ᐃᐱᓯᒥᐅᓄᑦ 5
5
ᐃᓅᓯᖃᕐᖕᓂᖅ ᖃᐅᒪᔪᒥ
1ᑍᒤᒻᒪᑦ ᒎᑎᒥᒃ ᒪᓕᒃᑎᐅᓕᕆᑦᓯ, ᑖᑦᓱᒪ ᕿᑐᕐᖓᕆᖕᒪᓯ ᓇᒡᓕᒋᓪᓗᓯ. 2#ᒨᓯᓯ ᐂᑉᐸᖏᑦ 29:18; ᐃᓐᖏᕈᑦ 40:6.ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᖕᒪᑎᒍᑦ ᐃᓅᓯᓂᓗ ᑐᓂᓚᐅᕐᖕᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.
3ᓄᓕᐊᕐᖕᓂᕐᖕᒥᒃ ᐊᑐᕐᖕᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᖅᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᖅᐳᓯ, ᐃᑦᔪᕐᖕᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ. 4ᐅᖃᐅᓯᕐᓘᑎᓂᒃ, ᒥᑕᐅᑎᖃᕐᖕᓂᕐᖕᓂᒃ, ᐅᖃᕐᖕᓂᕐᓘᑎᓂᒡᓗ ᐊᑐᖅᑐᒃᓴᐅᔪᓐᓃᖅᐳᓯ; ᖁᔭᓕᖔᕐᓗᓯᓕ ᐱᒋᑦᓯ. 5ᖁᓚᕐᖕᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᖕᓇᕐᖕᓂᐊᖅᐸᒃᑐᑦ ᐊᖑᓐᓂᐊᖅᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᖅᐸᒃᑐᓪᓗ (ᐱᔪᒪᕕᒃᔪᐊᕐᖕᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᖕᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.
6ᑭᓇᒃᑯᑐᐃᓐᓇᕐᖕᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᖕᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᖕᒪᑦ ᑖᑦᓱᒥᖓ ᓈᓚᖏᑦᑐᓄᑦ. 7ᑍᒤᒻᒪᑦ ᐱᓂᐊᕐᖕᓂᖏᑦ ᐃᓚᐅᕕᒋᔭᒃᓴᕆᓐᖏᓚᓯ. 8ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᖅᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᖕᒥ ᖃᐅᒪᔪᒦᓕᖅᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ, 9ᖃᐅᒪᔫᑉ ᐱᕈᖅᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᖕᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᖕᓂᖅ, ᓱᓕᓂᕐᓗ. 10ᖃᐅᔨᓇᓱᐊᕆᑦᓯᓗ ᓱᓇᐅᖕᒪᖔᑦ ᐊᑕᓂᐅᑉ ᖁᕕᐊᒋᔭᖓ. 11ᑖᖅᑑᑉ ᐱᓂᐊᕐᖕᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᖅᓯᒋᒃ. 12ᓴᖅᑭᔮᖏᑦᑐᒥᒃ ᐱᓂᐊᕐᖕᓂᕆᕙᒃᑕᖏᑦ ᐊᒡᓛᑦ ᐅᖃᐅᓯᕆᔭᕆᐊᒃᓴᖏᑦ ᑲᓐᖑᓇᖅᐳᑦ; 13ᖃᐅᒪᔪᒧᓪᓕ ᓴᖅᑭᑎᑕᐅᔪᑦ ᓱᓇᑐᐃᓐᓁᑦ ᑕᑯᒃᓴᐅᓕᖅᐸᒃᐳᑦ, ᑕᕝᕙ ᑕᑯᒃᓴᐅᓕᖅᑐᑦ ᖃᐅᒪᔪᒦᓕᖅᐳᑦ; 14ᑍᒤᒻᒪᑦ ᐅᖃᖅᓯᒪᔪᖃᖅᐳᖅ,
“ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ,
ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”
15ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ. 16#ᑯᓘᓯ 4:5.ᓇᐅᒃᑯᑐᐃᓐᓇᖅ ᐱᕕᒃᓴᕆᔭᓯ ᐊᑐᑦᓯᐊᕋᓱᐊᖅᓯᐅᒃ, ᐅᓪᓗᐃᑦ ᑖᒪᒃᑯᐊ ᐱᐅᖏᑦᑐᐊᓘᖕᒪᑕ. 17ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᖕᒧᑦ.
18ᐋᖓᔮᕐᖕᓂᐊᕋᓯ ᐅᐂᓂᑐᕐᖕᓂᕐᖕᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᖕᒪᑦ ᐃᓄᓯᑦᓯᓐᓂᒃ; ᐊᓂᕐᖕᓂᕐᖕᒥᒡᓕ ᐃᓗᒻᒥᖅᑕᐅᖔᓕᕆᑦᓯ. 19#ᑯᓘᓯ 3:16,17.ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᖕᓂᒡᓗ ᐊᓂᕐᖕᓂᒃᑯᓪᓗ ᐃᓐᖏᕐᖕᓂᕐᖕᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᖕᒧᑦ ᐆᒻᒪᑎᑦᓯᒍᑦ ᓂᖅᑐᐃᓗᓯ. 20ᑕᒤᑕᓗ ᑍᒪᓐᖓᑦ ᖁᔭᓕᑦᔪᑎᒋᖃᑦᑕᖅᓯᒋᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ ᒎᑎᒧᑦ ᐊᑖᑕᒧᑦ.
ᓄᓕᐊᕇᑦ ᐅᐃᒌᓪᓗ
21ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦᑦ.
22 #
ᑯᓘᓯ 3:18; 1 ᐲᑦᑐᕉᓯ 3:1. ᐊᕐᖕᓁᑦ ᐃᓕᑦᓯ, ᐅᐃᑦᓯᓐᓄᑦ ᑐᓂᓯᒪᒋᑦᓯ, ᐊᑕᓂᕐᖕᒧᑦ ᑐᓂᓯᒪᓂᑦᓯᑐᑦ. 23ᐊᖑᑦ ᓂᐊᖂᖕᒪᑦ ᓄᓕᐊᒥᓄᑦ ᙭ᔅᑑᓯᑦᑕᐅᖅ ᓂᐊᖁᕆᔭᐅᖕᒪᑦ ᐅᒃᐱᖅᑑᖃᑎᒌᓄᑦ, ᑕᕝᕙ ᑎᒥᒥᓄᑦ, ᓇᖕᒥᓂᕐᓗ ᐱᐅᓕᔨᐅᓪᓗᓂ ᑖᒃᑯᓄᖓ. 24ᐅᒃᐱᖅᑑᖃᑎᒌᑦ ᐃᒻᒥᖕᓂᒃ ᑐᓂᓯᒪᖕᒪᑕ ᙭ᔅᑑᓯᒧᑦ, ᑍᒫᒃᑕᐅᖅ ᐊᕐᖕᓁᑦ ᐅᐃᒥᖕᓄᑦ ᑐᓂᓯᒪᒻᒪᕆᒃᑐᒃᓴᐅᒋᕗᑦ ᓱᓇᓕᒫᓄᑦ.
25 #
ᑯᓘᓯ 3:19; 1 ᐲᑦᑐᕉᓯ 3:7. ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᖅᑑᖃᑎᒌᑦ ᓇᒡᓕᒋᓚᐅᕐᖕᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ. 26ᑍᒤᓚᐅᖅᐳᕐᓕ ᐅᒃᐱᖅᑑᖃᑎᒌᑦ ᐃᑦᔪᕐᖕᓁᑎᑦᓱᒪᓪᓗᒋᑦ, ᐅᐊᓴᓚᐅᖅᐰᑦ ᓴᓗᒻᒪᖅᑎᓪᓗᒋᓪᓗ ᐃᒪᕐᖕᒧᑦ ᐅᖃᐅᓯᕐᖕᒧᓪᓗ, 27ᐅᒃᐱᖅᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᖅᑑᓕᖅᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᖅᑎᓪᓗᒋᑦ, ᐱᐅᖏᑦᑐᒥᒃ ᑕᖅᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᖕᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ. 28ᑍᒫᒃᑕᐅᖅ ᐊᖑᑏᑦ ᓄᓕᐊᑎᒃ ᓇᒡᓕᒋᔭᒃᓴᕆᕔᑦ ᑎᒥᒥᖕᓂᒃ ᓇᖕᒥᓂᖅ ᓇᒡᓕᒋᓂᕐᖕᒥᑐᑦ. ᐊᖑᑦ ᓄᓕᐊᒥᓂᒃ ᓇᒡᓕᒍᓱᒃᑐᖅ ᑖᓐᓇ ᓇᖕᒥᓂᖅ ᓇᒡᓕᒋᕗᖅ. 29ᑎᒥᒥᓂᒃ ᓇᖕᒥᓂᕐᖕᒥᓂᒃ ᐆᒥᓱᒃᑐᖃᓚᐅᖅᓯᒪᖏᒻᒪᑦ, ᓂᕆᑎᖃᑦᑕᖅᐹᓕ ᑲᒪᒋᑦᓯᐊᕐᓗᓂᐅᒡᓗ, ᙭ᔅᑑᓯᑦᑕᐅᖅ ᑍᒤᓕᐅᕐᖕᒪᑦ ᐅᒃᐱᖅᑑᖃᑎᒌᓄᑦ, 30ᑖᑦᓱᒪ ᑎᒥᖓᑕ ᓱᓇᑐᐃᓐᓇᕆᖕᒪᑎᒍᑦ. 31#ᒨᓯᓯ ᓯᕗᓪᓖᑦ 2:24.“ᑍᒤᒻᒪᑦ ᐊᖑᑎᐅᑉ ᐊᑖᑕᓂ ᐊᓈᓇᓂᓗ ᕿᒪᖕᓂᐊᖅᐹᒃ ᓄᓕᐊᓂ ᑲᑎᒫᖓᕈᒪᓗᒍ, ᑖᒃᑯᐊᒃᓗ ᒪᕐᕉᒃ ᑎᒥᒃᑯᑦ ᐊᑕᐅᓯᐅᓕᕐᖕᓂᐊᖅᐳᒃ.” 32ᑕᕝᕙᓂ ᐅᖃᐅᓯᐅᔪᒥ ᓇᓗᓇᕐᖕᓂᖓ ᐃᑎᔫᒐᓗᐊᖅ ᓇᓗᓇᕈᓐᓃᖅᑎᑕᐅᕗᖅ, ᑐᑭᓯᒐᒃᑯ ᐅᖃᐅᓯᖃᕐᖕᒪᑦ ᙭ᔅᑑᓯᒥᒃ ᐅᒃᐱᖅᑑᖃᑎᒌᓂᒡᓗ. 33ᑍᒫᒃᑕᐅᖅ ᐃᓕᑦᓯ ᐊᖑᑏᑦ ᐊᑐᓂᑦ ᓄᓕᐊᒥᖕᓂᒃ ᓇᒡᓕᒍᓱᒃᑐᒃᓴᐅᖕᒪᑕ ᐃᒻᒥᓂᒃ ᓇᒡᓕᒋᓂᕐᖕᒥᒃᑎᑐᑦ, ᐊᕐᖕᓁᓪᓗ ᐊᑐᓂᑦ ᐅᒃᐱᒍᓱᑦᓯᐊᖅᑐᒃᓴᐅᕗᑦ ᐅᐃᒥᖕᓂᒃ.
Currently Selected:
ᐃᐱᓯᒥᐅᓄᑦ 5: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
