Jakari 11
11
Deg mbetïn ngar go ðeat kïdasa
1Libã, i tee tabitg loi
kad horr õ sedïr loi,
2Udïn wi, în sipresïg kïta sedïr so,
ngékun død dõ nujïn.
Udïn wi, în dilg kï Basan
kïta ku kï nder tet ningt.
3Oon dø wi kïkud kï non lo ngéngnmbatg
kïta køsïgon lod nuj
ngan tubog kon kïta kú kï Jurdë tuj.
4Ndø mad Bïraþe Luwah lom elïm an:
I ul batg'n þet a jan kød,
5Îgïn ndugond
ndï tølïnd kïkanj ta døt
na îngïn ðawïnd sed a elïn anan:
Køsïgon kïdø Bïraþet
kïta m'ngah nyamaj.
Na ngengomd oon kumtondød al.
6Mî Bïraþe m'el kï tïga wakïsï m'an:
m'a m'oo kumtondo lo ngendï døningt'n non gog al,
m'a m'la dekïðen ji madþeat kï dekïðen ji ngart loa.
A tujïn døning'n non
na m'a m'aj de kïða jidt al.
7Titbe m'tel ngekulbatg îgïn ndand kïta tøl, ngeðagat dang sahn tøld. M'oi kagtøsï joo, m'nda to kïkïða Kamkë na m'nda to kïmad Ndaronat na m'ul batg. 8Kam naht kïkïðabe m'nuj ngekulbatg mïta kïta rom oi siw dødt, în to, rod neld sem al, 9ad m'el m'an: M'a m'ulsï al ta, în hã a oi a ne, kï woi, în hã a nuj a ne, kï nuj, na ndega kï nãi, kï dekïðen kudt sa dã namïn. 10M'un kagtøsï Kamkë lom m'tet nat kad m'gang kunkø lom în m'un sed deg tube. 11Ndøt'n non kunkø gang na ngeðagat dang îgïn ndï nõl mïn gerïn i ta lo Luwah, 12M'eld m'an: Îla i oo maj a ne, admïn nyabajim. Îla i titbe al a ne, ot kadïn. Kamla mbøjin gursu kïndah dømïta nyabaji admïn, 13Bïraþe elïm an: Gat kïmaj 'nten în i gat ye, i la ad ngeþahjo, na m'øi gursu kïnda kïdømïta nõ m'ü kam kujt lo Bïraþe kï tø ngeþahjo. 14Kamla m'un kagtøsï lom kïkõjoo Ndaronat m'tet nat kad m'ngang'n ngonkõ mbïna Judat kï Israel kø. 15Bïraþe elïm an: I tel oi nyag lo ngéngomþatg kïþood. 16Oo, m'a m'þai kï ngengomþatg kam døningt 'nten î hã a go batg'n ndï nujïn al, Îgïn tîn na a sah god al, a døø do lo ngengahdo al, Îgïn lapia lod goto a oo god al tø, na a sa dã nge kï rod bo mbulmbul, a ho til mbã tee ngotinjadt. 17Beto lo ngéngombatg lom kïpãbe'n nyàgo batg kø. Kï kiyaðøø nda jia kï kuma kïko kõt, kï jia ko kõat oi njurur, kï kuma ko kõat tøø rum.
Currently Selected:
Jakari 11: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
