PĀ GƏ̄ 132
132
Siyo̰ i loo ndi Kɔ́ɔ̄ɓē ō i ɓē yā Dabid ō
1Pā kə̄ yā kaw̄ń kə̄ loo kə́ táĺ tə́.
Kɔ́ɔ̄ɓē, ādə̄ əga kemií dɔ Dabid tə́ ō,
dɔ tápə̄ yān gə̄ tə́ malang ō.
2I ni n túbə adə̄ Kɔ́ɔ̄ɓē ō,
ənī ndūn adə̄ nga tɔ́gə yā Jakob ō ní,
3əda na: M-ā m-údə́ gíŕ kújə tandā yāḿ tə́ aĺ ō,
m-ā m̄-to dɔ tə̄rá yāḿ tə́ yā ndájə̄ rɔ̄ḿ aĺ ō,
4m-ā m̄-kótə̄ kumḿ aĺ ō, m-ā m-ə̄nī ɓīī kumḿ tə́ aĺ ō,
5bátə́ kadə̄ ré m-ə́nge loo kə́ tām̄ yā Kɔ́ɔ̄ɓē tə́ pá tá,
bátə́ kadə̄ ré m-ə́ngé kújə ndi nge tɔgə yā Jakob pá tá ní!
6J-oō kadə̄ sandúkə́ kə́ táĺ na ndi na i Epərata,
j-a̰a̰ sandúkə́ ní i gidə ɓē kə́ Yaar#132.6 Yaar: Majanī i rī ɓē kə́ Kiryat Yearim n gāngə̄n̄ ta dɔɔ́ ədan̄ na i Yaar ní (1 Sam 7.1). tə́.
7J-udiī kem kújə ndi Kɔ́ɔ̄ɓē tə́,
j-ɔsiī nojí nang tə́ no loo kəndā nja yān tə́.
8Kɔ́ɔ̄ɓē, ḭ́ḭ dɔɔ́ ī-reē loo kɔr̄ koō yāí tə́,
ḭ̄ ō, sandúkə kə́ táĺ ń tɔ́gə yāí i kemeé ní ō!
9Ādə̄ ngé tun̄ yá̰a̰ yāí gə̄ əlan̄ háĺ kə́ gōtə́ kūbə̄ tə́ rɔ̄də́ tə́ ō,
ādə̄ deē yāí gə̄ túrə̄n̄ kɔĺ rɔ̄nel̄ ō!
10Mban̄g ń úr yibə̄ dɔn tə́ ní,
ī-lōō tūr̄ gidií kɔ̄ɔ́ tan tə́,
ī-tár nge kəla yāí Dabid.
11Kɔ́ɔ̄ɓē ənī ndūn adə̄ Dabid,
rɔ̄kum, ni a tūr̄ ndūn alé, ni ədan na:
I ngōnīí kógə̄ḿ n m-ā m̄-gə̄rān
yā kəndān mban̄g gotií tə́ ní.
12Ré ngání gə̄ əhɔn̄ gō madə̄ naā yāḿ ō,
rāān̄ yá̰a̰ i kə gō ndū ń m-ɔ́jə́ ní ō anī,
ngán kemdə́ gə̄ a ndin̄ mban̄g kadə̄ dan gān̄g aĺ dɔ kōr̄ kāgə̄ mbang yāí tə́.
13Tɔdɔ̄ Kɔ́ɔ̄ɓē gə̄rā Siyo̰,
ni gḛy rāān i loo ndi yān tə́.
14Ni əda wáńg na:
Loo kɔr̄ koō yāḿ kə́ a to ta kaw̄ jóo n toó,
i loo ń toō n m̄-sāā ndi tū tə́ ní.
15A̰á̰ā̰, m-ā m̄-rāā majə kə Siyo̰,
m-ā m-ādə̄n yá̰a̰ kadə̄ əsa ndiń kə kumneé,
m-ā m-ādə̄ ngé ndoō yān gə̄ yá̰a̰ kadə̄ əsa ndānə̄n̄.
16M-ā m-ə́la kajə rɔ̄ ngé tun̄ yá̰a̰ yān gə̄ tə́ tītə̄ kūbə̄ beé ō,
deē yān gə̄ a túrə̄n̄ kɔĺ rɔ̄nel̄ ō.
17M-ā m̄-rāā kadə̄ a ojən̄ mban̄g kógə̄ḿ kə́ tɔ́gən i ngá̰ý,
gír yā Dabid tə́ kem ɓē kə́ Siyo̰ tə́ ō,
m-ā m̄-rāā gō lámba tām̄ yā nge ń
m-úr yibə̄ dɔn tə́ ní ō.
18M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé,
banī jākā mbang yān a ndə́lē pipir nɔtə non tə́.
Currently Selected:
PĀ GƏ̄ 132: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
