PĀ GƏ̄ 130
130
Dan ń yá̰a̰ tōr̄ rɔ̄ḿ ngá̰ý ní
1Pā kə́ yā kaw̄ń kə̄ loo kə́ táĺ tə́.
Kɔ́ɔ̄ɓē, m̄-to kem bəlo kə́ lú ngá̰ý tə́,
ba m̄-ɓāríī kadə̄ ī-rāā seḿ.
2Kɔ́ɔ̄ɓē, ōō ndūḿ. Ī-nēl̄ mbīí ōoń ndūḿ loo rāāī ɓɔ́ tə́!
3Kɔ́ɔ̄ɓē, ré ə́hɔ i gíŕ yá̰á̰ kə́ gōtə́ aĺ gə̄ anī,
i náā n a asə ndi kə kumneé ní?
4Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.
5m̄-ngóō Kɔ́ɔ̄ɓē kə ngarā̰ kemḿ malang ō,
m-ə̄ndā kemḿ dɔ najə̄ yān tə́ ō.
6Ngur Kɔ́ɔ̄ɓē rāām̄ ngá̰ý,
tɔȳ sāā kə́ nge ngɔ̄m̄ loo sāā kadə̄ loo tīī beé.
A̰á̰ā̰, tɔȳ rɔ̄kum.
7 Israel, ə̄ndā kemií dɔ Kɔ́ɔ̄ɓē tə́
tɔdɔ̄ ni i nge kem majə.
Ta róbə gə̄ kə́ kadə̄ ni gāngəń dɔí i ngá̰ý.
8I ni n i nge gān̄g dɔí,
tū yá̰á̰ kə́ gōtə́ aĺ gə̄ malang ń ī-rāā tə́ ní.
Currently Selected:
PĀ GƏ̄ 130: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
