PĀ GƏ̄ 141
141
Kɔ́ɔ̄ɓē, ə̄ndā mbīí gír najə̄ kɔrə̄ḿ tə́
1Pā yā Dabid.
Kɔ́ɔ̄ɓē, m̄-ɓāríī, ī-reē láẃ ī-dḭḭ̄m̄!
Loo ń ré m̄-ɓāríī anī, ī-nēl̄ mbīí ōoń ndūḿ.
2Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́
tītə̄ sa hor kajaja beé ō,
ādə̄ jīḿ ń m-ɔ́y kə̄ dɔɔ́ ní#141.2 Kɔy jī kə̄ dɔɔ́: I yá̰á̰ kə́ ngán Israel gə̄ a rāān̄ kété jōó dan ń a ndɔ̄ȳn̄ Nə́ɓā ní. i tītə̄ yá̰a̰ ndējə̄ kə́ loo sɔlí beé ō.
3Kɔ́ɔ̄ɓē, ī-ngɔ̄m̄ taḿ, ī-ngɔ̄m̄ tam taḿ ādə̄m̄.
4Ī-lōō kəya̰m̄ kadə̄ m-ə́da najə̄ kə́ majaĺ,
kadə̄ m̄-rāā yá̰á̰ kógə̄ḿ kə kem nduluú,
m̄-ndájəń nge rāā kadə̄ yá̰á̰ kə́ majaĺ reē dɔ madə̄də́ gə̄ tə́.
Ī-lōō kəya̰m̄ kadə̄ taḿ nāā yá̰a̰ kəsa ń noō.
5Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́!
Ādə̄ yibə̄ kə́ kotə majə yā ngé kem ndul gə̄ ɔdə dɔḿ alé,
ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń
ngé kem ndul gə̄ a rāān̄ ní.
6-7M-ə́da na tə̄ndān̄ kə̄ngājí gə̄ tḭ̄ḭ̄n̄ kə̄ loo gə̄ tə́ ta bāá ɓádə́ tə́,
tītə̄ loo ndɔr̄ njárəń loo beé.
Anī najə̄ ń noō nel̄ ngār yādə́ gə̄ ngá̰ý.
Banī Nə́ɓā mbə́rē ngār gə̄ ní dɔ mbalá tə́nīdə́.
8Kɔ́ɔ̄ɓē Nə́ɓā yāḿ, m̄-tūr̄ kumḿ kə̄ rɔ̄í tə́,
m̄-ɓɔ̄ɔ̄ rɔ̄ḿ rɔ̄í tə́, ī-lōō kəya̰m̄ kadə̄ m-óy.
9Ī-ngɔ̄mə̄m̄ ādə̄ m-ə̄sō kem réng yādə́ tə́ alé,
ādə̄ m-ə̄sō kum gūmbə̄ yā ngé rāā majaĺ gə̄ tə́ alé.
10Ādə̄ ngé kem ndul gə̄ ń noō əsōn̄ kum gūmbə̄ ń
nin̄ kɔ́ gə̄ əyān̄ tə́ ní, banī mā m-ā m̄-teē kum tə́ karī!
Currently Selected:
PĀ GƏ̄ 141: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.