ᑖᓂᐊᓕᐅᑉ ᐊᒡᓚᖏᑦ 12
12
ᑭᓱᑐᐃᓐᓁᑦ ᐃᓱᒃᓴᖓᑦ
1 #
ᑕᑯᑎ 12:7;
ᒫᑎᐅᓯ 24:21; ᒫᑯᓯ 13:19; ᑕᑯᑎ 7:14; 12:7. “ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᖅᐳᖅ, ᐃᓗᖏᖅᑐᕐᖕᓇᖅᑐᖃᕈᒫᕐᖕᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᖕᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᖅᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᖅᑐᑦ ᒪᒃᐱᖅᑐᕋᕐᖕᓂ ᓴᐳᑎᔭᐅᔪᒫᖅᐳᑦ. 2#ᐂᓮᐊᓯ 26:19; ᒫᑎᐅᓯ 25:46; ᔪᐊᓇᓯ 5:29.ᐅᓄᖅᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᖅᐳᑦ: ᐃᓚᖏᑦ ᐃᓅᓯᕐᖕᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᖅᑐᒧᑦ ᑲᑉᐱᐊᓇᖅᑐᒧᑦ ᐃᓱᖃᖏᑦᑐᒧᑦ. 3ᓯᓚᑐᔪᓪᓕ ᖃᐅᒪᔪᒫᖅᐳᑦ ᕿᓚᐅᑉ ᖃᐅᒪᓂᖓᑐᑦ, ᑕᓯᐅᖅᓯᓚᐅᖅᑐᓪᓗ ᐅᓄᖅᑐᓂᒃ ᐃᓗᐊᖅᑐᒧᑦ ᐅᓪᓗᕆᐊᑎᑐᑦ ᖃᐅᒪᔪᒫᖅᐳᑦ ᐃᓱᖃᖏᑦᑐᒧᑦ.
4 #
ᑕᑯᑎ 22:10. “ᐃᕝᕕᓪᓕ, ᑖᓂᐊᓖ, ᑎᑎᕋᖅᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᖅᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᖅᑎᓐᓇᒋᑦ, ᐅᓄᖅᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᖕᒪᑕ, ᐊᖏᓂᖅᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”
5ᑕᕝᕙ ᐅᕙᖓ ᑖᓂᐊᓕ, ᑕᑯᓕᖅᐳᖓ ᒪᕐᕉᖕᓂᒃ ᓇᖏᖅᑑᖕᓂᒃ, ᐂᑉᐸᖓ ᓇᖏᖅᑐᖅ ᑰᑉ ᓯᓈᓂ, ᐂᐸᖓᓗ ᑰᑉ ᐊᑭᐊᓂ. 6ᐂᑉᐸᖓ ᐅᖃᖅᐳᖅ ᐊᖑᒻᒧᑦ ᖃᓪᓗᓈᖅᑕᓂᒃ ᐊᓐᓄᕌᓕᖕᒧᑦ, ᑖᓐᓇ ᑰᑉ ᐃᒪᖓᑕ ᖁᓛᓃᑦᑐᖅ, “ᖃᓄᖅ ᐊᑯᓂᐅᑎᒋᓂᐊᖅᐹ ᑕᒪᒃᑯᐊ ᑲᒪᓇᖅᑐᑦ ᓇᓪᓕᐅᑎᖅᑳᖅᑎᓇᒌᑦ?”
7 #
ᑕᑯᑎ 10:5;
ᑕᑯᑎ 12:14. ᐊᖑᑎᐅᑉ ᖃᓪᓗᓈᖅᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᖅᑑᑉ, ᑕᓕᖅᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᖅᐸᕋᓗ ᐊᖏᕈᑎᒥᒃ ᐅᖃᖅᑐᖅ ᑖᓐᓇ ᐃᓅᑦᓮᓐᓇᖅᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᖅᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᖅᐸᑕ, ᐃᓄᐃᑦ ᐃᑦᔪᕐᖕᓁᑦᑐᑦ ᐱᔪᓐᓇᕐᖕᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᖅᐳᑦ.”
8ᑐᓵᓚᐅᖅᐳᖓ ᑐᑭᓯᓇᖓᓗ, ᐊᐱᕆᓚᐅᖅᐳᖓ, “ᐊᑕᓂᕋ, ᑕᒪᒃᑯᐊ ᑭᖑᓂᖓᓂ ᖃᓄᐃᑦᓱᒫᖅᐹᑦ?”
9ᑭᐅᕚᖓᓗ, “ᑖᓂᐊᓖ, ᐊᐅᓪᓚᓕᕆᑦ, ᐅᖃᐅᓰᑦ ᑕᒪᒃᑯᐊ ᒪᑐᓯᒪᖕᒪᑕ ᓇᕿᑦᔪᓯᖅᓯᒪᓪᓗᑎᒡᓗ ᑭᓯᐊᓂ ᐃᓱᐊᑕ ᓇᓪᓕᐅᑎᓂᖓ ᑎᑭᑉᐸᑦ.” 10#ᑕᑯᑎ 22:11.ᐅᓄᖅᑐᑦ ᓴᓗᒻᒪᖅᓴᖅᑕᐅᔪᒫᖅᐳᑦ, ᑕᖅᓴᖃᕈᓐᓁᖅᓗᑎᒡᓗ, ᓱᕉᓂᖏᑦ ᐲᔭᖅᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᖕᓂᐊᖅᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᖕᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᖅᐳᑦ.
11 #
ᑖᓂᐊᓕ 9:27; 11:31; ᒫᑎᐅᓯ 24:15; ᒫᑯᓯ 13:14. ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᖕᓂᐅᑉ ᓄᖅᑲᖅᑎᑕᐅᓂᖓᓂᑦ, ᐃᑦᔪᕐᖕᓇᖅᑐᐊᓘᓪᓗ ᐃᓕᔭᐅᓂᖓ ᓱᕈᖅᑎᑕᐅᓐᓇᖅᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ. 12ᖁᕕᐊᓱᑦᓯᐊᖅᐳᑦ, ᐅᑕᖅᑭᔪᑦ ᑎᑭᐅᑎᔪᓪᓗ ᐅᓪᓗᐃᑦ 1,335 ᐃᓱᐊᓄᑦ.
13ᐃᕝᕕᓪᓕ, ᐊᖏᕐᕋᓕᕆᑦ ᐃᓱᐊ ᐅᑕᖅᑭᓗᒍ ᑕᕾᖅᓯᖅᓗᑎᑦ, ᐅᓪᓗᐃᑦ ᐃᓱᓕᑉᐸᑕ ᒪᑭᑦᓱᒫᕋᕕᑦ ᓇᓚᐅᑦᑖᕈᑎᒃᑯᓪᓗ ᐱᑖᕆᔭᒃᓮᑦ ᐃᓕᖕᓄᑦ ᑐᓂᔭᐅᔪᒫᖅᐳᖅ.
Currently Selected:
ᑖᓂᐊᓕᐅᑉ ᐊᒡᓚᖏᑦ 12: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
