PĀ GƏ̄ 113
113
Kɔ́ɔ̄ɓē i nge tūr̄ yá̰á̰ kə́ majaĺ gə̄ kɔ̄ɔ́
1 Aleluya!
Sḭḭ̄ ngé rāā kəla yā Kɔ́ɔ̄ɓē gə̄, ī-tɔ̄yī,
ī-tɔ̄yī rī Kɔ́ɔ̄ɓē.
2Ādə̄ de gə̄ əlan̄ gír rāā Kɔ́ɔ̄ɓē kə́ra ngɔr ń toō tə́ ō,
bátə́ kə̄ no tə́ ō!
3Ādə̄ de gə̄ tɔ̄ȳn̄ rī Kɔ́ɔ̄ɓē loo ń mbang a əɓa tū tə́ ní tə́,
bátə́ ugə̄ń loo ń mbang a udə tū tə́ ní tə́!
4Kɔ́ɔ̄ɓē o̰o̰ ɓē dɔ nápar de gə̄ tə́ malang ō,
kɔsə gɔn yān i dɔ dɔ rā̰ tə́ dɔɔ́ ō.
5I náā n to tītə̄ Kɔ́ɔ̄ɓē Nə́ɓā yājí ní?
Ni-ndi i dɔɔ́ sa̰y nú.
6Ba əga kumən kə nang tə́,
a̰a̰ń dɔ rā̰ ō dɔ nang ō.
7Nge tɔ́gə gətóó ń əsō nang tə́ ní,
ni-tél un udən dɔɔ́.
Ni un nge rɔ̄ tō ndoō kɔ̄ɔ́ dɔ bū loo tə́,
8yā kaw̄ kəndān kadə de kə́ bo gə̄ tə́,
kadə de kə́ bo gə̄ yā gír deē yān gə̄ tə́.
9Ni-əndā dəyá̰ kə́ kujə kújə ngaawaá,
ba rāān adə̄ téĺ kó̰ó̰ ngán gə̄ kə́ rɔ̄n nelə̄n.
Aleluya!
Currently Selected:
PĀ GƏ̄ 113: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.