Makətūbə̄ Pā gə̄ kə́ yā tɔ̄yń Nə́ɓā 148
148
Tɔ̄ȳn̄ Nə́ɓā dɔ rā̰ tə́ ō dɔ nang tə́ ō
1*Aleluya!
Sḭḭ̄ ń ī-ndiī dɔ rā̰ tə́ ní ī-tɔ̄yī Kɔ́ɔ̄ɓē.
2Sḭḭ̄ ń ī-ndiī loo kə́ dɔɔ́ gə̄ tə́ ní ī-tɔ̄ȳniī.
Deē yān gə̄ kə́ dɔ rā̰ tə́ malang ī-tɔ̄ȳniī.
Ɓūtə̄ yān gə̄ malang ī-tɔ̄ȳniī.
3Mbang ō na ō ī-tɔ̄ȳniī.
Sḭḭ̄ tə́yō̰ kə́ ndə́lē gə̄ malang ī-tɔ̄ȳniī.
4Sḭḭ̄ dɔ rā̰ kə́ dɔɔ́ sa̰y gə̄ ō,
man̄ gə̄ kə́ dɔɔ́ dɔ dɔ rā̰ tə́ ō ní ī-tɔ̄ȳniī.
5Ādə̄ nin̄ malang tɔ̄ȳn̄ rī Kɔ́ɔ̄ɓē,
tɔdɔ̄ ni-əda najə̄ tan kógə̄ḿ anī nin̄ teē ndin̄.
6Ni tə́ndādə́ loo ndidə́ gə̄ tə́ i kə́ njɔ́ḿ gə̄ tə́.
Ni tə́ndā *ndū najə̄ gə̄ kə́ a ton̄ ngándáńg.
7Ə́laī gír tɔ̄ȳ Kɔ́ɔ̄ɓē dɔ nang tə́ laā,
sḭḭ̄ bā bo gə̄ ō, dā̰ man̄ gə̄ ō,
8hor ō, kɔ̄sə̄ ō, néjə#148.8 Néjə: Á̰a̰ī Pā 68.15 ō, díḿsir ō,
nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,
9mbal̄ bo gə̄ ō, ngán mbal̄ gə̄ malang ō,
kāgə̄ gə̄ kə́ a anə̄n̄ gə̄ ō, kāgə̄ sédər gə̄ malang ō,
10dā̰ kə́ bembeé ō, kə́ ɓēé gə̄ malang ō,
dā̰ gə̄ kə́ a agən̄ nang tə́ ō yel̄ gə̄ ō,
11mban̄g gə̄ kə́ dɔ nang tə́ ō, gír de gə̄ malang ō,
de kə́ bo gə̄ ō, ngār gə̄ kə́ dɔ nang tə́ malang ō,
12balsáa gə̄ ō mandə gə̄ ō,
ɓə́ga gə̄ ō ngán gə̄ ō.
13Ī-tɔ̄yī rī Kɔ́ɔ̄ɓē,
tɔdɔ̄ i rīn ni ngóy kə kérneé n bo ní.
*Kɔsə gɔn yān taā loo dɔ nang tə́ ō dɔ rā̰ tə́ ō.
14Ni-tél əla go̰ kem deē yān gə̄ tə́.
I yá̰á̰ kə́ majə kadə̄ deē yān gə̄ malang ń i ngán *Israel gə̄ ní
ɓōkə́nən̄ tɔ̄ȳ najə̄n tə́,
i nin̄ n i gír de kə́ ngɔr rɔ̄n tə́ gə̄ ní!
*Aleluya!
Currently Selected:
Makətūbə̄ Pā gə̄ kə́ yā tɔ̄yń Nə́ɓā 148: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad