓱᓇᒥᒃ ᐃᓱᒪᓚᐅᕋᕕᑦ ᑍᒤᓕᐅᓚᐅᕐᐲᑦ?”

11ᐂᑉᕋᕼᐋᒻ ᑭᐅᕚ, “ᑍᒤᓕᐅᓚᐅᕐᐳᖓ ᐃᓱᒪᖃᓚᐅᕋᒪ, ᐅᕙᓂ ᓄᓇᒥ ᒎᑎᒥᒃ ᓯᕘᕋᔪᖃᕋᓱᒋᓇᒍ, ᑐᖁᑕᐅᓂᐊᕋᓱᒋᓚᐅᕋᒪ ᓄᓕᐊᓐᓂᒃ ᐱᔪᒪᔪᓄᑦ. 12ᐃᓛᒡᓕ ᓱᓕᔪᒥᒃ ᓇᔭᓪᓚᕆᒋᒐᓗᐊᕐᐸᕋ, ᐊᑖᑕᒪ ᐸᓂᒋᖕᒪᒍ, ᐊᓈᓇᒪᓕ ᐸᓂᖏᓇᓂᐅᒃ; ᑖᓐᓇᓗ ᓄᓕᐊᕐᑖᕆᓚᐅᕐᐸᕋ. 13ᒎᑎᐅᓪᓕ ᐊᑖᑕᒪ ᓇᔪᕐᑕᖓᓂᑦ ᑎᓕᓕᕐᒪᖓ ᓄᓇᒧᑦ ᓄᓇᒋᓐᖏᑕᓐᓄᑦ, ᐊᕐᓇᖅ ᐅᖃᐅᑎᓚᐅᕐᐸᕋ, ‘ᐅᕙᓐᓂᒃ ᐱᑦᓯᐊᖁᕙᒋᑦ ᐃᒫᒃ: ᓄᓇᓕᖕᓄᑦ ᑕᒤᓐᓄᑦ ᐅᐸᒃᑕᑦᑎᓐᓄᑦ ᐅᕙᓐᓂᒃ ᐊᓂᖃᕐᓂᕋᖃᑦᑕᖁᕙᒋᑦ.’”

14ᑕᕝᕙ ᐊᐱᒥᓕᑭ ᓰᐱᓂᒃ ᑎᒍᓯᕗᖅ, ᐃᒻᒧᒃᓯᐅᒐᕐᓂᒡᓗ, ᐊᖑᑎᓂᒃ ᐊᕐᓇᓂᒡᓗ ᐱᔨᓂᒃ, ᑐᓂᓪᓗᒋᓪᓗ ᐂᑉᕋᕼᐋᒧᑦ, ᓵᕋᓗ ᐅᑎᕐᑎᓪᓗᒍ ᑖᑦᓱᒪ ᓄᓕᐊᖓ. 15ᐊᐱᒥᓕᑭᓗ ᐅᖃᕐᐳᖅ, “ᑕᑯᒋᑦ, ᓄᓇᖁᑎᒐ ᑕᒪᓐᓇ ᑕᑯᓐᓇᕐᑍᑦ; ᓇᓂᑐᐃᓐᓇᑦᓯᐊᖅ ᓄᓇᒋᔪᒪᔭᕐᓂ ᓄᓇᖃᕈᓐᓇᕐᐳᑎᑦ.” 16ᓵᕋᒧᓪᓗ ᐅᖃᕆᕗᖅ, “ᑕᑯᒋᑦ, ᐊᓃᑦ ᑐᓂᓯᕕᒋᕙᕋ ᓯᐅᓪᕕᕆᓂᒃ 1,000ᓂᒃ; ᑕᒪᓐᓇ ᑕᕝᕙ ᓴᐳᑎᔭᐅᓃᑦ ᐸᓯᔭᒃᓴᐅᖏᓐᓂᕐᓄᑦ ᑕᒪᕐᒥᒃ ᐃᓚᒋᔭᑎᑦ ᖃᐅᔨᑎᓪᓗᒋᑦ; ᐸᓯᔭᒃᓴᐅᖏᓐᓂᕐᓂᒃ ᑕᒪᕐᒥᒃ ᖃᐅᔨᖁᓪᓗᒋᑦ.”

17ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᕐᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᕐᑖᕈᓐᓇᕐᓯᓚᐅᕐᐳᑦ. 18ᐊᑕᓂᐅᑉ ᕿᑐᕐᖓᕐᑖᕈᓐᓁᓪᓕᑎᓚᐅᕐᒪᒋᑦ ᐊᐱᒥᓕᑭᐅᑉ ᐃᒡᓗᒥᐅᖃᑎᖏᑦ ᓵᕋ ᐱᓪᓗᒍ, ᐂᑉᕋᕼᐋᒻ ᓄᓕᐊᖓ.

Currently Selected:

ᒨᓯᓯ ᓯᕗᓪᓖᑦ 20: EAIB

Highlight

Copy