ᐋᐴᓯᑕᓖᑦ ᐱᓂᐊᕐᓂᖏᑦ 7

ᓯᑎᐹᓇᓯᐅᑉ ᐅᖃᓪᓚᖕᓂᖓ

1ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑕ ᓯᑎᐹᓇᓯ ᐊᐱᕆᕚ, “ᑕᒪᓐᓇ ᓵᓐᖓᔭᐅᑦᔪᑎᒋᔧᑦ ᓱᓕᕚ?”

2 # ᒨᓯᓯ ᓯᕗᓪᓖᑦ 12:1. ᓯᑎᐹᓇᓯᐅᑉ ᐅᖃᐅᑎᕚ, “ᐃᓅᖃᑎᒃᑲ ᐊᖓᔪᖅᑳᖑᔪᓯᓗ, ᓈᓚᒃᓯᓐᖓ. ᒎᑎ ᓂᕐᑐᕐᓇᕐᑐᕐᔪᐊᖑᓪᓗᓂ ᓴᖅᑭᓚᐅᕐᐳᖅ ᐂᑉᕋᕼᐋᒻᒧᑦ ᐊᑖᑕᑦᑎᓐᓄᑦ, ᒥᓱᐳᑍᒥᐊᒦᑎᓪᓗᒍ ᕼᐊᕋᓐᒥ ᓄᓇᖃᓚᐅᕐᑎᓐᓇᒍ ᓱᓕ, 3ᐅᖃᐅᑎᓪᓗᒍ, ‘ᓄᓇᖕᓂᑦ ᐃᓚᒋᔭᕐᓂᓪᓗ ᐊᐅᓪᓚᕆᑦ ᓄᓇᒥᒃ ᐅᐸᖕᓂᐊᕐᑕᕐᓂᒃ ᑕᑯᑎᑦᓱᒫᕐᐸᒋᑦ.’ 4#ᒨᓯᓯ ᓯᕗᓪᓖᑦ 11:31; ᒨᓯᓯ ᓯᕗᓪᓖᑦ 12:4.ᑕᕝᕙ ᓄᓇᒋᔭᓂ ᑲᐅᓪᑎᐊ ᕿᒪᓚᐅᕐᐹ, ᓄᓇᖃᕆᐊᕐᑐᕐᓗᓂ ᕼᐊᕋᓐᒥ, ᐊᑖᑕᖓ ᑐᖁᖕᒪ, ᒎᑎᐅᑉ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐹ ᒪᐅᖓ ᒫᓐᓇ ᓄᓇᒋᔭᑦᓯᓐᓄᑦ ᓄᓇᑖᕐᑎᓪᓗᒍ; 5#ᒨᓯᓯ ᓯᕗᓪᓖᑦ 12:7; 13:15; 15:18; 17:8.ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ. 6#ᒨᓯᓯ ᓯᕗᓪᓖᑦ 15:13,14.ᐃᒫᒃ ᒎᑎᐅᑉ ᐅᖃᐅᑎᓚᐅᕐᐹ, ‘ᑭᖑᕚᒃᓴᑎᑦ ᐊᓯᒥᖕᓄᑦ ᓄᓇᒋᔭᐅᔪᒥ ᓄᓇᖃᕈᒫᕐᐳᑦ, ᑕᕝᕙᓂ ᐱᑦᓯᐊᕐᑕᐅᖏᓪᓗᑎᒃ ᓯᐊᓚᕆᔭᐅᔪᒫᕐᐳᑦ ᐊᕐᕌᒍᓂᒃ 400ᓂᒃ. 7#ᒨᓯᓯ ᐂᑉᐸᖏᑦ 3:12.ᐃᓅᖃᑎᒌᒡᔪᐊᑦ ᓱᒋᐊᕈᒫᕐᐸᒃᑲ ᐃᓄᖁᑎᓐᓂᒃ ᓱᒃᑯᔨᐊᖃᕐᑐᑦ, ᑭᖑᓂᖓᒍᑦ ᑕᕝᕙᓐᖓᑦ ᐊᐅᓪᓚᕈᒫᕐᐳᑦ ᑕᒪᐅᖓ ᓄᓇᒋᓕᕐᑕᑦᓯᓐᓄᑦ, ᑕᕝᕙᓂ ᑐᒃᓯᐊᕐᕕᒋᖃᑦᑕᕈᒫᕐᐹᖓ.’ 8#ᒨᓯᓯ ᓯᕗᓪᓖᑦ 17:10-14; ᒨᓯᓯ ᓯᕗᓪᓖᑦ 21:2-4; ᒨᓯᓯ ᓯᕗᓪᓖᑦ 25:26; ᒨᓯᓯ ᓯᕗᓪᓖᑦ 29:31—35:18.ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ.#7:8 ᑭᐱᔭᐅᓂᖅ ᐅᓱᖓᑕ ᐅᓕᕝᕙᖓ (ᐹᓯᓂᖓ) ᓇᑲᑕᐅᓪᓗᓂ ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.

9 # ᒨᓯᓯ ᓯᕗᓪᓖᑦ 37:11; ᒨᓯᓯ ᓯᕗᓪᓖᑦ 37:28; ᒨᓯᓯ ᓯᕗᓪᓖᑦ 39:2,21. “ᔧᑰᑉ ᐃᕐᓂᖏᑕ ᖃᑕᓐᖑᑎᑎᒃ ᔫᓯᐱ ᓇᓪᓕᒋᔭᑑᓗᐊᕆᓪᓗᒍ ᓂᐅᕐᕈᑎᒋᕚᑦ ᐄᑦᔨᑉᑎᒧᑦ; ᒎᑎᐅᓪᓕ ᐃᓚᒋᓚᐅᕐᐹ, 10#ᒨᓯᓯ ᓯᕗᓪᓖᑦ 41:39-41.ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ. 11#ᒨᓯᓯ ᓯᕗᓪᓖᑦ 42:1,2.ᑍᑦᓱᒪᓂ ᑳᖕᓇᕐᑐᐊᓗᖃᓚᐅᕐᒪᑦ ᐄᑦᔨᑉᑎᒥ ᑬᓇᓂᒥᓗ ᐅᖁᒤᒃᓴᕐᓇᕐᑐᐊᓘᓪᓗᓂ, ᓯᕗᓕᕕᓂᕗᑦ ᓂᕿᒃᓴᕐᓯᔪᓐᓁᓪᓕᓚᐅᕐᐳᑦ. 12ᔧᑯ ᑐᓴᕋᒥ ᐄᑦᔨᑉᑎᒥ ᓂᐊᖂᔭᒃᓴᕐᑕᖃᕐᓂᖓᓂᒃ, ᐃᕐᓂᓂ ᓯᕗᓪᓕᕐᐹᒥᒃ ᑎᓕᕔᑦ ᑍᑯᖓ. 13#ᒨᓯᓯ ᓯᕗᓪᓖᑦ 45:1; ᒨᓯᓯ ᓯᕗᓪᓖᑦ 45:16.ᑭᖑᓪᓕᕐᒥᒃ ᐄᑦᔨᑉᑎᒧᐊᕐᒥᖕᒪᑕ ᔫᓯᐱ ᑭᓇᐅᓂᕐᒥᓂᒃ ᓇᓗᓁᓕᓚᐅᕐᐳᖅ ᐊᖓᔪᒥᓄᑦ, ᔫᓯᐱᐅᑉ ᐃᓚᓕᒫᖏᑦ ᖃᐅᔨᔭᐅᓕᕐᓗᑎᒃ ᐄᑦᔨᑉᑎᒥᐅᑦ ᐊᖓᔪᖅᑳᔪᐊᖓᓐᓄᑦ ᐰᕉᒧᑦ. 14#ᒨᓯᓯ ᓯᕗᓪᓖᑦ 45:9,10,17,18; ᒨᓯᓯ ᓯᕗᓪᓖᑦ 46:27.ᔫᓯᐱᐅᑉ ᐊᑖᑕᓂ ᔧᑯ, ᐅᖃᐅᑦᔭᐅᔭᕐᑐᖁᕚ ᐄᑦᔨᑉᑎᒧᐊᖁᓪᓗᒍ, ᐃᓚᒌᓕᒫᑦ ᑍᒃᑯᐊ ᐄᑦᔨᑉᑎᒧᐊᓚᐅᕐᐳᑦ; ᑲᑎᓪᓗᒋᑦ 75ᖑᔪᑦ; 15#ᒨᓯᓯ ᓯᕗᓪᓖᑦ 46:1-7; ᒨᓯᓯ ᓯᕗᓪᓖᑦ 49:33.ᔧᑯ ᐄᑦᔨᑉᑎᒧᐊᓚᐅᕐᐳᖅ, ᑕᕝᕙᓂ ᑐᖁᓚᐅᕐᐳᖅ ᓯᕗᓕᕕᓂᕗᓪᓗ. 16#ᒨᓯᓯ ᓯᕗᓪᓖᑦ 23:3-16; 33:19; 50:7-13; ᔮᓱᐊ 24:32.ᑎᒥᖏᑦ ᐋᑕᐅᓚᐅᕐᐳᑦ ᓄᓇᒧᑦ ᓯᑭᒻᒧᑦ ᑕᕝᕙᓂ ᐃᓗᕕᕐᑕᐅᓪᓗᑎᒃ, ᐂᑉᕋᕼᐋᒻ ᑮᓇᐅᔭᓄᑦ ᓂᐅᕕᐊᕆᓯᒪᔭᖓᓄᑦ ᕼᐊᒧᕆᐅᑉ ᐃᓚᖏᓐᓂᑦ.

17 # ᒨᓯᓯ ᐂᑉᐸᖏᑦ 1:7,8. “ᒎᑎᐅᑉ ᐊᖏᕈᑎᒋᓯᒪᔭᖓᑕ ᐂᑉᕋᕼᐋᒻᒧᑦ ᓇᓪᓕᐅᓐᓂᖓ ᖃᒡᓕᓕᕐᒪᑦ, ᐃᓅᖃᑎᕗᑦ ᐄᑦᔨᑉᑎᒥ ᐅᓄᕐᑐᐊᓘᓕᓚᐅᕐᐳᑦ. 18ᐊᓯᐊᓂᒃ ᐊᖓᔪᖅᑳᕐᔪᐊᕐᑖᓚᐅᕐᐳᑦ ᐄᑦᔨᑉᑎᒥ ᔫᓯᐱᒥᒃ ᖃᐅᔨᒪᖏᑦᑐᒥᒃ. 19#ᒨᓯᓯ ᐂᑉᐸᖏᑦ 1:10,11; ᒨᓯᓯ ᐂᑉᐸᖏᑦ 1:22.ᑖᑦᓱᒪ ᓯᕗᓕᕕᓂᕗᑦ ᓯᓔᕐᕆᕔᑦ, ᓱᒃᑯᔨᐊᕆᓪᓗᒋᑦ, ᕿᑐᕐᖓᕐᑖᖏᑦ ᐊᖏᕐᕋᖏᓐᓂᑦ ᐊᓂᑕᐅᑎᑉᐰᑦ ᑐᖁᖁᓪᓗᒋᑦ. 20#ᒨᓯᓯ ᐂᑉᐸᖏᑦ 2:2.ᑕᒪᓐᓇ ᓇᓪᓕᐅᑎᓯᒪᑎᓪᓗᒍ ᒨᓯᓯ ᐃᓅᓕᓚᐅᕐᐳᖅ, ᐃᓂᖁᓇᕐᑐᒻᒪᕆᐅᓪᓗᓂ ᓄᑕᕋᐅᓚᐅᕐᐳᖅ, ᐊᖏᕐᕋᒥᓂ ᑲᒪᒋᔭᐅᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ; 21#ᒨᓯᓯ ᐂᑉᐸᖏᑦ 2:3-10.ᐊᖏᕐᕋᖓᓂᑦ ᐊᓂᑎᑕᐅᖕᒪᑦ, ᐰᕉᑉ ᐸᓂᖓᑕ ᑎᒍᐊᕐᑖᕆᕚ, ᐃᕐᓂᕐᒥᑐᑦ ᓇᖕᒥᓂᕐᒥᑐᑦ ᐱᕈᕐᓴᑎᓚᐅᕐᐹ. 22ᒨᓯᓯ ᐃᓕᓐᓂᐊᕐᑎᑕᐅᓚᐅᕐᐳᖅ ᐄᑦᔨᑉᑎᒥᐅᑦ ᐃᓕᓯᒪᓂᓕᒫᖏᓐᓂᒃ ᐱᔪᓐᓇᑦᓯᐊᓕᕐᓗᓂ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

23 # ᒨᓯᓯ ᐂᑉᐸᖏᑦ 2:11-15. “ᒨᓯᓯ ᐊᕐᕌᒍᖃᓕᕐᓗᓂ 40ᓂᒃ, ᑕᑯᔪᒪᓕᓚᐅᕐᐳᖅ ᐃᓅᖃᑎᖏᑦ ᖃᓄᐃᓕᐅᕐᑕᐅᖕᒪᖔᑕ ᐃᓴᕆᐊᓕᒥᐅᑦ. 24ᐃᓅᖃᑎᒥ ᐃᓚᖓᑦ ᑕᑯᒐᒥᐅᒃ ᐱᑦᓯᐊᕐᑕᐅᖏᑦᑐᖅ, ᐄᑦᔨᑉᑎᒥᐅᑕᕐᒧᑦ ᓴᐳᑎᔭᕐᑐᕐᐹ, ᐄᑦᔨᑉᑎᒥᐅᖅ ᐊᑭᓂᐊᕐᕕᒋᓪᓗᒍ ᑐᖁᑉᐹ. 25ᐃᓅᖃᑎᓂ ᑐᑭᓯᓂᐊᕋᓱᒋᓚᐅᕐᐰᑦ ᒎᑎᒧᑦ ᐊᑐᕐᑕᐅᓗᓂ ᐃᓄᖁᑎᓂ ᓴᐳᑎᔪᒫᕐᒪᒋᑦ, ᐃᓅᖃᑎᖏᑦ ᑐᑭᓯᓚᐅᓐᖏᓚᑦ. 26ᖃᐅᑎᓪᓗᒍ ᑕᑯᓚᐅᕐᐳᖅ ᐃᔅᕆᐊᓕᒥᐅᖕᓂᒃ ᓂᓐᖓᐅᑎᔫᖕᓂᒃ ᒨᓯᓯᐅᑉ ᐃᓂᕐᑎᕐᓗᒋᒃ ᐅᖃᐅᑎᕚᒃ, ‘ᐃᓴᕆᐊᓕᒥᐅᖃᑎᒌᒃᑐᓯᒃ ᓲᖅ ᐃᓕᑦᓯᖕᓄᑦ ᑍᒤᓕᐅᕐᐱᓰᒃ?’ 27ᓂᓐᖓᐅᒪᓂᕐᓴᐅᓪᓕ ᒨᓯᓯ ᐊᔭᒃᓗᒍ ᐅᖃᐅᑎᕚ, ‘ᑭᐊ ᐊᐅᓚᑦᓯᔨᓐᖑᕐᑎᒻᒪᑏᑦ ᐃᖅᑲᕐᑐᐃᔨᓐᖑᕐᑎᓪᓗᑎᓪᓗ ᐅᕙᑦᑎᓐᓅᑦ? 28ᑐᖁᑦᓱᒪᕕᖓᑦᑕᐅᖅ ᐄᑦᔨᑉᑎᒥᐅᑐᑦ ᑐᖁᓚᐅᕐᑕᕐᑐᑦ ᐃᑉᐸᒃᓴᖅ?’ 29#ᒨᓯᓯ ᐂᑉᐸᖏᑦ 18:3,4.ᒨᓯᓯᐅᑉ ᑕᒪᓐᓇ ᑐᓴᕋᒥᐅᒃ ᕿᒪᒃᓯᕗᖅ, ᒥᑎᐊᓂᒥᐅᑦ ᓄᓇᖓᓐᓄᑦ ᕿᒫᓯᒪᓕᕐᓗᓂ, ᑍᑲᓂ ᐃᕐᓂᕐᑖᓚᐅᕐᐳᖅ ᒪᕐᕉᖕᓂᒃ.

30 # ᒨᓯᓯ ᐂᑉᐸᖏᑦ 3:1-10. “ᐊᕐᕌᒍᑦ 40 ᐊᓂᒍᕐᑎᓪᓗᒋᑦ, ᓴᖅᑭᕝᕕᐅᓚᐅᕐᐳᖅ ᐂᖏᓕᒧᑦ ᐃᓄᖃᖏᑦᑐᒥ ᖃᖅᑲᐅᑉ ᓮᓁᑉ ᓴᓂᐊᓂ, ᐅᕐᐱᒐᕐᓂ ᐃᑯᐊᓚᔪᒥ. 31ᒨᓯᓯᐅᑉ ᑖᓐᓇ ᑕᑯᒐᒥᐅᒃ, ᑲᒪᒋᓕᕋᒥᐅᒡᓗ ᑕᑯᑦᓯᐊᕈᒪᓪᓗᒍ ᐅᐸᓚᐅᕐᐹ, ᑲᒡᓕᓕᕐᒪᒍ ᐊᑕᓂᐅᑉ ᓂᐱᖓᓂᒃ ᑐᓴᕐᐳᖅ ᐅᖃᕐᑐᒥᒃ, 32‘ᓯᕗᓕᕕᓂᕐᐱᑦ ᒎᑎᒋᕚᖓ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ ᒎᑎᖓᑦ.’ ᒨᓯᓯ ᑲᑉᐱᐊᓱᖕᓂᕐᒧᑦ ᓴᔪᓕᕋᒥ ᑕᑯᓐᓇᕆᐊᒃᓴᖅ ᐊᔪᓕᓚᐅᕐᐳᖅ. 33ᐊᑕᓂᐅᑉ ᐅᖃᐅᑎᕚ, ‘ᐃᑎᒐᒍᑏᒃᑭᒃ ᐲᒃᑭᒃ, ᑕᒪᓐᓇ ᓄᓇ ᑐᓪᓕᕋᕐᑍᑦ ᐃᑦᔪᕐᓁᑦᑑᖕᒪᑦ. 34ᑕᑯᓯᒪᕗᖓ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᓂᓪᓕᐊᓂᖏᓪᓗ ᑐᓴᕐᐸᒃᑲ, ᒫᓐᓇ ᐊᖅᑲᕐᐳᖓ ᓴᐳᑎᔭᕐᑐᕐᓗᒋᑦ. ᒫᓐᓇ ᕾᓕᕆᑦ, ᐄᑦᔨᑉᑎᒧᑦ ᑎᓕᔪᒪᒐᒃᑭᑦ.’

35 # ᒨᓯᓯ ᐂᑉᐸᖏᑦ 2:14. “ᒨᓯᓯ ᐃᓴᕆᐊᓕᒥᐅᓂᑦ ᓇᕐᕈᒋᔭᐅᓚᐅᕐᑐᖅ ᐅᖃᐅᑦᔭᐅᓪᓗᓂ ‘ᑭᐊ ᐊᐅᓚᑦᓯᔨᓐᖑᕐᑎᒻᒪᑏᑦ ᐃᖅᑲᕐᑐᐃᔨᓐᖑᕐᑎᓪᓗᑎᓪᓗ ᐅᕙᑦᑎᓐᓅᑦ?’ ᑖᓐᓇ ᑎᓕᔭᐅᓚᐅᕐᐳᖅ ᒎᑎᒧᑦ, ᐊᐅᓚᑦᓯᔨᐅᖁᓪᓗᒍ ᓴᐳᑦᔨᔨᐅᖁᓪᓗᒍᓗ, ᐂᖏᓕᒥᒃ ᐊᖅᑯᑎᖃᕐᓗᓂ ᐅᕐᐱᒐᕐᓂ ᐃᑯᐊᓚᔪᒥ ᑕᑯᓚᐅᕐᑕᖓᓂᒃ. 36#ᒨᓯᓯ ᐂᑉᐸᖏᑦ 7:3; ᒨᓯᓯ ᐂᑉᐸᖏᑦ 14:21; ᒨᓯᓯ ᓯᑕᒪᖏᑦ 14:33.ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ. 37#ᒨᓯᓯ ᑕᓪᓕᒪᖏᑦ 18:15,18.ᑖᓐᓇ ᒨᓯᓯ ᐃᓴᕆᐊᓕᒥᐅᓄᑦ ᐅᖃᓚᐅᕐᐳᖅ, ‘ᒎᑎᐅᑉ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ.’ 38#ᒨᓯᓯ ᐂᑉᐸᖏᑦ 19:1—20:17; ᒨᓯᓯ ᑕᓪᓕᒪᖏᑦ 5:1-33.ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.

39“ᓯᕗᓕᕕᓂᑦᑕ ᒨᓯᓯ ᓈᓚᒍᒪᓚᐅᓐᖏᓛᑦ, ᓇᕐᕈᒋᓪᓗᒍ ᐄᑦᔨᑉᑎᒧᑦ ᐅᑎᕈᒪᓂᕐᒥᒃ ᐃᓱᒪᖃᕐᓗᑎᒃ. 40#ᒨᓯᓯ ᐂᑉᐸᖏᑦ 32:1.ᐅᖃᕐᓗᑎᒃ ᐂᕉᓂᒧᑦ, ‘ᒎᑎᒋᓂᐊᕐᑕᑦᑎᓐᓂᒃ ᓴᓐᓇᑎᓚᐅᕐᑎᒍᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ; ᒨᓯᓯ ᐄᑦᔨᑉᑎᒥᑦ ᐊᐅᓚᕐᑎᑦᓯᔨᒋᓚᐅᕐᑕᕗᑦ ᖃᓄᐃᓕᐅᕋᓱᓕᕐᒪᖔᑦ ᓇᓗᓕᕋᑦᑎᒍ.’ 41#ᒨᓯᓯ ᐂᑉᐸᖏᑦ 32:2-6.ᓴᓇᓚᐅᕐᐳᑦ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ, ᑐᓂᕐᕈᓯᕐᕕᒋᓪᓗᒍ ᖁᕕᐊᓱᖃᑎᒌᓚᐅᕐᐳᑦ ᓇᖕᒥᓂᖅ ᓴᓇᓚᐅᕐᑕᑎᒃ ᑖᓐᓇ ᐱᑦᔪᑎᒋᓪᓗᒍ. 42#ᐂᒨᓯ 5:25-27.ᒎᑎᐅᓪᓕ ᐊᓚᓚᐅᕐᐰᑦ ᓵᑎᓪᓗᒋᑦ ᕿᓚᐅᑉ ᐅᓪᓗᕆᐊᖏᓐᓂᒃ ᑐᒃᓯᐊᕐᕕᖃᕐᓂᕐᒧᑦ, ᓇᓚᐅᑦᑍᔪᑦ ᐊᒡᓚᖏᓐᓂ ᑎᑎᕋᕐᓯᒪᖕᒪᑦ:

‘ᐃᓴᕆᐊᓕᒥᐅᖑᔪᓯ, ᑐᖁᑦᓯᓗᓯ ᐆᒪᔪᓂᒃ ᑐᓂᕐᕈᓯᕐᕕᒋᓚᐅᕐᐱᓯᓐᖔ

ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒦᑎᓪᓗᓯ?

43ᒎᑎᓐᖑᐊᒥᒃ ᒧᓛᑭᐅᑉ ᑐᐱᖓᓂᒃ ᐊᑭᕋᓚᐅᕐᐳᓯ,

ᕅᕙᓐᓂᐅᑉ ᒎᑎᓐᖑᐊᑉ ᐅᓪᓗᕆᐊᓐᖑᐊᖓᓂᒃ

ᐊᒡᔭᕐᓯᓚᐅᕐᐳᓯ ᒎᑎᓐᖑᐊᕆᔭᑦᓯᓐᓂᒃ;

ᑖᒃᑯᐊ ᒎᑎᓐᖑᐊᑦ ᓴᓇᓚᐅᕐᐸᓯ ᑐᒃᓯᐊᕐᕕᒋᔪᒪᓪᓗᒋᑦ.

ᑍᒤᒻᒪᑦ ᐊᐅᓪᓚᕐᑎᓐᓂᐊᕐᐸᑦᓯ

ᓄᓇᒋᓐᖏᑕᑦᓯᓐᓄᑦ ᐹᐱᓘᓂᐅᑉ ᐅᖓᑖᓄᑦ.’

44 # ᒨᓯᓯ ᐂᑉᐸᖏᑦ 25:9,40. “ᓯᕗᓕᕕᓂᕗᑦ ᐊᖏᖃᑎᒌᒍᑎᒥᒃ ᐱᖁᔭᕐᑕᓕᖕᒥᒃ ᑐᐱᕐᒥᒃ ᐱᓯᒪᓚᐅᕐᐳᑦ ᐃᓄᖃᖏᑦᑐᒥ. ᑖᓐᓇ ᓴᓇᔭᐅᓯᒪᓚᐅᕐᐳᖅ ᒎᑎᐅᑉ ᓴᓇᔭᐅᖁᔨᓂᖓᑐᑦ ᒨᓯᓯᒧᑦ, ᒪᓕᒡᓯᒪᓪᓗᓂ ᒨᓯᓯᐅᑉ ᑕᑯᑎᑕᐅᑦᔪᑎᒋᓚᐅᕐᑕᖓᓂᒃ. 45#ᔮᓱᐊ 3:14-17.ᑭᖑᓂᖓᒍᑦ ᓯᕗᓕᕕᓂᑦᑕ ᑐᐱᖅ ᑖᓐᓇ ᐱᓚᐅᕆᕚᑦ ᓯᕗᓕᕕᓂᕐᒥᖕᓂᑦ, ᐊᒡᔭᓚᐅᕆᕚᓪᓗ ᔮᓱᐊ ᐃᓚᒋᓪᓗᒍ ᓄᓇᑖᓕᕋᒥᒃ ᓄᓇᓕᑐᖃᕐᓂᒃ ᒎᑎ ᐊᐅᓪᓚᕐᑎᑦᓯᖔᕐᑎᓪᓗᒍ. ᑕᒫᓃᓕᓚᐅᕐᐳᖅ ᑍᕕᑎ ᑎᑭᓪᓗᒍ. 46#ᓴᒧᐃᓕ ᐂᑉᐸᖏᑦ 7:1-16; ᑯᕉᓂᑲ ᓯᕗᓪᓖᑦ 17:1-14.ᑍᕕᑎ ᒎᑎᒧᑦ ᐱᓐᓇᕆᔭᐅᓚᐅᕐᒪᑦ, ᐃᓂᒃᓴᓕᐅᕈᓐᓇᕐᑎᑕᐅᔪᒪᓚᐅᕐᐳᖅ ᑖᑦᓱᒧᖓ ᔧᑰᑉ ᒎᑎᖓᓄᑦ. 47#ᐊᑕᓃᑦ ᓯᕗᓪᓖᑦ 6:1-38; ᑯᕉᓂᑲ ᐂᑉᐸᖏᑦ 3:1-17.ᓲᓗᒨᓂᐅᑉ ᒎᑎ ᐃᒡᓗᓕᐅᓚᐅᕐᐹ.

48“ᒎᑎᓕ ᐊᖏᓂᕐᐹᖑᔪᖅ ᐃᒡᓗᓂ ᐃᓂᖃᓐᖏᓚᖅ ᐃᓄᖕᓄᑦ ᓴᓇᔭᐅᓯᒪᔪᓂ; ᓇᓚᐅᑦᑍᔪᖅ ᐅᖃᕐᓯᒪᖕᒪᑦ,

49 # ᐂᓮᐊᓯ 66:1,2. ‘ᐊᑕᓂᖅ ᐅᖃᕐᐳᖅ, ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ,

ᓄᓇᕐᔪᐊᕐᓗ ᐃᑎᒐᖕᒪ ᐃᑯᕐᕋᕆᕚ.

ᖃᓄᐃᑦᑐᒥᒃ ᐃᒡᓗᓕᐅᕈᒪᕕᓰ ᐅᕙᓐᓄᑦ?

ᓇᓂᓗ ᐃᓂᖃᕈᓐᓇᕐᐳᖓ?

50ᑕᒪᒃᑯᐊ ᐅᕙᖓ ᓇᖕᒥᓂᖅ ᓴᓇᓯᒪᓐᖏᓚᒃᑳ?’”

51 # ᐂᓮᐊᓯ 63:10. ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ. 52ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ. 53ᐃᓕᑦᓯ ᐱᖁᔭᓂᒃ ᐱᑎᑕᐅᓚᐅᕐᑐᓯ ᐂᖏᓖᑎᒍᑦ ᑐᓂᔭᐅᔪᓂᒃ, ᑖᒃᑯᓂᖓ ᒪᓕᓚᐅᓐᖏᓚᓯ.”

ᓯᑎᐹᓇᓯᐅᑉ ᐅᔭᖅᑲᓄᑦ ᒥᓪᓗᕐᑕᐅᓂᖓ

54ᑲᑎᒪᔨᕐᔪᐊᑦ ᓯᑎᐹᓇᓯᒥᒃ ᓈᓚᒃᑐᑦ ᑕᒪᑐᒥᖓ ᑐᓴᕋᒥᒃ ᓂᓐᖓᒃᑐᐊᓘᕗᑦ, ᓂᓐᖓᐅᒪᓂᕐᒧᑦ ᑮᒻᒥᓕᕐᓗᑎᒃ ᑖᑦᓱᒧᖓ. 55ᓯᑎᐹᓇᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓪᓗᓂ, ᕿᓚᖕᒧᑦ ᐋᕐᓗᕐᐳᖅ ᒎᑎᐅᑉ ᐱᓐᓇᕐᓇᕐᓂᕐᔪᐊᖓ ᑕᑯᕚ, ᔩᓱᓯᓗ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ; 56ᐅᖃᕐᓗᓂ, “ᑕᑯᒋᑦ, ᕿᓚᒃ ᐊᖕᒪᕐᑐᖅ ᑕᑯᕙᕋ, ᐃᓅᓪᓗ ᐃᕐᓂᖓ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ.”

57ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᐳᑦ ᓯᐅᑎᑎᒃ ᒪᑐᓪᓗᒋᑦ, ᑕᒪᕐᒥᒃ ᐅᐸᒃᑐᕐᐳᑦ ᓯᑎᐹᓇᓯᒧᑦ. 58ᐃᒡᓗᒐᓴᖕᓂᑦ ᐊᓂᑎᓐᓇᒥᑦᔪᒃ ᐅᔭᖅᑲᓄᑦ ᒥᓪᓗᕐᐹᑦ; ᒥᓪᓗᕐᑐᑦ ᐅᓕᒡᔪᐊᑎᒃ ᐲᕐᓗᒋᑦ ᑲᒪᒋᔭᐅᑎᑉᐰᑦ ᐃᓅᓱᒃᑐᒧᑦ ᓴᐅᓗᓯᒥᒃ ᐊᑎᓕᖕᒧᑦ. 59ᓯᑎᐹᓇᓯ ᒥᓪᓗᕐᑕᐅᓪᓗᓂ ᑐᒃᓯᐊᕐᐳᖅ, “ᐊᑕᓃᖅ ᔩᓱᓯ, ᐊᓂᕐᓂᕋ ᐱᒍᒃ.” 60ᓰᖅᑯᕐᓗᓂ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐊᑕᓃᖅ ᐊᔪᕐᑐᓕᓂᕐᒧᑦ ᑕᒪᑐᒧᖓ ᐸᓯᑦᑍᓕᒃᑭᑦ.” ᑍᒫᒃ ᐅᖃᕇᕋᒥ ᑐᖁᕗᖅ.

Currently Selected:

ᐋᐴᓯᑕᓖᑦ ᐱᓂᐊᕐᓂᖏᑦ 7: EAIB

Highlight

Copy